Stock Market: આજે આ 5 શેર પર રાખો નજર, તેજીની શક્યતા!
- સપ્તાહની શરૂઆત શેરબજાર ખરાબ રહી હતી
- આજે આ 5 શેરો પર તેજી આવી શકે છે
- આજે કેટલાક શેરોમાં તેજી શકયતા
Stock Market News: આ સપ્તાહની શરૂઆત શેરબજાર માટે સારી રહી ન હતી. ગઈકાલે એટલે કે સોમવારે બજાર મોટા ઘટાડા સાથે બંધ થયું હતું. સેન્સેક્સ અને નિફ્ટી બંને સંપૂર્ણપણે લાલમાં ફેરવાઈ ગયા. જો કે આજે કેટલાક શેરોમાં તેજી આવી શકે છે. કારણ છે તેમની કંપનીઓ વિશે જાણોએ..
Adani Enterprises
અદાણી ગ્રૂપની મુખ્ય કંપની અદાણી એન્ટરપ્રાઇઝે જણાવ્યું છે કે તેની પેટાકંપની અદાણી પેટ્રોકેમિકલ્સે થાઈલેન્ડની ઈન્ડોરામા રિસોર્સિસ સાથે સંયુક્ત સાહસની રચના કરી છે. અદાણી પેટ્રોકેમિકલ્સ આ સાહસમાં 50% શેર મૂડી ધરાવે છે. ગઈકાલે કંપનીનો શેર 3 ટકાથી વધુ ઘટીને રૂ.2,472 પર બંધ થયો હતો.
Info Edge
સોમવારે બજાર બંધ થયા બાદ કંપનીએ નાણાકીય વર્ષ 2025 ના ત્રીજા ક્વાર્ટર માટે બિઝનેસ અપડેટ્સ જાહેર કર્યા છે. કંપનીના જણાવ્યા અનુસાર, આ ક્વાર્ટરમાં તેનું સ્ટેન્ડઅલોન બિલિંગ 15.8% વધીને રૂ. 668.3 કરોડ થયું છે. ઈન્ફો એજનો શેર ગઈ કાલે રૂ. 8,780.45 પર બંધ થયો હતો, પરંતુ તેણે છેલ્લા એક વર્ષમાં 70.66% વળતર આપ્યું છે.
Power Grid
પાવરગ્રીડે માહિતી આપી છે કે તેને આંતરરાજ્ય ટ્રાન્સમિશન સિસ્ટમ સ્થાપિત કરવા માટે 2 પ્રોજેક્ટ માટે સફળ બિડર જાહેર કરવામાં આવી છે. આ સમાચારની અસર આજે કંપનીના શેર પર જોવા મળી શકે છે. પાવરગ્રીડના શેર પણ ગઈકાલે સંપૂર્ણપણે લાલમાં હતા. 306.60 રૂપિયાની કિંમતનો આ શેર છેલ્લા એક વર્ષમાં 26.51% વધ્યો છે.
આ પણ વાંચો-share market :શેરબજારમાં ભૂકંપ,સેન્સેક્સ 500 પોઈન્ટ તૂટયો
Ashoka Buildcon
અશોકા બિલ્ડકોન તરફથી એક મોટી માહિતી સામે આવી છે. કંપનીના જણાવ્યા અનુસાર, તેની પેટાકંપનીએ એક પ્રોજેક્ટ માટે NHAI સાથે કરાર કર્યો છે. આ પ્રોજેક્ટની કિંમત 1,391 કરોડ રૂપિયા છે. અશોકા બિલ્ડકોનનો શેર ગઈ કાલે ઘટીને રૂ. 278.30 થયો હતો. આ શેરે છેલ્લા એક વર્ષમાં તેના રોકાણકારોને 93.73% નું ઉત્તમ વળતર આપ્યું છે.
આ પણ વાંચો-Stock Market Crash: અચાનક શેરબજારમાં મોટો કડાકો, સેન્સેક્સમાં 1200થી વધુ પોઇન્ટનો ઘટાડો
NESCO
કંપની દ્વારા કહેવામાં આવ્યું છે કે NHAI એ તેને બેંગલુરુ-ચેન્નઈ એક્સપ્રેસવે પર બાજુની સુવિધાઓ માટે પસંદ કર્યું છે. નેસ્કોના શેરમાં ગઈ કાલે એક ટકાથી વધુનો ઘટાડો નોંધાયો હતો. 985 રૂપિયાની કિંમતનો આ શેર છેલ્લા એક વર્ષમાં 13.05% વધ્યો છે.