Seema Haider Pregnant: ફરીથી માતા બનશે, યૂટ્યૂબ પર આપી ગુડ ન્યૂઝ
- સીમા હૈદરે યૂટ્યૂબ વીડિયોમાં પોતે ફરીથી માતા બનવાની ખુશખબર આપી (Seema Haider Pregnant )
- સીમાએ વીડિયોમાં બેબી બમ્પ બતાવ્યો, સાતમો મહિનો ચાલુ હોવાનું જણાવ્યું
- સચિન મીણા અને સીમાનું આ બીજું સંતાન ફેબ્રુઆરીમાં આવશે
- સચિન વીડિયોમાં સીમાની વિશેષ સંભાળ લેતા નજર આવે છે
- આ દંપતીએ માર્ચ 2025માં જ પ્રથમ સંતાનને જન્મ આપ્યો હતો
Seema Haider Pregnant : પાકિસ્તાનથી ભારત આવેલી સીમા હૈદરનું નામ સોશિયલ મીડિયા પર ફરી એકવાર ચર્ચામાં છે. સીમાએ પોતાની યુટ્યુબ ચેનલ પર એક નવો વીડિયો જાહેર કરીને ચાહકો સાથે 'ગુડ ન્યૂઝ' શેર કરી છે. યૂટ્યૂબ ચેનલ પર બેબી બમ્પ બતાવતા તેણે કહ્યું છે કે તે ફરીથી માતા બનવા જઈ રહી છે.
સીમા અને સચિનનું આ બીજું સંતાન હશે. આ વર્ષે 18 માર્ચના રોજ જ આ દંપતીના ઘરે પુત્રીનો જન્મ થયો હતો.
નવા વીડિયોમાં સીમા પોતાનો બેબી બમ્પ બતાવે છે અને કહે છે કે તેને આ દિવસોમાં ઘી ખાવાની ખૂબ ઈચ્છા થાય છે. આ દરમિયાન સચિન પોતાના એક સંબંધીને ફોન કરીને બે કિલો ઘી મંગાવતા પણ જોવા મળે છે. સીમા હૈદરે આ વર્ષે માર્ચમાં એક પુત્રીને જન્મ આપ્યો હતો, જેનું નામ ભારતી (મીરા) રાખવામાં આવ્યું છે. હવે તેમનો સાતમો મહિનો ચાલી રહ્યો છે અને ફેબ્રુઆરીમાં તેમની ડિલિવરીની ડ્યૂ ડેટ છે.
વાયરલ વીડિયોમાં સચિન અને સીમાનો પ્રેમ
સચિન અને સીમાએ પોતાના યુટ્યુબ પર આ વીડિયો શેર કર્યો છે. વીડિયોમાં સીમા કહે છે કે ઘરમાં ઘી નહોતું, તેથી તે પોતાની 'ક્રેવિંગ' પૂરી કરી શકતી ન હતી. સચિન અને સીમા વચ્ચેની આ વાતચીત સોશિયલ મીડિયા પર ઝડપથી વાયરલ થઈ રહી છે. આ વીડિયો સામે આવ્યા બાદ લોકોએ તેમની કહાણી, પડકારો અને અંગત જીવન પર ફરીથી ચર્ચા શરૂ કરી દીધી છે.
સચિન મીણા સાથેનું આ તેમનું બીજું બાળક હશે, જ્યારે તેમના ચાર બાળકો પાકિસ્તાની પતિ ગુલામ હૈદર તરફથી છે. આ રીતે, સચિન અને સીમાના પરિવારમાં હવે કુલ પાંચ બાળકો છે, અને નવા બાળકના જન્મ પછી બાળકોની કુલ સંખ્યા છ થઈ જશે.
પ્રેગ્નન્સીમાં સીમાની સંભાળ લેતો સચિન
મે 2023 માં સીમા પોતાના ચાર બાળકો સાથે નેપાળ થઈને ભારત આવી હતી. ત્યારથી તે નોઈડાના રબૂપુરામાં સચિન સાથે રહે છે. સચિન અને સીમાની મિત્રતા PUBG ગેમ રમતી વખતે થઈ હતી.
નવા વીડિયોમાં સચિન સીમાને પૂછે છે કે તે ડૉક્ટર પાસે કેમ જઈ રહી નથી. તે તેને આરામ કરવા, પૂરતું પાણી પીવા અને ભારે સામાન ન ઉપાડવાની સલાહ આપે છે. સચિન જણાવે છે કે સીમા સાતમા મહિનામાં છે, તેથી તેમને વિશેષ કાળજીની જરૂર છે. આ વીડિયોમાં સચિન તેમનું ધ્યાન રાખતા જોવા મળી રહ્યા છે.
આ પણ વાંચો : Alia Bhatt કે હમશકલ...! ઓખળવામાં થાપ ખાઇ જવાય તેવો વીડિયો વાયરલ