શહેર પોલીસની ગુનેગારો પરની પકડ ઢીલી થઇ રહી છે, પોલીસ ચોકીના નજીક એક વ્યક્તની હત્યા

કાલુપુર પોલીસ (Kalupur Police) ચોકીથી ગણતરીના ડગલા દુર સમી સાંજે એક યુવક પર તીક્ષણ હથિયારના ઘા ઝીંકવામાં આવ્યા હતા જેમાં યુવકનું ઘટના સ્થળે જ મૃત્યુ (Death) નીપજ્યું છે. સમગ્ર બાબતની જાણ પોલીસ થાય તે પહેલા જ હત્યા કરનારા ચાર શખ્શો પોલીસને (Police) હાથ તાળી આપી ફરાર થવામાં સફળ થઇ ગયા હતા. ત્યારે સમગ્ર મામલે કાલુપુર પોલીસે ચાર શખ્શો વિરુદ્ધ હત્યાનો (Murder) ગુનો નોંધી (FIR) આરોપીઓની ભાળ મેળવવાની કવાયત હાથ ધરી છે.

સમગ્ર હત્યાના CCTV ફૂટેજ જોતા એક બાબત તો ચોક્કસ લાગે છે કે આરોપીઓને પોલીસનો ખોફ સહેજ પણ રહ્યો નથી, કારણકે આ હત્યા જે સ્થળ પર કરવામાં આવી ત્યાંથી ગણતરીની મીનીટોના અંતરે કાલુપુર પોલીસ ચોકી આવેલી છે ઉપરાંત ભરચક વિસ્તાર પણ છે, છતાય ચાર શખ્શો આવીને એક વ્યક્તિ ઉપર છરીના ઘા મારે છે એ બાબત એજ સાબિત કરે છે કે હવે ગુનેગારોમાં અમદાવાદ શહેર પોલીસનો ખોફ નથી રહ્યો મહત્વનું છે કે CCTV ફૂટેજમાં દેખાઈ આવે છે કે ચારેક જેટલા લોકો એક વ્યક્તિને તીક્ષણ હથિયાર વડે માર મારી રહ્યા છે અને આસપાસના લોકો પણ તમાશો જોઈ રહ્યા છે ત્યારે અમદાવાદ ખુલ્લેઆમ આ રીતે એક યુવકની હત્યા કરી દેવામાં આવે છે તે સેવા, સુરક્ષા અને શાંતિ આપનારી પોલીસ વિભાગની શાખ ઉપર ખુબ મોટી સવાલ ઉભો  કરી દીધો છે.

ચાર જેટલા શખ્શો આવીને એક શખ્શને મોતને ઘાટ ઉતારી દે છે તેની પાછળનું કારણ હાલ પોલીસના જણાવ્યા મુજબ એ પ્રકારનું છે કે અંગત અદાવતમાં આ હત્યાની ઘટનાને અંજામ આપવામાં આવ્યો છે. આરોપીઓ અને મૃતક બન્ને એક બીજાને ઓળખતા હોવાનું પણ સામે આવ્યું છે,ઉલ્લેખનીય છે કે  થોડાક દિવસ અગાઉ વટવા ખાતે એક લગ્ન પ્રસંગમાં જમવાનું લાઈનમાં આપવા બાબતે આરોપી અને મૃતક વચ્ચે બોલાચાલી થઇ હતી જેની અદાવત રાખીને આરોપી સાદિક હુસૈન, રફીક હુસૈન, લિયાકત હુસૈન તથા નાસીર હુસૈન ચારેય ભેગા મળીને નાઝીમ ઉર્ફે ઝીંગો નામના શખ્શને તલાવાર જેવા તીક્ષણ હથિયાર વડે ઘા મારીને મોતને ઘાટ ઉતારી દીધો હતો. જયારે હાલ કાલુપુર પોલીસે મોહમંદ ફૈઝાન મોમીનના નિવેદનના આધારે ફરિયાદ નોંધીને ચારેય ફરાર આરોપીઓને ઝડપી લેવા માટેની કવાયત હાથ ધરી છે.

મહત્વનું છે કે મૃતક અને આરોપીઓ વચ્ચે અગાઉ પણ થોડાક દિવસો અગાઉ આજ પ્રકારે જમવાનું લાઈનમાં લેવા બાબતે તકરાર થઇ હતી જેમાં પોલીસ સ્ટેશનમાં સમધાન થઇ ગયું હતું પરંતુ ફરીથી આજ પ્રકારે બનાવ બન્યો હતો જેની અદાવત રાખીને જયારે ફરિયાદી પોતાની ઓટો રીક્ષા લઈને સારંગપુર તરફ જઈ રહ્યો હતો તે સમયે પણ આ આચ્રેય આરોપીઓ બીજા રીક્ષા લઈને તેનો પીછો કરતા હતા અને ચાલુ રીક્ષાએ તલવાર જેવા હથિયાર ના ઘા માર્યા હોવાનો ઉલ્લેખ ફરિયાદીએ પોતાની ફરિયાદમાં કર્યો છે. જો કે હાલ આ તમામ આરોપીઓ વટવા સૈયદવાડી વાડી વિસ્તારના રહેવાસી હોવાનું પોલીસ તપાસમાં સામે આવ્યું છે જેથી કાલુપુર પોલીસે વટવા પોલીસને સમગ્ર કેસની વિગતો આપી છે. જેથી કાલુપુર પોલીસ અને વટવા પોલીસ સંકલન સાધીને તમમાં આરોપીઓને દબોચી શકે.

આ પણ વાંચો - કડી પાસે એક સાથે 6 જીનિંગ ઇન્ડસ્ટ્રીઝમાં લૂંટારું ટોળકી ત્રાટકી, સમગ્ર ઘટના cctvમાં કેદ