Union Budget 2025 : શું તમે FD માં રોકાણ કર્યું છે ? લાગી શકે છે આટલો ફ્લેટ Tax!

1. FD માં રોકાણ કરનારાઓ માટે મહત્ત્વનાં સમાચાર (Union Budget 2025)
2. બજેટમાં, તમામ FD પર ફ્લેટ 15% ટેક્સ લાદવાની થઈ શકે છે જાહેરાત!
3. દેશની સૌથી મોટી જાહેર ક્ષેત્રની બેંક SBI એ સરકારને કર્યું સૂચન!

Union Budget 2025 : જો તમે FD માં (Fixed Deposit) રોકાણ કરવું પસંદ કરો છો તો તમારા માટે એક મહત્ત્વપૂર્ણ સમાચાર છે. આ વખતે બજેટમાં, તમામ FD પર ફ્લેટ 15% ટેક્સ લાદવાની જાહેરાત થઈ શકે છે. દેશની સૌથી મોટી જાહેર ક્ષેત્રની બેંક, સ્ટેટ બેંક ઓફ ઈન્ડિયા (SBI) એ આ સંદર્ભમાં સરકારને એક સૂચન આપ્યું છે. અત્યાર સુધી, એફડીમાંથી મેળવેલા નફા પર સ્લેબ આધારિત ટેક્સ વસૂલવામાં આવે છે.

જણાવી દઈએ કે, SBI એ તેનો પ્રી-બજેટ રિપોર્ટ 'યુનિયન બજેટ 2025-26 ની પ્રસ્તાવના' રજૂ કર્યો છે, જેમાં એવું સૂચન કરવામાં આવ્યું છે કે તમામ પ્રકારની FD માંથી વ્યાજના રૂપમાં મેળવેલા નફા પર 15% નો ફ્લેટ ટેક્સ લાદવો જોઈએ. આ દરખાસ્તનો ઉદ્દેશ્ય ડિપોઝિટ ટેક્સેશનને ઇક્વિટી સાથે જોડવાનો અને બેંક લિક્વિડિટીને સ્થિર કરવાનો છે. જો કે, આના કારણે સરકારને વાર્ષિક 10,408 કરોડ રૂપિયાનું રેવેન્યૂ નુકસાન થઈ શકે છે.

આ પણ વાંચો - LIVE: Union Budget 2025 Live : નિર્મલા સીતારમણ પહોંચ્યા નાણા મંત્રાલય 

FD પરની ટેક્સ સિસ્ટમ

એફડી પર મળતું વ્યાજ હાલમાં સ્લેબ સિસ્ટમ પર આધારિત છે. આ વાર્ષિક 5 થી 30 ટકા છે. એફડીમાંથી મળતું વ્યાજ તે વ્યક્તિની આવકમાં ઉમેરવામાં આવે છે. પછી એ વ્યક્તિને તેની આવક જે સ્લેબમાં આવે છે તે મુજબ આવકવેરો ચૂકવવો પડે છે. તે જ સમયે, જો વાર્ષિક વ્યાજ આવક 40 હજાર રૂપિયાથી વધુ હોય, તો તેના પર 10 ટકા TDS ચૂકવવો પડે છે.

બચત ખાતાઓ પર મોટી છૂટ!

માહિતી અનુસાર, SBI એ બચત ખાતામાંથી મળતા વ્યાજ પર કર મુક્તિની મર્યાદા વધારવાની પણ ભલામણ કરી છે. અત્યાર સુધી, ખાતામાં જમા કરાયેલી રકમ પર 10,000 રૂપિયા સુધીના વ્યાજ પર કર મુક્તિ ઉપલબ્ધ હતી. SBI એ ભલામણ કરી છે કે આ મર્યાદા વધારીને 20 હજાર રૂપિયા કરવામાં આવે.

આ પણ વાંચો - Union Budget 2025: બજેટ દરમિયાન લોકોની ચાંપતી નજર રહેશે શેરબજાર પર

સરકાર પર બોજ વધશે

જો આ બંને ભલામણો લાગુ કરવામાં આવે તો સરકાર પર બોજ વધશે. બંને ભલામણોનાં અમલીકરણથી વાર્ષિક 11,965 કરોડ રૂપિયાનો ખર્ચ થશે. આ ભારતનાં નાણાકીય વર્ષ 2026 ના અંદાજિત GDP રૂ. 357.2 લાખ કરોડનાં 0.14% છે.

આજે રજૂ થશે બજેટ

કેન્દ્રીય બજેટ 2025 (Union Budget 2025) આજે રજૂ કરવામાં આવશે. કેન્દ્રીય નાણાં પ્રધાન નિર્મલા સીતારમણ (Nirmala Sitharaman) સવારે 11 વાગ્યે સંસદમાં બજેટ રજૂ કરશે. આ બજેટમાં આવકવેરા સ્લેબમાં ફેરફાર અંગે ચર્ચા થઈ રહી છે. તે જ સમયે, કાપડ અને રેલવે જેવા મહત્ત્વપૂર્ણ ક્ષેત્રોનાં બજેટમાં નોંધપાત્ર વધારો થઈ શકે છે.

આ પણ વાંચો - RajKot : PMJAY માંથી વધુ 15 હોસ્પિટલ સસ્પેન્ડ, તપાસમાં મોટો ખુલાસો થતાં કાર્યવાહી!