અમદાવાદમાં પાણીજન્ય અને મચ્છરજન્ય રોગોમાં ચિંતાજનક વધારો, ડિસેમ્બરના 10 દિવસમાં આટલા દર્દીઓ વધ્યા

અમદાવાદમાં સતત પાણીના નમૂનાઓ ચેક કરવામાં આવે છે છતા પાણીજન્ય રોગચાળામાં સતત વધારો નોંધાઈ રહ્યો છે. ખાસ કરીને દાણીલીમડા, વટવા, લાંભા, રખિયાલ અને ગોમતીપુર વિસ્તારમાં કેસો વધ્યા છે. જ્યારે ડેન્ગ્યુના કેસોમાં થોડો ઘણો ઘટાડો જોવા મળ્યો છે. બાળકોને થતાં ઓરીના કેસો પણ ચાલુ મહિનામાં વધારે નોંધાયા છે.

ડિસેમ્બરના માત્ર 10 દિવસમાં ટાઇફોઇડના 156, ઝાડા ઉલ્ટીના 130, કમળાના 122 અને ડેન્ગ્યુના 68 જેટલા કેસો નોંધાયા છે. જ્યારે ઓરીના રોજના 10 કેસો પણ નોંધાયા છે. 60000થી વધુ બાળકોને રસી પણ આપવામાં આવી છે.

ચાલુ મહિનામાં ડિસેમ્બરમાં 10 ડિસેમ્બર સુધીમાં પાણીજન્ય રોગોમાં ટાઈફોઈડના 156, ઝાડા ઉલટીના 130 અને કમળાના 122 કેસો તેમજ કોલેરાનો 0 કેસ નોંધાયો છે. મચ્છરજન્ય રોગોમાં ડેન્ગ્યુના કેસોમાં વધારો થયો છે. ડેન્ગ્યુના 68, મેલેરિયાના 9, ચિકનગુનિયાના 7 અને ઝેરી મેલેરિયા 4 કેસો નોંધાયા છે. પાણીજન્ય રોગો શહેરના પૂર્વ વિસ્તારમાં દાણીલીમડા, લાંભા, વટવા સરસપુર, રખિયાલ અને ગોમતીપુરમાં વધ્યા છે. ખાવા-પીવાની વસ્તુઓમાં ભેળસેળ જેવી કે કલર વગેરેના કારણે કેસો વધ્યા છે.

શહેરમાં બાળકોમાં ઓરીના કેસોમાં મહિનામાં વધારો થયો છે. રોજના 10 જેટલા ઓરીના કેસો આવી રહ્યાં છે. છેલ્લા બે મહિનામાં કેસોમાં વધારો જોવા મળ્યો હતો નવ મહિનાથી પાંચ વર્ષ સુધીના બાળકોમાં ઓરીના કેસો જોવા મળે છે. ઓરીની રસી જે બાળકોએ મુકાવી ન હોય અથવા માત્ર એક જ ડોઝ લીધો હોય તેમજ રસી ન લીધી હોય તેવા બાળકોમાં ઓરીના કેસો જોવા મળ્યા છે. નાના બાળકોને રસી આપવાની કામગીરી શરૂ કરવામાં આવી છે વિવિધ એનજીઓ અને સંસ્થાઓ મળી અને આ બાબતે જાગૃતિ ફેલાવવાની કામગીરી પણ કરી રહી છે.

આ પણ વાંચો - કોંગ્રેસના આ બે નેતાઓ આવ્યા સામ સામે, રઘુ દેસાઈએ મલ્લિકાર્જુન ખડગેને પત્ર લખ્યો