સુરતમાં પોલીસ દ્વારા વ્યાજખોરો પર પાસા હેઠળની કામગીરી કરાતા અન્ય વ્યાજખોરોમાં ફફડાટ

સુરત પોલીસ દ્વારા સમગ્ર ગુજરાતમાં ગેરકાયદેસર વ્યાજખોરી સામે ચાલી રહેલી પોલીસની રાજ્યવ્યાપી ઝુંબેશ અંતર્ગત સુરત પોલીસ દ્વારા કાર્યવાહી કરાઇ છે. સુરતમાં પિતા-પુત્ર સહિત કુલ આઠ ફાઈનાન્સરની પાસા હેઠળ અટકાયત કરી કાર્યવાહી હાથ ધરાય છે. 

સુરતમાં પ્રથમ વખત આઠ વ્યાજખોર સામે પાસાની કાર્યવાહી કરાઈ છે. સુરત શહેરમાં પ્રથમ વખત આઠ જેટલા વ્યાજખોરોને પાસામાં ધકેલવામાં આવતાં લેભાગુ તત્ત્વોમાં ખળભળાટ મચી ગયો છે. આ વ્યાજખોરો દસથી વીસ ટકા વ્યાજ વસૂલતા હોવાના પોલીસને પુરાવા મળ્યા છે. આ ઉપરાંત આ વ્યાજખોરો લોકોની મિલકતો પોતાના નામે કરાવી તેમના અપહરણ જેવા કારનામાને અંજામ આપતા હતા.

સુરત પોલીસ દ્વારા વ્યાજખોરીના દૂષણને ડામવા શરૂ કરેલા અભિયાન અંતર્ગત અને વ્યાજખોરો સામે કાયદાકીય કાર્યવાહી કર્યા બાદ 8 જેટલા વ્યાજખોરોની પાસા હેઠળ અટકાયત પણ કરવામાં આવી છે, સાથે જ તેમને રાજ્યની જુદી જુદી સબ જેલોમાં ધકેલી આપવામાં આવ્યા છે. સુરત શહેર પોલીસે ગેરકાયદેસર રીતે રૂપિયાનું ધિરાણ કરી 10 થી 15 ટકા સુધીનું વ્યાજ વસૂલી લોકોનું શોષણ કરતાં વ્યાજખોરો સામે કાયદાકીય કાર્યવાહી હાથ ધરી છે. 

30 દિવસમાં શહેર પોલીસ દ્વારા એક વિશેષ અભિયાન હાથ ધરીને અનેક વ્યાજખોરો સામે કાયદાકીય કાર્યવાહી કરી વ્યાજખોરોને જેલ ભેગા કરી દીધા છે. જ્યારે છેલ્લા 20 દિવસમાં પોલીસે 161 જેટલા વ્યાજખોરોની ધરપકડ કરી છે. જ્યારે સુરત શહેરમાંથી આ દુષણ સંપૂર્ણપણે નાબૂદ થાય તે માટે પોલીસ દ્વારા વ્યાજખોરો સામે પાસા હેઠળ કાર્યવાહી શરૂ કરાય છે. સમગ્ર ગુજરાતમાં ગેરકાયદેસર વ્યાજખોરી સામે પોલીસની રાજ્યવ્યાપી ઝુંબેશ ચાલી રહી છે. જુદાજુદા પોલીસ સ્ટેશનમાં નોંધ કાર્યવાહી કર્યા બાદ સુરત પોલીસ દ્વારા આઠ ફાઈનાન્સ૨ની પાસા હેઠળ અટકાયત કરી જુદીજુદી જેલમાં મોકલી આપ્યા છે.

1. જયક્રિષ્ના ઉર્ફે સંજય – શીતલાપ્રસાદ ઓઝા (ઉ. વ.43 હું રહે.ડીંડોલી) ને અમદાવાદ જેલમાં ધકેલ્યો છે. 

2. જનકભાઇ વનાભાઇ - ચુડાસમા (ઉ.વ.38 રહે. ઓલપાડ) ને નડિયાદ જેલમાં ધકેલ્યો છે.

3. અબ્દુલ કાદિર મહમદ બસીર ડાંગરા (ઉ.વ.28 ૨હે.અડાજણ પાટીયા) ને અમદાવાદ જેલમાં ધકેલ્યો છે.

4. વિમલભાઇ મણીલાલ મોદી (ઉ.વ.45 રહે.પર્વત પાટિયા ) ને અમદાવાદ જેલમાં ધકેલ્યો છે.

5. મુકેશભાઇ નીલંબર ઝા (ઉ.વ.30 રહે.ગોડદરા ) ને વડોદરા જેલમાં ધકેલ્યો છે.

6. કપિલકુમાર રામસિંગ સૈની (ઉ.વ.32 રહે.સારોલી) ને વડોદરા જેલમાં ધકેલ્યો છે.

7. ચંદ્રપ્રકાશ ઉર્ફે ખજાનસી મહાદેવભાઇ ગુપ્તા (ઉ. વ.52 રહે.ડીડોલી) ને વડોદરા જેલમાં ધકેલ્યો છે. 

8. અજય ચંદ્રપ્રકાશ ગુપ્તા (ઉ.વ.28 ૨હે.ડીંડોલી) ને વડોદરા જેલમાં ધકેલ્યો છે.