• પાણીપુરી ખાતાં Nigerian મહિલા નાચી ઉઠી, Video Viral
• દેશી લૂકમાં વિદેશી મહિલા, પાણીપુરી ખાઈને દિલ જીત્યું
• નાઇજિરિયન શેફ બની દેશી મહિલા, પાણીપુરી પર જોવા મળી ફિદા
• વિદેશી મહિલાએ સાડીમાં માણી પાણીપુરીની મજા, સોશિયલ મીડિયા પર છવાઈ
• ભારતીય ચાટ પર ફિદા Nigerian મહિલા

Nigerian chef tastes Panipuri video : ભારતની યાત્રાએ આવેલા વિદેશી પ્રવાસીઓના વીડિયો અવારનવાર સોશિયલ મીડિયા પર વાયરલ થતા હોય છે. મોટાભાગના વિદેશી પ્રવાસીઓ ભારતીય સંસ્કૃતિની વિવિધતા અને અહીંના અદ્ભુત ભોજનનો આનંદ માણી તેના વખાણ કરતા હોય છે. સુગંધિત બિરયાની, સ્વાદિષ્ટ કબાબ, તેમજ શેરી શૈલીની ચટાકેદાર ચાટ અને પૌષ્ટિક શાકાહારી થાળી – આ તમામ ભારતીય વાનગીઓની આખી દુનિયામાં એક અનોખી ઓળખ છે. આ જ ભાવના હાલમાં ઇન્સ્ટાગ્રામ પર વાયરલ થયેલા એક વીડિયોમાં જોવા મળી, જ્યાં એક નાઇજિરિયન મહિલાએ ભારતીય સંસ્કૃતિ અને ખાણી-પીણીને ઉત્સાહપૂર્વક અપનાવી લીધા છે.

દેશી સ્ટાઇલમાં પાણીપુરીનો આનંદ

આ વાયરલ વીડિયો @chefbraakman નામના ઇન્સ્ટાગ્રામ હેન્ડલ દ્વારા શેર કરવામાં આવ્યો છે. વીડિયોમાં, આ મહિલા, જે પોતે વ્યવસાયે રસોઇયા (Chef) છે, તે એકદમ દેશી લૂકમાં જોવા મળે છે. તેણે સુંદર ગુલાબી સાડી અને વાદળી બ્લાઉઝ પહેર્યું છે અને તે કોઈ લગ્ન સમારોહમાં ફૂડ સ્ટોલની સામે ઊભી રહીને ભારતની સૌથી લોકપ્રિય સ્ટ્રીટ ફૂડ – પાણીપુરીનો આનંદ માણી રહી હોય તેવું લાગી રહ્યું છે. તેણે મસાલેદાર બટાકાનો મસાલો અને ખાટા-તીખા પાણી સાથે ભરેલી ક્રિસ્પી પાણીપુરીની મજા માણી. સૌથી વધુ ધ્યાન ખેંચનારી બાબત એ હતી કે તેણે પાણીપુરીને વચ્ચેથી તોડ્યા વિના, મોટાભાગના ભારતીયોની જેમ, એક જ વારમાં આખી પુરી મોઢામાં મૂકી દીધી હતી. તેના ચહેરા પરના હાવભાવથી સ્પષ્ટ થઇ રહ્યું છે કે તેને આ પાણીપુરી કેટલી પસંદ આવી છે.

ચિકન બિરયાનીથી શરૂઆત, હવે શાકાહારી ભોજનની દીવાની

પોસ્ટના કેપ્શનમાં, Chef મહિલાએ પોતાના ભારતીય ભોજનના અનુભવ વિશે વિગતવાર જણાવ્યું હતું. તેમણે લખ્યું કે ભારતમાં આવતાની સાથે જ તેણે સૌથી પહેલા મુંબઈમાં ચિકન બિરયાનીનો સ્વાદ માણ્યો હતો. પરંતુ ત્યારથી તે વિવિધ પ્રકારની શાકાહારી વાનગીઓનો પ્રયાસ કરી રહી છે. તેમણે કહ્યું, "હું 2 તારીખે મુંબઈ પહોંચી અને ત્યા મે ચિકન બિરયાની ખાધી હતી અને ત્યારથી હું ખુશીથી શાકાહારી છું; મારા પેટને તે ખૂબ જ ગમે છે!" તેણે આગળ લખ્યું, ભોજનનો સંતુલિત અનુભવ મેળવવા માટે તે દિલ્હીમાં ફરીથી નોન-વેજ વાનગીઓનો પ્રયાસ કરવાની યોજના બનાવી રહી છે. પરંતુ હાલમાં, તેણીને ઘણી બધી પાણીપુરીની જરૂર છે, તેમ કહીને તેણે ભારતીય ચાટ પ્રત્યેનો પોતાનો પ્રેમ વ્યક્ત કર્યો હતો.

યુઝર્સે સાડી લૂકની કરી પ્રશંસા

સોશિયલ મીડિયા પર આ વીડિયો વાયરલ થયા પછી યુઝર્સની પ્રતિક્રિયાઓ ખૂબ જ સકારાત્મક આવી રહી છે. લોકોએ માત્ર ભારતીય ભોજન પ્રત્યેના તેમના પ્રેમને જ નહીં, પરંતુ તેમની સાડી પહેરવાની પરફેક્ટ દેશી શૈલીની પણ ખૂબ પ્રશંસા કરી હતી. એક યુઝરે લખ્યું, "મેં તેમને સાડી પહેરેલી અને અન્ય ભારતીયોની જેમ પાણીપુરીનો આનંદ માણતી જોઈ અને પછી અચાનક મને ખ્યાલ આવ્યો, ઓહ, આ તો ભારતીય નથી અને પછી મેં વિચાર્યું વાહ! તે ભારતીય ન પણ હોય, પણ તે બિલકુલ આપણા જેવી દેખાય છે. તે આપણામાંથી એક છે." જ્યારે બીજા યુઝરે તેમની સાડી પહેરવાની રીતને વખાણતા કહ્યું, "તમે જે રીતે સાડી પહેરી છે તે ભારતીય શૈલીને સંપૂર્ણ રીતે પ્રતિબિંબિત કરે છે. મારી કાકી પણ બરાબર આવી જ સાડી પહેરે છે." ઘણા લોકોએ "ભારતમાં આપનું સ્વાગત છે" કહીને તેમનું અભિવાદન કર્યું હતું.

આ પણ વાંચો :   Viral : લગ્નના પીઠી પ્રસંગમાં આન્ટીના જોરદાર ડાન્સથી 16 ચાંદ લાગ્યા