આજે સંકટ ચોથ પર ગણેશજીની પૂજા કરતી વખતે આટલી ભૂલો બિલકુલ ન કરતા

વર્ષમાં આવતી 4 મોટી ચોથ પૈકીની એક સંકટ ચોથનું વ્રત આજે 10 જાન્યુઆરી, મંગળવારે મનાવવામાં આવી રહ્યું છે. આ દિવસે જો વ્યક્તિ પૂજા સમયે કેટલીક બાબતોનું ધ્યાન ન રાખે તો ગણેશજીની નારાજગીનો સામનો કરવો પડે છે. દર મહિને કૃષ્ણ પક્ષની ચતુર્થી તિથિના દિવસે સંકષ્ટી ચતુર્થી વ્રત રાખવામાં આવે છે. માઘ મહિનાના કૃષ્ણ પક્ષની ચતુર્થી તિથિ ખૂબ જ વિશેષ માનવામાં આવે છે. આ દિવસે સકત ચોથ વ્રત રાખવામાં આવે છે. આજનો દિવસ ભગવાન ગણેશને સમર્પિત છે. તે સંકટ ચોથ, લંબોદર ચતુર્થી, માઘી ચોથ, તિલકુટા ચોથ અને તિલ ચતુર્થી તરીકે ઓળખાય છે. આ દિવસે મહિલાઓ તેમના બાળકોના લાંબા આયુષ્ય અને સારા સ્વાસ્થ્ય માટે ઉપવાસ કરે છે. એવું માનવામાં આવે છે કે જો આ દિવસે ભગવાન ગણેશની પૂજા યોગ્ય રીતે કરવામાં આવે તો વ્યક્તિની તમામ પરેશાનીઓ દૂર થઈ જાય છે, પરંતુ કેટલીક ભૂલો કરવાથી પૂજાનું ફળ મળતું નથી અને કેટલાક સંજોગોમાં તો દોષ પણ લાગે છે 

શાસ્ત્રો અનુસાર ભૂલથી પણ ભગવાન ગણેશને તુલસી ન ચઢાવો. હિન્દુ ધર્મમાં કેટલાક દેવી-દેવતાઓની પૂજા તુલસી વિના અધૂરી માનવામાં આવે છે. પરંતુ કેટલાક દેવી-દેવતાઓને ભૂલથી પણ  તુલસી ન  ચઢાવવ જોઈએ. આમાં ગણેશજીનો પણ સમાવેશ થાય છે.

જ્યોતિષ શાસ્ત્ર અનુસાર શકત ચોથના દિવસે કાળા રંગના કપડા ન પહેરવા જોઈએ. ભગવાન શિવની પૂજા કરતી વખતે કાળા વસ્ત્રો પહેરવાનું કહેવાય છે. ગણેશજીની પૂજા દરમિયાન પીળા, લાલ, લીલા વગેરે રંગોના શુભ વસ્ત્રો પહેરવા જોઈએ.

શાસ્ત્રો અનુસાર, ભગવાન ગણેશને ભૂલથી પણ સફેદ રંગના ફૂલ, વસ્ત્ર, પવિત્ર દોરો, સફેદ ચંદન વગેરે ન ચઢાવો. એવું કહેવાય છે કે સફેદ વસ્તુઓનો સંબંધ ચંદ્ર સાથે હોય છે. એવું માનવામાં આવે છે કે ચંદ્રદેવે એકવાર ભગવાન ગણેશના સ્વરૂપનો ઉપહાસ કર્યો હતો. આ કારણથી ગણેશજીએ તેમને શ્રાપ આપ્યો હતો.

ભગવાન શિવની જેમ ગણેશજીને કેતકીના ફૂલ ન ચઢાવવા જોઈએ.

સંકટ ચોથના દિવસે જ્યારે આપ ચંદ્રને જળ અર્પણ કરો ત્યારે એ વાતનું ખાસ ધ્યાન રાખો કે અર્પણ કરેલા જળને તમારો પગ ન અડે અને સાથેજ અર્પણ કરેલા જળ પર કોઇનો પગ ન પડે, નહીંતર દોષ લાગે છે. 

આ પણ વાંચોઃ  આજે વર્ષની સૌથી મોટી અંગારકી ચોથ, ગણેશ મંદિરોમાં ભક્તોની ભીડ