જ્યારે એક બેરોજગાર છોકરાના ખાતામાં એટલા પૈસા આવ્યા કે તેને ગણવા મુશ્કેલ થઈ ગયા
- જ્યારે એક બેરોજગાર યુવકના ખાતામાં એટલા પૈસા આવ્યા કે તેને ગણવા મુશ્કેલ થઈ ગયા
- બેરોજગાર યુવકના ખાતામાં 10,01,35,60,00,00,00,00,00,01,00,23,56,00,00,00,00,299 રૂપિયા આવ્યા
- બેરોજગાર યુવકના ખાતામાં અચાનક અરબો રૂપિયા આવતા બેંકમાં પહોંચ્યો
- અચાનક અબજો રૂપિયા આવતા પોલીસે પણ શરૂ કરી તપાસ
ઉત્તર પ્રદેશના દનકૌર ગામમાં રહેતા એક બેરોજગાર યુવકના બેંક ખાતામાં અચાનક અરબો રૂપિયા આવવાનો મામલો સામે આવ્યો છે. 20 વર્ષના દીપુ ઉર્ફે દિલીપ સિંહે બે મહિના પહેલા કોટક મહિન્દ્રા બેંકમાં પોતાનું ખાતું ખોલાવ્યું હતું. 2 ઓગસ્ટના રોજ જ્યારે દિલીપે બેંકની મોબાઈલ એપ પર લૉગિન કર્યું તો તેના હોશ ઉડી ગયા હતા. પોતાના બેંક ખાતામાં આટલા બધા પૈસા દેખીને દિલના ધબકારા પણ વધી ગયા હતા.
દિલીપના બેંક ખાતામાં 10,01,35,60,00,00,00,00,00,01,00,23,56,00,00,00,00,299 રૂપિયા હોવાનું દેખાઈ રહ્યું હતુ. દિલીપે મોબાઈલ એપને ઘણી વખત બંધ કરી, ઘણી વખત પાસવર્ડ બદલ્યો, પરંતુ ખાતામાંથી અરબો રૂપિયા જવાનું નામ લેતા નહોતા.
બેરોજગાર યુવકે કહ્યું- હું પૈસા ગણી પણ ન શક્યો
મીડિયા સાથેની વાતચીતમાં તેમણે કહ્યું, “રકમ એટલી મોટી હતી કે હું ગણી શક્યો નહીં. બસ એટલું ગણી શક્યો કે આ સંખ્યા 37 અંકની છે. ગૂગલ પર પણ ટ્રાન્સલેટ કરવાનો પ્રયાસ કર્યો પરંતુ ત્યાંથી પણ કોઈ મદદ મળી નહીં.” દિલીપ જણાવ્યું કે, “મેં ઘણા લોકોને પણ બતાવ્યું, પરંતુ કોઈ આટલી મોટી રકમ ગણી શકતું નહોતું.”કેમેરાની સામે જ્યારે દિલીપ આ રકમ ગણવાનો પ્રયાસ કરે છે, ત્યારે તેઓ દસ અરબ સુધી ગણ્યા પછી હાથ ઊંચા કરી દે છે અને કહે છે, “આગળની ગણતરી મને આવડતી નથી.”
આ પણ વાંચો-Stock market down :ટ્રમ્પના ટેરિફ સામે શેરબજાર કડડભૂસ,સેન્સેક્સ 765 પોઈન્ટ તૂટ્યો
મનમાં ઉથલપાથલ
દિલીપ બારમું ધોરણ પાસ છે અને બેરોજગાર છે. તેઓ છેલ્લા કેટલાક સમયથી નોકરીની શોધમાં છે. બેંક ખાતામાં અરબો રૂપિયા જોઈને દિલીપને શરૂઆતમાં લાગ્યું કે આ ટેકનિકલ એરર હોઈ શકે છે, પરંતુ વારંવાર ચેક કરવા પર પણ એ જ રકમ દેખાતી હતી. આ અંગે દિલીપ જણાવે છે કે “મને લાગ્યું કે આટલા પૈસા છે, તો મેં 10 હજાર રૂપિયા બીજા ખાતામાં ટ્રાન્સફર કરવાનો પ્રયાસ કર્યો પરંતુ તે થઈ શક્યું નહીં. બેંકવાળાઓએ મારું ખાતું ફ્રીઝ કરી દીધું છે.”
તેને કહ્યું કે, “હું આટલા પૈસા જોઈને હેરાન હતો, એકવાર તો લાગ્યું કે લૉટરી લાગી છે, પરંતુ લૉટરી પણ આટલી મોટી તો ન જ લાગે.”જ્યારે દિલીપ સિંહને પૂછવામાં આવ્યું કે બેંક ખાતામાં અરબો રૂપિયા આવ્યા તે પહેલાં કેટલું બેલેન્સ હતું, તો તેઓ કહે છે, “મેં 10-20 રૂપિયા જ ખાતામાં રાખ્યા હતા.”
जब बेरोज़गार युवक के बैंक खाते में आ गए इतने 10,01,35,60,00,00,00,00,00,01,00,23,56,00,00,00,00,299 रुपये, दो महीने पहले ही खुलवाया था खाताhttps://t.co/Pyq8SfPAhS
— ABI (@AkelaBureau) August 6, 2025
બેંકે શું કહ્યું?
દિલીપે કોટક મહિન્દ્રા બેંકમાં પોતે જ ઑનલાઇન સેવિંગ્સ ખાતું ખોલ્યું હતું. ખાતામાં અરબો રૂપિયા આવવાની જાણકારી આપવા માટે દિલીપ પોતે બેંકમાં પણ ગયા હતા. બેંકે દિલીપને કહ્યું, “ગભરાવાની કોઈ વાત નથી. આ જે રકમ દેખાઈ રહી છે તે રૂપિયા નથી, પરંતુ આ એક ટેકનિકલ એરર છે.”
દનકૌર પોલીસ સ્ટેશનના સબ-ઇન્સ્પેક્ટર સોહનપાલ સિંહે મીડિયા સાથેની વાતચીતમાં જણાવ્યું, “પોલીસે તપાસ કરી છે. ફોનપે અને બેંક સ્ટેટમેન્ટ ચેક કર્યા પછી યુવકના ખાતામાં બેલેન્સ શૂન્ય રૂપિયા દેખાઈ રહ્યું છે.”તેમણે કહ્યું, “બેંક સાથે પણ પોલીસે સંપર્ક કર્યો છે. ટેકનિકલ એરરના કારણે એક ખાસ એપમાં આ રકમ દેખાઈ રહી છે, જ્યારે વાસ્તવમાં ખાતામાં એક રૂપિયો પણ નથી.”
આ પણ વાંચો- BIG NEWS : કેન્દ્ર સરકારે ઈન્કમ ટેક્સ બિલ પાછું ખેંચ્યું,11 ઓગસ્ટે આવશે નવું બિલ
પડોશીઓ શું કહે છે?
દિલીપના ખાતામાં અરબો રૂપિયા આવવાની ખબર આખા દનકૌર કસ્બામાં ફેલાઈ ગઈ છે. દરેકની જીભ પર આ વાત સંભળાઈ રહી છે. ઘણા દિવસોથી સતત મીડિયાકર્મીઓ પણ દિલીપને મળવા આવી રહ્યા છે. દિલીપના એક પડોશી કહે છે, “મારું નામ પણ દિલીપ છે. તેના ચક્કરમાં લોકો મને પણ ઘણા દિવસોથી ફોન કરી રહ્યા છે. અહીં આ વિસ્તારમાં મોટાભાગના લોકો ગરીબ છે. આટલી મોટી રકમ ખાતામાં જોઈને દરેક હેરાન છે.”
मजदूर के खाते में थे अरबों रुपये, बोला- मीडिया में खबर आते ही '0' हो गया बैलेंस https://t.co/TkHjwyB5AN pic.twitter.com/5sg5aOkSG2
— NDTV Rajasthan (@NDTV_Rajasthan) August 6, 2025
તેઓ કહે છે, “બેંક બેલેન્સના સ્ક્રીનશૉટને દિલીપના યાર-દોસ્તો સોશિયલ મીડિયા પર પોસ્ટ કરી રહ્યા છે અને કેટલીક પોસ્ટ તો વાયરલ પણ થઈ રહી છે.”પડોશમાં રહેતી સુમન કહે છે, “પૈસા આવે તો કોને ખરાબ લાગે, ખૂબ સારું લાગે છે. આખા દનકૌરમાં ચર્ચા થઈ રહી છે.”તેઓ કહે છે, “દિલીપના માતા-પિતાનું અવસાન થઈ ગયું છે અને તે પોતાની નાની પાસે રહે છે. તેની પાસે કોઈ નોકરી નથી. અમે ઈચ્છીએ છીએ કે તેની થોડી મદદ થઈ જાય.”
આ પણ વાંચો-શું ખરેખર બેંગ્લોરના એક નાનકડા ઘરમાં 80 વોટર રહે છે? જાણો રાહુલ ગાંધીનો દાવો કેટલો સાચો?