TMC એ સાંસદ મહુઆ મોઇત્રાના નિવેદનથી હાથ ખંખેરી નાખ્યાં, કાલી માતાને કહ્યું માંસ ખાતી દેવી

મણિમેકલાઈએ ટ્વિટર પર તેની શોર્ટ ફિલ્મ 'કાલી'નું પોસ્ટર શેર કર્યું હતું, જેમાં હિંદુ દેવી ધૂમ્રપાન કરતી અને તેના હાથમાં LGBTQ સમુદાયનો ધ્વજ પકડીને બતાવે છે. જેને લઈને વિવાદ વધ્યો છે.પ શ્ચિમ બંગાળની શાસક પાર્ટી તૃણમૂલ કોંગ્રેસ (TMC) એ તેના સાંસદ મહુઆ મોઇત્રાના કાલી દેવી પરના નિવેદનથી પોતાને દૂર રાખ્યા છે. પાર્ટીએ કહ્યું કે મહુઆ મોઇત્રાએ કાલી દેવી વિશે જે પણ નિવેદન આપ્યું છે તે તેમનું અંગત નિવેદન છે અને પાર્ટી તેનું સમર્થન કરતી નથી. 

ટોરોન્ટો સ્થિત ફિલ્મ નિર્માતા લીના મણિમેકલાઈએ શનિવારે ટ્વિટર પર તેની શોર્ટ ફિલ્મ 'કાલી' નું પોસ્ટર શેર કર્યું, જેમાં હિંદુ દેવી ધૂમ્રપાન કરતી અને તેના હાથમાં LGBTQ સમુદાયનો ધ્વજ પકડીને દર્શાવાઇ છે. જેને લઈને વિવાદ વધ્યો છે. મંગળવારે એક ટીવી ચેનલ સાથે વાત કરતા તૃણમૂલ કોંગ્રેસના સાંસદ મહુઆ મોઇત્રાએ મા કાલીને એવી દેવી ગણાવી હતી જે માંસ ખાય છે અને દારૂ સ્વીકારે છે. તેણે કહ્યું કે તે દેવી કાલીને તેઓ આ સ્વરૂપમાં જુએ છે. હવે TMCએ ટ્વીટ કરીને સ્પષ્ટતા આપી છે. ટીએમસીએ તેના સત્તાવાર ટ્વિટર હેન્ડલ પર લખ્યું, "ઈન્ડિયા ટુડે કોન્ક્લેવ ઈસ્ટ 2022માં મહુઆ મોઈત્રા દ્વારા કરવામાં આવેલી ટિપ્પણીઓ અને દેવી કાલી પરના તેમના મંતવ્યો તેમની વ્યક્તિગત રીતે કરવામાં આવ્યા છે અને પાર્ટી તેને કોઈપણ રીતે સમર્થન આપતી નથી. ઓલ ઈન્ડિયા તૃણમૂલ કોંગ્રેસ આવા નિવેદનોની સખત નિંદા કરે છે.

મોઇત્રાએ કહ્યું હતું કે, "તમે ઇચ્છો તે રીતે તમારા ભગવાનની કલ્પના કરી શકો છો. મારા માટે, માતા કાળી માંસ ખાનાર અને વાઇન સ્વીકારનાર દેવી છે. ઘણી જગ્યાએ વ્હિસ્કી દેવીને અર્પણ પણ કરવામાં આવે છે અને બીજી ઘણી જગ્યાએ નિંદા કરવામાં આવે છે."  ભાજપે પણ મહુઆ મોઇત્રાના આ નિવેદનનો વિરોધ કર્યો છે. રાજ્યની મુખ્ય વિપક્ષી પાર્ટીએ  મુખ્યમંત્રી મમતા પાસે કાર્યવાહીની માંગ કરી છે. શુભેન્દુ અધિકારીએ કહ્યું છે કે TMC હંમેશા હિંદુ દેવી-દેવતાઓનું અપમાન કરે છે.

દિલ્હી પોલીસે ફિલ્મ નિર્માતા લીના મણિમેકલાઈ સામે તેની ડોક્યુમેન્ટ્રી 'કાલી'ના વિવાદાસ્પદ પોસ્ટરના સંબંધમાં કેસ નોંધ્યો છે. અધિકારીઓએ મંગળવારે આ માહિતી આપી. તેમણે કહ્યું કે, એક વકીલે પોલીસમાં નોંધાવેલી ફરિયાદમાં આરોપ લગાવ્યો હતો કે સોશિયલ મીડિયા પર એક પોસ્ટર પ્રસારિત કરવામાં આવી રહ્યું છે જેમાં "દેવી કાલી સિગારેટ પીતી" દર્શાવવામાં આવી રહી છે. એક વરિષ્ઠ અધિકારીએ જણાવ્યું હતું કે ફરિયાદ અને સોશિયલ મીડિયા પોસ્ટની સામગ્રીના આધારે, પ્રથમ નજરે IPC કલમ 153A (ધર્મ, જાતિ વગેરેના આધારે બે જૂથો વચ્ચે નફરતને પ્રોત્સાહન આપવું) માન્યતાઓનું અપમાન કરીને ધાર્મિક લાગણીઓને ભડકાવવી). દિલ્હી પોલીસના 'ઈન્ટેલિજન્સ ફ્યુઝન એન્ડ સ્ટ્રેટેજિક ઓપરેશન' (IFSO) યુનિટે મણિમેકલાઈ સામે કેસ નોંધ્યો છે, એમ તેમણે જણાવ્યું હતું. અધિકારીના જણાવ્યા અનુસાર આ મામલે તપાસ શરૂ કરવામાં આવી છે. 

ઓટ્ટાવા ખાતેના ભારતીય હાઈ કમિશને કેનેડિયન સત્તાવાળાઓને શોર્ટ ફિલ્મ 'કાલી' સંબંધિત તમામ વાંધાજનક સામગ્રી હટાવવાની અપીલ કરી છે. હાઈ કમિશને આ પગલું કેનેડામાં હાજર હિંદુ સમુદાયના નેતાઓ તરફથી ત્યાં રિલીઝ થયેલી શોર્ટ ફિલ્મના પોસ્ટરમાં હિંદુ દેવીનું અપમાનજનક ચિત્રણ કરવામાં આવ્યું હોવાની ફરિયાદો મળ્યા બાદ ઉઠાવ્યું છે .