અમદાવાદ ટ્રાફિક પોલીસે લોન્ચ કરી 'રોડ ઇઝ' એપ્લિકેશન

અમદાવાદ ટ્રાફિક પોલીસ (Ahmedabad Traffic Police) દ્વારા શહેરના ટ્રાફિકથી અસરગ્રસ્ત રહેતા વિસ્તારોમાં વાહન ચાલકોને તકલીફ ન પડે તે માટે એક એપ્લિકેશન લોન્ચ કરી છે. આ એપ્લિકેશન મારફતે ટ્રાફિક પોલીસકર્મી પોતાની ફરજના સ્થળના તમામ અપડેટ પબ્લિક સુધી પહોંચાડી શકે તે હેતુસર બનાવવામાં આવી છે. "રોડ ઇઝ " નામની એપ્લિકેશન થી પોલીસ તમામ અપડેટ શહેરીજનો સુધી પહોંચાડવા google મેપ થકી મદદરૂપ બનશે.

 મહત્વનું છે કે google મેપ દ્વારા ટ્રાફિક જામ વૈકલ્પિક માર્ગ અને ટ્રાફિકગ્રસ્ત એરીયા કે વેધર અંગેની જાણકારી પણ એપ્લિકેશનથી પબ્લિકને મળી રહેશે. ઉલ્લેખનીય છે કે અગાઉ દિલ્હી,ચેન્નાઇ કોયમ્બતુર અને બેંગલોર જેવા સિટીમાં પણ એપ્લિકેશન લોન્ચ કરવામાં આવી ચૂકી છે. જેનાથી ટ્રાફિક પોલીસને ટ્રાફિક નિયમનમાં સરળતા થઈ છે. સાથે પબ્લિકને પણ વાહન કયા રસ્તા ઉપર થી ચલાવવા તે અંગે સમયસર માહિતી મળી રહેશે.

આ અંગે DCP પૂર્વ ટ્રાફિક પોલીસ વિભાગ સફીન હસને જણાવ્યું હતું કે,  આપણે જાણીએ છીએ કે અમદાવાદમાં નેવીગેશન માટે લોકો ગુગલ મેપનો ઉપયોગ કરે છે આ સંદર્ભને ધ્યાનમાં રાખીને અમદાવાદ ટ્રાફિક પોલીસ અને લેપટોપ કંપનીએ સંયુક્ત રીતે રોડ ઈઝ નામની એપ્લિકેશન લોન્ચ કરી છે. જેથી ટ્રાફિકના કર્મીઓ ટ્રાફિકજામ થવાના બનાવો બને છે ત્યારે અપડેટ આપશે જે અપડેટ ગુગલ મેપમાં લાઈવ થશે અને જેથી કરીને તે રોડ પરથી પસાર થતાં લોકોને ગુગલ ઓટો મેટીક ડાઈવર્ઝન આપશે. ઘણીવાર એવું થતું હોય છે કે રોડ પર આવીને ફસાય પછી લોકોને ખબર પડતી હોય છે કે અહીં ટ્રાફિક જામ છે જેના સોલ્યુશનના ભાગરૂપે અમે આ એપ લોન્ચ કરી રહ્યાં છીએ જેથી લોકોને અગાઉથી જ ડાયવર્ઝ મળી જાય અને તેમને જામમાં ફસાવું ના પડે અને સમયનો બચાવ થાય.

આ પણ વાંચો--INDvsNZ મેચની ટિકિટ બુક કરેલી છે તેઓ એપ્લિકેશન મારફતે પાર્કિંગ સ્લોટ બુક કરી શકશે, આવી હશે ટ્રાફિક વ્યવસ્થા