દિલ્હીથી જે લોકોને સપના દેખાડવા આવે છે, આવા લોકોથી સતર્ક રહેવાની જરૂર છે: કેન્દ્રીય કાયદા અને ન્યાયમંત્રીશ્રી કિરણ રીજિજ્જુ

નવું બિલ્ડીંગ ન્યુ ડિસ્ટ્રીક્ટ એન્ડ સેશન્સ કોર્ટ, જ્ઞાનમંજરી એન્જિનિયરીંગ કોલેજ પાસે, સિદસર રોડ ખાતે નિર્માણ પામશે. કેન્દ્રીય કાયદા અને ન્યાયમંત્રીશ્રી કિરણ રીજિજ્જુએ આ પ્રસંગે જણાવ્યું હતું કે, કોર્ટ બિલ્ડિંગ ન્યાયના પ્રતીક સમાન છે ત્યારે ગુજરાતમાં ખૂબ જ સુવિધા યુક્ત કોર્ટ બિલ્ડીંગો બની રહ્યાં છે, ત્યારે પ્રસન્નતા વ્યક્ત કરી હતી. કેન્દ્ર સરકારની ગ્રાન્ટ નો ગુજરાતમાં માળખાગત સુવિધા માં વધારો કરવામાં ઉપયોગ થઈ રહ્યો છે. આ ઉપરાંત વડાપ્રધાન શ્રી નરેન્દ્ર મોદીના માર્ગદર્શન હેઠળ 2014 બાદ ભારત ભરમાં નવા સુવિધા યુક્ત બિલ્ડિંગો બનાવવાનું કાર્ય હાથ ધર્યું છે.

આ તકે રાજ્યના કાયદા અને ન્યાયમંત્રીશ્રી રાજેન્દ્ર ત્રિવેદી એ જણાવ્યું હતું કે કૃષ્ણ કુમાર સિંહજીએ નિર્માણ કરેલ કોર્ટનું બિલ્ડીંગ હજુ પણ કાર્યરત છે અને  જે ત્યારના રાજવીઓની પ્રશંશનીય કામગીરી દર્શાવે છે. હાલ ભાવનગરમાં 59  કરોડના ખર્ચથી છ માળનું 25 કોર્ટ રૂમ ધરાવતું આધુનિક સુવિધાયુક્ત ટેકનોલોજી સાથેનું બિલ્ડીંગ તૈયાર થશે. જેમાં ગુજરાત હાઇકોર્ટ જેટલી જ સુવિધા વાળુ બિલ્ડીંગ ભાવનગરમાં બનશે, ગુજરાતમાં ન્યાયતંત્રને ખૂબ જ સારો સહકાર દરેકને મળી રહ્યો છે. કોરોનાના કપરા સમયમાં પણ ગુજરાતની કોર્ટો દ્વારા ખૂબ જ ઉમદા કાર્ય કરવામાં આવ્યું હતું. ટેકનોલોજીના માધ્યમથી પણ કોર્ટ ચાલુ  રાખવામાં આવી હતી. 

આ સાથે જ સાંસદ સભ્યશ્રી ભારતી બહેન શિયાળે જણાવ્યું કે આજે આપણા માટે ગૌરવ ની વાત કે મંત્રી કિરણ રીજિજ્જુ  અહીંયા આવ્યા, ગુજરાતમાં અત્યારે ચૂંટણી ના પડઘમ વાગી ચુક્યા છે. ભારતમાં ભાજપ એક માત્ર પક્ષ જે ના કર્યકર્તા હંમેશા પ્રજાની વચ્ચે જ રહ્યો છે. Pm મોદી એ કેન્દ્રીય મંત્રીઓને આપણા વિસ્તારમાં મોકલ્યા છે, મોદી સાહેબ ભાવનગર આવ્યા ત્યારથી ચૂંટણીના પડઘમ ભાગી ચૂક્યાં છે, ઉમેદવાર કોણ હશે તેનાથી કોઇ મતલબ નથી તે કમળનો ઉમેદવાર હશે.  કોરોનામાં આપણે 80 કરોડ લોકોને અનાજ પૂરું પાડી, આપણે દવાઓ અને પીપીઇ કીટ દેશના તમામ લોકો સુધી પહોંચાડી, દરેક લોકો સુધી આપણે ઓક્સિજન પહોંચાડ્યો હતો, લોકો હસતા હતા કે દીવા પ્રગટાવવાથી કે થાળી વગાડવાથી કોરોના ન જાય, જેમ કચરામાં બિલાડીના ટોપ ઊગી નીકળે તેમ ચૂંટણીના સમયે લોકો નીકળી પડ્યા છે લોકો અહીંયા આવીને રેવડી વેચવાની જાહેરાત કરે છે, આવા લોકો આવે તો એવું કહેજો કે અમારે તમારી જરૂર નથી, પંજાબ અને દિલ્હીમાં તમે શું કર્યું છે તે અમને ખબર છે, આવા લોકોને અહીંયા આવવા દેજો નહીં

સાથે જ તેમણે ગુજરાત ચૂંટણીને લઇને કહ્યું કે પાલીતાણામાં કિરણ રીજિજ્જુએ અરવિંદ કેજરીવાલ પર પ્રહાર કરતાં કહ્યું કે દિલ્હીથી જ આવે છે તે  લોકોને સપના દેખાડવા આવે છે, આવા લોકોથી સતર્ક રહેવાની જરૂર છે,આપણો માર્ગ કોઈ ભટકાવે નહીં તે ધ્યાન રાખવાની જરૂર છે. હું અહીંયા કાર્યકર્તાને મળવા આવ્યો છું, કાર્યકર્તાઓના દિલથી જોડાવા આવ્યો છું, હું ABVP ના કાળથી પક્ષ સાથે જોડાયેલો છું. હજી પણ હું પક્ષ સાથેથી ઘણું શીખું છું લોકોની સેવા કેવી રીતે કરાય તે હું ગુજરાત પાસેથી શીખ્યોછું, જ્યારે પણ ગુજરાત આવું ત્યારે નવી વસ્તુ શીખવા મળે છે. આજે મને ભાવનગરમાં જવાનો મોકો મળ્યો, અહીંયા આવ્યો ત્યારે મને પાલીતાણા ના જૈન મંદિર વિશેની માહિતી મળી, હું પ્રથમ વખત અહીં આવ્યો છું, ગુજરાત મારા માટે નવું નથી પણ ભાવનગરમાં પહેલી વખત આવ્યો, કાયદા પ્રધાન બન્યા પહેલા મેં અલગ અલગ વિભાગો સંભાળ્યાં હતાં, ગુજરાતમાં મને અલગ અલગ જૂથ સાથે મળવાનો મોકો મળ્યો, આઠ વર્ષ પછી ગુજરાતે નેશનલ ગેમ્સનું આયોજન કર્યું અત્યાર સુધીમાં ક્યાંય આયોજન ન થયું હોય તેવું આયોજન ગુજરાતમાં થયું

છે. પાર્ટીના કાર્યકરોને મળી મને આનંદ થાય છે.