Google પરથી ખબર પડી બોયફ્રેન્ડની અસલીયત, ચોંકી ગઈ મહિલા, ઓનલાઈન થઈ હતી મુલાકાત

• સોશિયલ મીડિયા પર પ્રેમ શોધતી મહિલાને લાગ્યો આંચકો
• લાઈફ પાર્ટનર બનવાનો દાવા કરનાર વ્યક્તિની ખુલી પોલ
• કોર્ટે આપી આરોપીને દસ વર્ષની કેદની સજા

Online Dating Fraud : સોશિયલ મીડિયા પર લાઈફ પાર્ટનર, બોયફ્રેન્ડ, ગર્લફ્રેન્ડ શોધવાનો ટ્રેન્ડ સતત વધી રહ્યો છે, પરંતુ સાથે સાથે જ છેતરપિંડીના કિસ્સાઓ પણ ઝડપથી વધી રહ્યા છે. એક મહિલા જે ઓનલાઈન એક વ્યક્તિને મળી હતી તેને લાગ્યું કે તેને તેના સપનાનો રાજકુમાર મળી ગયો છે, હવે તે જ તેનો જીવનસાથી છે. તે મહિલા વ્યક્તિ સાથે ડેટ પર ગઈ અને પછી ફરવા નીકળી ગઈ, પરંતુ આ દરમિયાન જ્યારે ગુગલે તેને વ્યક્તિ વિશે સત્ય જણાવ્યું ત્યારે તે ચોંકી ગઈ.

મહિલા ઘરેલુ હિંસાનો ભોગ બની હતી અને તે એવા વ્યક્તિની શોધમાં હતી જે ઘરેલુ હિંસાનો વિરોધ કરતો હોય. આવી સ્થિતિમાં તેની મુલાકાત એક 38 વર્ષીય વ્યક્તિ સાથે થઈ. બંને વચ્ચે લાંબી વાતચીત શરૂ થઈ. આ દરમિયાન વ્યક્તિએ કહ્યું કે તે ઘરેલુ હિંસાનો વિરોધ કરે છે. આવી સ્થિતિમાં, બંને વચ્ચેની નિકટતા વધુ વધી ગઈ. આ પછી બંને રજાઓ ગાળવા ગયા અને આ દરમિયાન વ્યક્તિનું રહસ્ય ખુલી ગયું.

ગુગલે સત્ય કહ્યું, મહિલા ચોંકી ગઈ

રજા ગાળવા ગયા તે દરમિયાન જ મહિલાને વ્યક્તિનું પૂરું નામ ખબર પડી. આ પછી, જ્યારે તેણીએ ગુગલ પર વ્યક્તિનું નામ શોધ્યું, ત્યારે તેના પગ નીચેથી જમીન સરકી ગઈ. તે વ્યક્તિએ પોતાના વિશે કરેલા દાવા સંપૂર્ણપણે ખોટા નીકળ્યા અને એવું સત્ય સામે આવ્યું કે લોકો ચોંકી ગયા.

આ પણ વાંચો :  Video: પોલીસ ચોકી ઇન્ચાર્જે વિદ્યાર્થીને બેરહેમીથી માર માર્યો, જુઓ Viral Video

75 ગુનાહિત કેસ અને 24 માં દોષિત

મહિલાને ખબર પડી કે જેને તે પોતાનો જીવનસાથી માને છે તેના વિરુદ્ધ કુલ 75 ગુનાહિત કેસ નોંધાયેલા છે અને તે 24 કેસોમાં દોષિત ઠેરવવામાં આવ્યો છે. એટલું જ નહીં, તેની સામે નોંધાયેલા મોટાભાગના ઘરેલુ હિંસાના કેસ તેના ભૂતપૂર્વ પાર્ટનર દ્વારા દાખલ કરવામાં આવ્યા હતા. જોકે, જ્યારે મહિલાએ વ્યક્તિ સાથે આ વિશે વાત કરી, ત્યારે મામલો વધુ વણસી ગયો.

આ પછી વ્યક્તિએ તેણીને હેરાન કરવાનું શરૂ કર્યું અને પરિવારને નુકસાન પહોંચાડવાની ધમકી આપવાનું શરૂ કર્યું. એટલું જ નહીં, તેણે સોશિયલ મીડિયા પર કેટલાક અંગત ફોટા અને વીડિયો શેર કરવાની ધમકી આપીને તેણીને બ્લેકમેલ કરવાનું શરૂ કર્યું, પરંતુ યુવતી ડરી નહીં અને તેણે તે વ્યક્તિ વિરુદ્ધ ફરિયાદ નોંધાવી. કોર્ટે આરોપીને દસ વર્ષની કેદની સજા ફટકારી છે અને કડક ચેતવણી પણ આપી છે.

આ પણ વાંચો :  VIDEO: રાજસ્થાનમાં છવાઈ બરફની ચાદર,આ વિસ્તારમાં કરા પડ્યા!