Hardik Shah જે ક્ષણની તમામ ભારતીયો આતુરતાથી રાહ જોઇ રહ્યા હતા તે ક્ષણ આખરે આવી ગઇ છે. ISRO નું મિશન Chandrayaan 3 ચંદ્ર પર સોફ્ટ લેન્ડ થઇ ગયું છે. આ એક ઐતિહાસિક ક્ષણ છે, ભારત આજે શું છે અને શું કરી શકે છે તે આજે સમગ્ર વિશ્વને બતાવ્યું છે. ISRO ના વૈજ્ઞાનિકોએ Chandrayaan 2 મિશન ફેઈલ થયા બાદ તેમા રહેલી ખામીઓને દૂર કરી Chandrayaan 3 મિશનની શરૂઆત કરી હતી. આ તે તમામ ભારતીય વૈજ્ઞાનિકોની બુદ્ધિ અને મહેનતનું પરિણામ છે કે આજે આપણને ગર્વ કરવાની તક મળી છે.
#WATCH | Live from ISRO Mission Control | Chandrayaan 3 begins its historic landing on the Moon’s South Pole | Sriharikotahttps://t.co/2TkI33JJD0
— ANI (@ANI) August 23, 2023
ભારતનું મિશન ચંદ્રયાન સફળતાના શિખરે પહોંચી ગયું છે. 23 ઓગસ્ટે સાંજે 6.04 કલાકે ચંદ્રયાન-3ના વિક્રમ લેન્ડરે રોવર સાથે ચંદ્રની બાજુમાં પહેલું પગલું ભર્યું હતું. દરેક ભારતીય આ ઐતિહાસિક ક્ષણની આતુરતાથી રાહ જોઈ રહ્યો હતો. ચંદ્રના દક્ષિણ ધ્રુવ પર સફળતાપૂર્વક ઉતરાણ કરનાર ભારત વિશ્વનો પ્રથમ દેશ બની ગયો છે. આ સાથે, ચંદ્ર પર પોતાનું વાહન ઉતારવાનું પરાક્રમ કરનાર વિશ્વનો ચોથો દેશ બની ગયો છે. ભારત પહેલા અમેરિકા, રશિયા અને ચીન મિશન મૂનને અંજામ આપી ચૂક્યા છે. જણાવી દઇએ કે, 140 કરોડ લોકોની પ્રાર્થના અને 16,500 ઈસરોના વૈજ્ઞાનિકોની ચાર વર્ષની મહેનત રંગ લાવી. હવે સમગ્ર વિશ્વ જ નહીં પણ ચંદ્ર પણ ભારતના હાથમાં છે.
Chandrayaan-3 lander Vikram touches down on the Moon's South Pole pic.twitter.com/jTp6R8haYi
— ANI (@ANI) August 23, 2023
ISRO એ શું કહ્યું?
ચંદ્રયાન 3 ની સફળતા પર ISROએ ટ્વિટ કરીને રાષ્ટ્રને અભિનંદન પાઠવ્યા છે. ઈસરોએ લખ્યું, ‘ચંદ્રયાન-3 મિશનઃ ભારત, હું મારા ગંતવ્ય પર પહોંચી ગયો છું અને તમે પણ! ચંદ્રયાન 3 સફળતાપૂર્વક ચંદ્ર પર ઉતર્યું છે. ભારતને અભિનંદન!
Chandrayaan-3 Mission:
'India🇮🇳,
I reached my destination
and you too!'
: Chandrayaan-3Chandrayaan-3 has successfully
soft-landed on the moon 🌖!.Congratulations, India🇮🇳!#Chandrayaan_3#Ch3
— ISRO (@isro) August 23, 2023
કે સિવને શું કહ્યું?
ઈસરોના પૂર્વ વડા કે સિવને આ સફળતા પર ખુશી વ્યક્ત કરી હતી. અમે ખરેખર ઉત્સાહિત છીએ. અમે ઘણા સમયથી આ ક્ષણની રાહ જોઈ રહ્યા છીએ. હું બહુ ખુશ છું. તમને જણાવી દઈએ કે ચંદ્રયાન-2 મિશન દરમિયાન સિવાન ઈસરોના ચીફ હતા.
#WATCH | Former ISRO chief, K Sivan congratulates on the successful landing of ISRO's third lunar mission Chandrayaan-3 on the moon
"We are really excited…We have been waiting for this moment for a long time. I am very happy," he says. pic.twitter.com/2VmvQvMuMf
— ANI (@ANI) August 23, 2023
વડાપ્રધાન મોદીએ ઈસરોના વડાને કર્યો ફોન
ચંદ્રયાનના સફળ લેન્ડિંગ પર દક્ષિણ આફ્રિકાથી વડાપ્રધાન મોદી, ઈસરોના વડા એસ. સોમનાથે ફોન કર્યો. તેમણે તેમને અને તેમની સમગ્ર ટીમને અભિનંદન પાઠવ્યા હતા.
#WATCH | Johannesburg, South Africa | Immediately after the success of Chandrayaan-3, PM Narendra Modi telephoned ISRO chief S Somanath and congratulated him. pic.twitter.com/NZWCuxdiXw
— ANI (@ANI) August 23, 2023
ગૃહમંત્રી અમિત શાહે અભિનંદન પાઠવ્યા
કેન્દ્રીય ગૃહમંત્રી અમિત શાહે કહ્યું કે, વિશ્વ ચંદ્રયાન-3 દ્વારા અવકાશમાં ભારતના યુગની સ્ક્રિપ્ટ જોઈ રહ્યું છે, હું ISROનો હૃદયપૂર્વક આભાર વ્યક્ત કરું છું. આ મિશનને સફળ બનાવવા માટે અમારા વૈજ્ઞાનિકોનો આભાર. આ ઐતિહાસિક સિદ્ધિ માત્ર ભારતીય ચાતુર્યની શક્તિની સાક્ષી નથી, પરંતુ વડાપ્રધાન દ્વારા કલ્પના કરાયેલી, અવકાશ ક્ષેત્રે વૈશ્વિક નેતા તરીકે ઉભરી અમૃત કાલ દ્વારા ભારતની યાત્રાની શરૂઆત પણ છે.
🇮🇳
As the world watches #Chandrayaan3 script India's epoch in space, I express my heartfelt gratitude to @isro and our scientists for their undeterred efforts to make this mission a historic success.
This landmark achievement is not only a testament to the power of Indian…
— Amit Shah (@AmitShah) August 23, 2023
અમે આગળ વધતા રહીશું: જિતેન્દ્ર સિંહ
કેન્દ્રીય મંત્રી જિતેન્દ્ર સિંહે કહ્યું કે, જ્યારે દુનિયા ચંદ્ર વિશે કલ્પના કરે છે, ત્યારે આપણે ખરેખર ચંદ્રનો અનુભવ કર્યો છે. વિશ્વ ચંદ્રનું સ્વપ્ન જુએ છે અને આપણે સ્વપ્નને વાસ્તવિકતામાં ફેરવતા જોયું છે. આકાશની કોઈ સીમા નથી, આપણે આગળ વધતા રહીશું.
#WATCH | "…While the world fantasises about the moon, we have actually felt the moon…the world dreams of the moon, and we have seen the dream getting converted into reality…sky is not the limit", says Union Minister Jitendra Singh as Chandrayaan-3 lands on the Moon pic.twitter.com/kpI00ZpUAe
— ANI (@ANI) August 23, 2023
રાહુલ ગાંધીએ ઈસરોને અભિનંદન પાઠવ્યા
રાહુલ ગાંધીએ ટ્વિટર પર લખ્યું- ટીમ ઈસરોને આજની ખાસ સિદ્ધિ માટે અભિનંદન. ચંદ્રના દક્ષિણ ધ્રુવ પર ચંદ્રયાન-3નું સોફ્ટ લેન્ડિંગ એ આપણા વૈજ્ઞાનિક સમુદાયની દાયકાઓની જબરદસ્ત ચાતુર્ય અને સખત મહેનતનું પરિણામ છે. 1962 થી, ભારતનો અવકાશ કાર્યક્રમ નવી ઊંચાઈઓ સર કરી રહ્યો છે અને યુવા સ્વપ્ન જોનારાઓની પેઢીઓને પ્રેરણા આપી રહ્યો છે.
Congratulations to Team ISRO for today's pioneering feat.#Chandrayaan3’s soft landing on the uncharted lunar South Pole is the result of decades of tremendous ingenuity and hard work by our scientific community.
Since 1962, India’s space program has continued to scale new…
— Rahul Gandhi (@RahulGandhi) August 23, 2023
યુરોપિયન સ્પેસ એજન્સીએ ઈસરોને અભિનંદન પાઠવ્યા
ઈસરોની આ સફળતા પર ભારતમાં ઉજવણીનો માહોલ છે. આ સફળતા માટે વિશ્વની સ્પેસ એજન્સીઓ ભારતને અભિનંદન આપી રહી છે. આ ઐતિહાસિરત ક્ષણ પર યુરોપિયન સ્પેસ એજન્સીએ પણ ટ્વીટ કરીને ભારતને ઐતિહાસિક સિદ્ધિ બદલ અભિનંદન પાઠવ્યા છે. એજન્સીએ લખ્યું, ‘ઇસરો અને ચંદ્રયાન-3ની ટીમને અભિનંદન.’
Congratulations to @isro #Chandrayaan3 team!👏 https://t.co/hOKdTLqHvy
— ESA (@esa) August 23, 2023
યુરોપિયન સ્પેસ એજન્સીના ડાયરેક્ટર જનરલે શું કહ્યું ?
યુરોપિયન સ્પેસ એજન્સીના ડાયરેક્ટર જનરલે પણ એક ટ્વીટ કર્યું છે જેમાં તેમણે લખ્યું છે કે, ‘અનોખું.. ઈસરો, ચંદ્રયાન 3 અને ભારતના તમામ લોકોને અભિનંદન. નવી ટેક્નોલોજી અને અન્ય અવકાશી પદાર્થ પર ભારતનું પ્રથમ સોફ્ટ લેન્ડિંગ પ્રદર્શિત કરવાની આ કેટલી સરસ રીત છે.
Incredible! Congratulations to @isro, #Chandrayaan_3, and to all the people of India!!
What a way to demonstrate new technologies AND achieve India’s first soft landing on another celestial body. Well done, I am thoroughly impressed.
And kudos once again to @esaoperations for… https://t.co/GT3kyWHP6L
— Josef Aschbacher (@AschbacherJosef) August 23, 2023
NASA એ પણ ISRO ને આ સફળતા માટે અભિનંદન પાઠવ્યા
અમેરિકાની સ્પેસ એજન્સી નાસાએ એક ટ્વીટમાં ભારતને આ સફળતા માટે અભિનંદન પાઠવ્યા છે. નાસાએ પોતાના ટ્વીટમાં લખ્યું, ‘ચંદ્રયાન-3ના ચંદ્રના દક્ષિણ ધ્રુવ પર ઉતરાણ કરવા માટે ISROને અભિનંદન. અને ચંદ્રની સપાટી પર સોફ્ટ લેન્ડિંગ કરનાર ચોથો દેશ બનવા બદલ ભારતને અભિનંદન. અમે આ મિશનમાં તમારા ભાગીદાર બનીને ખુશ છીએ.
Congratulations @isro on your successful Chandrayaan-3 lunar South Pole landing! And congratulations to #India on being the 4th country to successfully soft-land a spacecraft on the Moon. We’re glad to be your partner on this mission! https://t.co/UJArS7gsTv
— Bill Nelson (@SenBillNelson) August 23, 2023
જાણો સોફ્ટ લેન્ડિંગ શું છે ?
ISRO ની ભાષામાં, સોફ્ટ લેન્ડિંગનો અર્થ અવકાશમાં કોઈ સપાટી પર વાહનનું સફળ ઉતરાણ થાય છે. આ દરમિયાન, પેલોડ અને વાહનને કોઈ નુકસાન થતું નથી. આમાં, વિમાનના નિયંત્રણની સાથે, તેનું લેન્ડિંગ સુનિશ્ચિત કરવામાં આવે છે. સોફ્ટ લેન્ડિંગમાં ન્યૂનતમ વિનાશ, નિયંત્રિત બળતણ વપરાશ, ચંદ્રની સપાટી પર ધૂળનું સ્થાયી થવું, ગુરુત્વાકર્ષણ ખેંચાણ વચ્ચે એન્જિન ફાયરિંગનો પણ સમાવેશ થાય છે.
વૈજ્ઞાનિકો માટે શું ફાયદો
એકંદરે, વિક્રમ લેન્ડર અને પ્રજ્ઞાન રોવર સાથે મળીને ચંદ્રના વાતાવરણ, સપાટી, રસાયણો, ભૂકંપ, ખનિજો વગેરેની તપાસ કરશે. આ સાથે ISRO સહિત વિશ્વભરના વૈજ્ઞાનિકો ભવિષ્યના અભ્યાસ માટે માહિતી મેળવશે. સંશોધન કરવામાં સરળતા રહેશે. વૈજ્ઞાનિકો માટે આ એક ફાયદાની બાબત બની ગઈ છે.
ઈસરોને શું ફાયદો થશે ?
ISRO વિશ્વમાં તેના આર્થિક વ્યવસાયિક પ્રક્ષેપણ માટે જાણીતું છે. અત્યાર સુધીમાં 34 દેશોના 424 વિદેશી ઉપગ્રહો લોન્ચ કરવામાં આવ્યા છે. એકસાથે 104 ઉપગ્રહ છોડ્યા છે. તે પણ એ જ રોકેટમાંથી. ચંદ્રયાન-1 એ ચંદ્ર પર પાણીની શોધ કરી હતી. ચંદ્રયાન-2નું ઓર્બિટર હજુ પણ કામ કરી રહ્યું છે. તેણે ચંદ્રયાન-3 માટે લેન્ડિંગ સાઈટ શોધી કાઢી હતી. મંગલયાનનો મહિમા આખી દુનિયાએ જોયો છે. ચંદ્રયાન-3ની સફળતાથી વિશ્વની સૌથી મોટી સ્પેસ એજન્સીઓમાં ISROનું નામ સામેલ થઇ ગયું છે.
આ કારણે ભારતનું આ મિશન છે ખાસ
ચંદ્રયાન-3 ભારતના મહત્વાકાંક્ષી અવકાશ કાર્યક્રમમાં એક મહત્વપૂર્ણ સીમાચિહ્નરૂપ છે. ભારતીય અવકાશ એજન્સી ઈસરો ચંદ્રનું મિશન કરી ચૂકી છે અને મંગળ સુધી તેની હાજરી નોંધાવી ચૂકી છે, પરંતુ આ મિશન બાકીના મિશન કરતાં અલગ છે. આ મિશન ચંદ્રના તે ભાગમાં લેન્ડ કરવાનો પ્રયાસ છે, જે હંમેશા અંધકારમાં રહે છે. અત્યાર સુધી ચંદ્રનો આ ભાગ અન્વેષિત છે અને હવે આ મિશન સફળ રહેતા તે ચંદ્રના આ ભાગમાં લેન્ડ થતું પ્રથમ સોફ્ટ લેન્ડિંગ છે. જેનો આજે ભારતના તમામ નાગરિકોને ગર્વ છે.
લેન્ડરનું નામ વિક્રમ કેવી રીતે પડ્યું?
શું તમે જાણો છો કે ચંદ્રયાન-3ના લેન્ડરનું નામ વિક્રમ કેમ રાખવામાં આવ્યું છે? જો નહીં, તો ચાલો તમને જણાવીએ. તેનું નામ ભારતના મહાન વૈજ્ઞાનિક વિક્રમ સારાભાઈના નામ પરથી રાખવામાં આવ્યું છે, જેને વ્યાપકપણે ભારતીય અવકાશ કાર્યક્રમના પિતા તરીકે ઓળખવામાં આવે છે. તેઓ સંસ્થાના નિર્માતા પણ હતા અને અમદાવાદમાં ભૌતિક સંશોધન પ્રયોગશાળા (PRL) સહિત મોટી સંખ્યામાં સંસ્થાઓ સ્થાપવામાં મહત્વની ભૂમિકા ભજવી હતી. 1969 માં ઈન્ડિયન સ્પેસ રિસર્ચ ઓર્ગેનાઈઝેશન (ISRO) ની સ્થાપના વિક્રમ સારાભાઈની મોટી સિદ્ધિઓમાંની એક છે. રશિયન સ્પુટનિકના પ્રક્ષેપણ પછી, તેમણે સરકારને અવકાશ કાર્યક્રમના મહત્વ વિશે સમજાવવાનો આગ્રહ કર્યો. આ રીતે, ISRO ની સ્થાપનાના 5 દાયકા પછી, ભારત ચંદ્ર અને મંગળ પર પહોંચી ગયું છે.
શા માટે રોવરનું નામ પ્રજ્ઞાન રાખવામાં આવ્યું?
ચંદ્રયાનના રોવરનું નામ પ્રજ્ઞાન છે, જે જ્ઞાન અને સર્વોચ્ચ બુદ્ધિ સાથે સંકળાયેલ સંસ્કૃત શબ્દ છે. લેન્ડિંગ બાદ રોવરનું કામ શરૂ થશે તેવું જાણવા મળે છે. તે પૃથ્વી પર એક ચંદ્ર દિવસ અથવા 14 દિવસ સુધી કાર્યરત રહેશે. ISRO નિષ્ણાતો લેન્ડર અને રોવર પરના પાંચ વૈજ્ઞાનિક સાધનોમાંથી આવતા ઘણા બધા ડેટાનું વિશ્લેષણ કરશે. લેન્ડર અને રોવર આસપાસના પર્યાવરણનો અભ્યાસ કરવા માટે એક ચંદ્ર દિવસ (લગભગ 14 પૃથ્વી દિવસ) માટે મિશન પર રહેશે. આ દરમિયાન, તેઓએ દક્ષિણ ધ્રુવ પર ચંદ્ર રાત્રિના -238 ° સેલ્શિયસના ઠંડા તાપમાનનો સામનો કરવો પડશે. જો કે, ઈસરોના અધિકારીઓએ વધુ એક ચંદ્ર દિવસ સુધી તેઓ સક્રિય રહેવાની શક્યતાને નકારી નથી.
આ પણ વાંચો – Chandrayaan 3 ની સફળતા માટે દેશભરમાં પ્રાર્થના, ઠેર ઠેર યજ્ઞ, હોમ-હવનનું આયોજન
આ પણ વાંચો – Chandrayaan-3 : ભારતના આ ગામની માટી પણ ચંદ્રની માટી જેવી જ..! વાંચો, રોચક અહેવાલ…
આ પણ વાંચો – આર્યભટ્ટ સેટેલાઈટથી લઈ ચંદ્રયાન-3 સુધી આવો છે ભારતનો અંતરિક્ષનો ઈતિહાસ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
