• Viral Afghan girl : રહસ્યમય યુવતી વજહામા આયુબીનો વીડિયો વાયરલ
• ટ્રોફી વિવાદથી એશિયા કપનો ફાઇનલ ચર્ચામાં
• ભારતીય જીતમાં અફઘાન સમર્થકોનો ઉમંગ
• સોશિયલ મીડિયામાં વજહામા આયુબીની ધૂમ

Social media viral Afghan girl : ક્રિકેટ જગતમાં હંમેશાં કોઈક રોમાંચક અને ચર્ચાસ્પદ ઘટના બનતી રહે છે. તાજેતરમાં એશિયા કપની ફાઇનલમાં ભારતની પાકિસ્તાન પરની ભવ્ય જીત પણ આવી જ ચર્ચાનું કેન્દ્ર બની છે. ભારતે પાકિસ્તાનને 5 વિકેટે હરાવીને ટાઇટલ જીત્યું, પરંતુ વિજય સમારોહ દરમિયાન બનેલી એક ઘટનાએ સમગ્ર ક્રિકેટ જગતને આઘાત પહોંચાડ્યો હતો. સાથે જ, ભારતીય ટીમની આ જીત બાદ એક યુવતીનો વીડિયો પણ સોશિયલ મીડિયા પર ધૂમ મચાવી રહ્યો છે.

ભારતની જીતમાં સામેલ અફઘાન સમર્થકો

એક તરફ પાકિસ્તાની કેમ્પમાં સ્પષ્ટ નિરાશા અને તણાવનું વાતાવરણ હતું, તો બીજી તરફ ભારતીય છાવણીમાં જશ્નનો માહોલ હતો. આ ઉજવણીમાં ભારતીય ચાહકોની સાથે અફઘાનિસ્તાનના ક્રિકેટ સમર્થકો પણ જોડાયા હતા. પાકિસ્તાન સાથે અફઘાનિસ્તાનના ઐતિહાસિક ક્રિકેટ વિવાદો અને સામાન્ય સંબંધોને જોતાં, અફઘાન સમર્થકો ઘણીવાર ભારતને ટેકો આપતા મેદાનમાં જોવા મળ્યા છે, અને આ મેચમાં પણ એવું જ થયું હતું. ભારતીય અને અફઘાન સમર્થકોએ મળીને મેદાન પર પોતાની ખુશી વ્યક્ત કરી, જે સ્પોર્ટ્સમેનશિપની ભાવનાનું એક સુંદર ઉદાહરણ હતું.

રહસ્યમય છોકરીનો વીડિયો થયો વાયરલ (viral Afghan girl)

ભારતની આ પ્રભાવશાળી જીત બાદ સોશિયલ મીડિયા પર એક વીડિયો જબરદસ્ત વાયરલ થઈ રહ્યો છે. આ વીડિયો એક વજ્મા અયુબી નામના એકાઉન્ટ પર શેર કરવામાં આવ્યો છે, જેમાં એક યુવતી ભારતીય ટીમને ટેકો આપતી જોવા મળે છે. વાયરલ થઈ રહેલા વીડિયોમાં, આ યુવતી ભારતીય ટીમની જીત બાદ પોતાના મોબાઈલ ફોનથી મેદાનનું ફિલ્માંકન કરી રહી છે. તે સમયે ટીમ ઈન્ડિયા વિજેતા સમારોહની રાહ જોઈ રહી હોય છે. યુવતીએ આ ક્ષણોને પોતાના કેમેરામાં કેદ કરી અને ખુશી-ખુશી તેને પોતાના સોશિયલ મીડિયા એકાઉન્ટ્સ પર શેર કરી. આ 'રહસ્યમય' યુવતીનું નામ વજહામા આયુબી છે.

Congratulations India 🇮🇳 👏🏻#INDvsPAK pic.twitter.com/tIXE2xxEU4

— Wazhma Ayoubi 🇦🇫 (@WazhmaAyoubi) September 28, 2025

અવારનવાર ભારતીય ટીમને મેદાન પર ટેકો

વજહામા આયુબી હવે ક્રિકેટ ચાહકો માટે નવો ચહેરો નથી. તે અવારનવાર ભારતીય ટીમને મેદાન પર ટેકો આપતી જોવા મળે છે, જેના કારણે તે ભારતીય ક્રિકેટ ચાહકોમાં ઘણી લોકપ્રિય છે. તેના સોશિયલ મીડિયા એકાઉન્ટ્સ પરથી જાણવા મળે છે કે તે મૂળ અફઘાનિસ્તાનની છે. વીડિયો શેર કરતી વખતે આ viral Afghan girl વજહામા અયુબીએ સરળતાથી લખ્યું, "અભિનંદન ભારત." આ વીડિયોમાં વજહામાએ પોતાના ખભા પર ભારતીય ત્રિરંગાના રંગોમાં એક સ્કાર્ફ લપેટ્યો છે. ભારતીય ક્રિકેટ પ્રત્યેની તેની આ લાગણી લોકોને ખૂબ પસંદ આવી રહી છે. તેના પોસ્ટ પર ચાહકો તરફથી રમુજી અને સકારાત્મક પ્રતિક્રિયાઓનો વરસાદ થઈ રહ્યો છે.

ભારતીય ખેલાડીઓનો ટ્રોફી લેવાનો ઇનકાર

ભારતીય ટીમે ફાઇનલમાં પાકિસ્તાનને હરાવીને ટાઇટલ જીત્યું, પણ જે ઘટનાએ સૌનું ધ્યાન ખેંચ્યું તે હતી ભારતીય ખેલાડીઓ દ્વારા એશિયન ક્રિકેટ કાઉન્સિલ (ACC)ના વડા અને પાકિસ્તાન ક્રિકેટ બોર્ડ (PCB)ના અધ્યક્ષ મોહસીન નકવી પાસેથી ટ્રોફી સ્વીકારવાનો ઇનકાર. આ એક અસામાન્ય અને ચોંકાવનારી ઘટના હતી. વિજય બાદ, ભારતીય ખેલાડીઓએ ટ્રોફી વિના જ મેદાન પર પોતાની જીતની ઉજવણી કરવાનું પસંદ કર્યું. સામાન્ય રીતે, મોટી ટૂર્નામેન્ટમાં વિજેતા ટીમના ખેલાડીઓ ક્રિકેટ સંસ્થાના વડાઓ પાસેથી ટ્રોફી સ્વીકારે છે. ક્રિકેટના દિગ્ગજો અને ચાહકોમાં આ મુદ્દે ભારે ચર્ચા ચાલી રહી છે, જે ભારતીય ક્રિકેટના ઇતિહાસમાં એક નોંધપાત્ર ઘટના બની રહેશે.

આ પણ વાંચો :   IND vs PAK Final : Trophy Thief Naqvi મીમ્સ વાયરલ, સો.મીડિયામાં પાક.ની ઇજ્જત ધૂળધાણી