Stock Market : એશિયન શેરબજારોમાં ફરી ભૂકંપ... જાપાનથી હોંગકોંગ સુધી રેડ ઝોન, ક્રૂડ 4 વર્ષના તળિયે પહોંચ્યું

• ફરી એકવાર એશિયન શેરબજારોમાં ભૂકંપ આવ્યો
• જાપાનથી હોંગકોંગ સુધીના બજારો ફરીથી રેડ ઝોનમાં
• ભારતીય શેરબજારમાં પણ નરમાઈના સંકેતો દેખાઈ રહ્યા છે

ફરી એકવાર એશિયન શેરબજારોમાં ભૂકંપ આવ્યો છે. બુધવારે જાપાનથી હોંગકોંગ સુધીના બજારો ફરીથી રેડ ઝોનમાં ટ્રેડ થતા જોવા મળી રહ્યા છે. મંગળવારના વધારા પછી, આજે શરૂઆતના કારોબારમાં, જાપાનનો નિક્કી લગભગ 3 ટકા ઘટ્યો, જ્યારે ગિફ્ટ નિફ્ટી 200 પોઈન્ટથી વધુ ઘટ્યો. આવી સ્થિતિમાં ભારતીય શેરબજારમાં પણ નરમાઈના સંકેતો દેખાઈ રહ્યા છે.

જાપાન 3% ઘટ્યું, અને હેંગ સેંગ પણ ઘટ્યો

જો આપણે એશિયાના શેરબજાર પર નજર કરીએ તો, જાપાનનો મુખ્ય શેરબજાર સૂચકાંક નિક્કી લગભગ 3 ટકા અથવા 900 પોઈન્ટના ઘટાડા સાથે 32,147 પર ટ્રેડિંગ કરતો જોવા મળી રહ્યો છે, જ્યારે હોંગકોંગનો હેંગ સાંગ સૂચકાંક લગભગ 2 ટકા ઘટીને 290 પોઈન્ટના ઘટાડા સાથે 19,837 પર ટ્રેડ કરી રહ્યો છે. આ ઉપરાંત દક્ષિણ કોરિયાનું કોસ્પી પણ રેડ ઝોનમાં છે. તે એક ટકાથી વધુ ઘટીને 2311 પર ટ્રેડ થઈ રહ્યો છે.

આ પણ વાંચો: નવકાર મહામંત્ર દિવસ: અમદાવાદમાં ઐતિહાસિક કાર્યક્રમ, PM Modi કાર્યકમમાં દિલ્લીથી વર્ચુઅલ જોડાયા