GIR : પાણીમાં પડેલા બાળ સિંહોની મસ્તીએ મન મોહી લીધું, વીડિયો વાયરલ

• ગીરમાં બાળસિંહોની મોજનો વીડિયો વાયરલ
• ઇન્ટરનેટ પર લોકોના દિલ જીત્યા
• પાણીમાં ધીંગા મસ્તી લાખો લોકોએ નિહાળી

GIR : ગુજરાતના જૂનાગઢ (JUNAGADH) થી એક અનોખો વીડિયો સોશિયલ મીડિયા મારફતે સામે આવ્યો છે, જે ઘણો વાયરલ થઈ રહ્યો છે. આ વીડિયો ગીર (GIR) ના ડેડકડી રેન્જનાો હોવાનો અંદાજ છે. તેમાં જોઇ શકાય છે કે, સિંહના બચ્ચા પાણીમાં મજા કરી રહ્યા છે. કાળઝાળ ગરમીમાં જ્યાં લોકો સ્વિમિંગ પુલ કે નદીઓમાં દોડી જાય છે, ત્યાં જંગલના સિંહો પણ પાણીમાં ઠંડક મેળવવા માટે ખૂબ મજા કરી રહ્યા છે.

કૂદવાની સાથે બેફિકર બનીને રમી રહ્યા છે

વીડિયોમાં જોઈ શકાય છે કે, ઘણા બચ્ચા તળાવમાં મજા કરી રહ્યા છે. તેઓ એકબીજાને પાણીમાં પાડવાનો પ્રયાસ કરી રહ્યા છે, કૂદવાની સાથે બેફિકર બનીને રમી રહ્યા છે. એક સિંહણ નજીકમાં ધ્યાનથી બેઠી છે, અને તે બચ્ચાઓ પર નજર રાખતી હોય તેમ જણાય છે.

પ્રવાસીએ આ દ્રશ્યો પોતાના મોબાઈલમાં કેદ કર્યા

વન વિભાગના અધિકારીનું કહેવું છે કે, આ વીડિયો ડેડકડી રેન્જનો છે, અને તેને હાલના સમયમાં જ શૂટ કરવામાં આવ્યો છે. જંગલ સફારી દરમિયાન એક પ્રવાસીએ આ દ્રશ્યો પોતાના મોબાઈલમાં કેદ કર્યા છે. સિંહના બચ્ચાઓમાં આ પ્રકારની મજા સામાન્ય છે, પરંતુ આવી ક્ષણો ભાગ્યે જ કેમેરામાં કેદ થાય છે.

ઝાડીઓ કે ખુલ્લા મેદાનોમાં જોવા મળતા નથી

અત્રે ઉલ્લેખનીય છે કે, ગીરનું જંગલ લગભગ ૧૪૧૨ ચોરસ કિલોમીટરમાં ફેલાયેલું હતું, જે હવે લગભગ ૩૫૦૦ ચોરસ કિલોમીટર સુધી વિસ્તર્યું છે. આ સાથે જ સિંહોની સંખ્યામાં પણ વધારો થયો છે. હાલના આંકડા મુજબ ગીરના જંગલોમાં હવે ૮૯૧ સિંહ છે, જેમાં મોટી સંખ્યામાં સિંહના બચ્ચા પણ શામેલ છે. ઉનાળાની ઋતુ દરમિયાન સિંહો સામાન્ય રીતે ઝાડીઓ કે ખુલ્લા મેદાનોમાં જોવા મળતા નથી, જ્યાં તેઓ જળસ્ત્રોત નજીક ઠંડા પવન અને પાણીનો આનંદ માણે છે.

જંગલની સાચી સુંદરતા અને જીવનનો અનુભવ કરે

તાજેતરમાં જૂનાગઢમાં કમોસમી વરસાદ પડ્યો છે, જેના કારણે ભેજ અને તાપમાન બંનેમાં વધારો થયો છે. આવી સ્થિતિમાં સિંહોનું પાણીમાં ઉતરવું સ્વાભાવિક છે. વન વિભાગે જણઆવ્યું કે, જ્યારે પ્રવાસીઓ આવા દ્રશ્યો જુએ છે, ત્યારે તેઓ જંગલની સાચી સુંદરતા અને જીવનનો અનુભવ કરે છે.

આ પણ વાંચો --- Gujarat : રાજ્યમાં આજથી રાષ્ટ્રવ્યાપી વિકસીત કૃષિ સંકલ્પ અભિયાનનો પ્રારંભ