લો બોલો! AAP નેતાનો પોતાની જ પાર્ટી સામેનો વિરોધ જુઓ, ચઢી ગયા ટાવર પર

ચૂંટણીમાં ટિકિટ ન મળવાથી ઘણા નેતાઓ નારાજ થતા જોયા હશે તો ઘણા નેતાઓ પાર્ટીથી નારાજ થઈને રાજીનામું આપે છે અને ઘણા પાર્ટી બદલી નાખે છે. આમ આદમી પાર્ટી (AAP)ના ભૂતપૂર્વ કાઉન્સિલર હસીબ-ઉલ-હસન આજે પાર્ટીની કથિત ખોટી નીતિઓનો વિરોધ કરવા દિલ્હીના શાસ્ત્રી પાર્ક મેટ્રો સ્ટેશનની સામેના હાઈ ટેન્શન વાયર ટાવર પર ચઢી ગયા હતા. 

જણાવવામાં આવી રહ્યું છે કે, આમ આદમી પાર્ટીના પૂર્વ કાઉન્સિલર હસીબ-ઉલ-હસન આજે પાર્ટીની કથિત ખોટી નીતિઓના વિરોધમાં દિલ્હીના શાસ્ત્રી પાર્ક મેટ્રો સ્ટેશનની સામે એક હાઈ ટેન્શન વાયર ટાવર પર ચઢી ગયા હતા. તેમનો આરોપ છે કે પાર્ટીએ તેમને ટિકિટ પણ નથી આપી અને કાગળો પણ રાખી દેવામાં આવ્યા છે. તેમણે આરોપ લગાવ્યો કે, તેમને આગામી MCD લડવા માટે ટિકિટ આપવામાં આવી ન હોતી અને તે પછી તેમણે આત્મહત્યા કરવાની ધમકી આપી હતી અને આ સ્ટ્રક્ચર પર ચઢી ગયા હતા.

ટિકિટ કાપવાથી નારાજ આમ આદમી પાર્ટીના પૂર્વ કાઉન્સિલર ટાવર પર ચઢી ગયા અને કૂદવાની ધમકી આપવા લાગ્યા. આ પછી પોલીસે તેમને સમજાવવાની ઘણી કોશિશ કરી. નીચે ઊભી રહેલી પોલીસ AAP નેતાને નીચે ઉતરવાની અપીલ કરતી રહી, પરંતુ તેઓ તેમના અસલ કાગળો અને AAP નેતાઓ વિરુદ્ધ FIR મેળવવાની માગણી કરતા રહ્યા. ભૂતપૂર્વ કાઉન્સિલરે આક્ષેપ કર્યો હતો કે, પક્ષના નેતા દુર્ગેશ પાઠક દ્વારા તેમના અસલ દસ્તાવેજો જપ્ત કરવામાં આવ્યા છે અને તેમને ચૂંટણી લડવાની મંજૂરી આપવામાં આવી રહી નથી. આ સાથે તે ટાવર પર ચઢી ગયા અને હાઈવોલ્ટેજ ડ્રામા કરવા લાગ્યા.

આ પણ વાંચો - શું તમારા ઘરે પાલતું કૂતરું છે? તો આ નિયમ ધ્યાનથી વાચી જજો, નહીંતો થશે મોટું નુકસાન