વડાપ્રધાનશ્રી મોદીનો ઝંઝાવાતી ચૂંટણી પ્રચાર, આજે 4 વિજય સંકલ્પ સંમેલન સંબોધશે

ગુજરાતમાં ચૂંટણીને લઇને પ્રચાર પ્રસાર જોરશોરથી થઇ રહ્યો છે. હાલમાં સુરત ચૂંટણીના પ્રચાર માટે વધુ ચર્ચામાં આવ્યું છે. વડાપ્રધાન મોદી સુરતની મુલાકાતે છે. રવિવારે તેમની સુરતમાં રેલી યોજાઇ હતી, જેમા તેઓ વિપક્ષ પર ખૂબ જ ગુસ્સામાં હોય તેવું જોવા મળ્યું હતું. તેમણે રેલી દરમિયાન જણાવ્યું હતું કે, ગુજરાત અને દેશને કોંગ્રેસ અને સમાન વિચારધારા ધરાવતા પક્ષો સામે સતર્ક રહેવાની જરૂર છે જેઓ તેમની વોટ બેંકને બચાવવા માટે "મોટા આતંકવાદી હુમલાઓ" પર મૌન રહે છે.

ગુજરાતના સુરત પહોંચેલા વડાપ્રધાન નરેન્દ્ર મોદીએ વિપક્ષ પર જોરદાર નિશાન સાધ્યું. આ દરમિયાન તેમણે કહ્યું, “નવી પેઢીએ અમદાવાદ અને સુરતના સિરિયલ બોમ્બ બ્લાસ્ટ જોયા નથી. હું તેને આતંકવાદીઓના શુભેચ્છકોથી સાવધાન કરવા માંગુ છું. બાટલા હાઉસ એન્કાઉન્ટર આતંકવાદનું કૃત્ય હતું પરંતુ કોંગ્રેસના નેતાઓએ તેના પર સવાલ ઉઠાવ્યા હતા. વડાપ્રધાન મોદીએ રવિવારે રાત્રે સુરતમાં જનસભાને સંબોધિત કરતા આ વાત કહી. આ પહેલા તેમણે સુરતના એરપોર્ટથી અબ્રામા ગ્રાઉન્ડ સુધી રોડ શો કર્યો હતો. આ દરમિયાન તે ઘણી જગ્યાએ કારમાંથી ઉતર્યા અને લોકોનું અભિવાદન કર્યું. 

મહત્વનું છે કે, આ વખતે આમ આદમી પાર્ટી (AAP) પણ મેદાનમાં છે. રેલી દરમિયાન વડાપ્રધાન મોદીએ આડકતરી રીતે પ્રહાર કરતા કહ્યું હતું કે, વર્ષોથી નર્મદા ડેમ પ્રોજેક્ટનો વિરોધ કરનારાઓને ચૂંટણીની ટિકિટ આપનારાઓને ગુજરાતમાં પગ ન મૂકવા દેવા જોઈએ. ઉલ્લેખનીય છે કે વડાપ્રધાન નરેન્દ્ર મોદીએ રવિવારે ગુજરાત વિધાનસભાની ચૂંટણીને ધ્યાનમાં રાખીને ખેડા જિલ્લા, ભરૂચ જિલ્લાના આદિવાસી બહુલ નેત્રંગ અને સુરત શહેરમાં રેલીઓ સંબોધીને ભાજપની તરફેણમાં મત માંગ્યા હતા. મળતી માહિતી મુજબ વડાપ્રધાન મોદી આજે ભાવનગરના પાલિતાણા, કચ્છના અંજાર, જામનગર અને રાજકોટમાં રેલીઓને સંબોધશે. રાજકોટ ભાજપ પ્રમુખ કમલેશ મિરાણીએ ન્યૂઝ એજન્સી ANIને જણાવ્યું કે PM મોદી ફરી આવી રહ્યા છે. લોકો તેમને જોવા અને સાંભળવાનું પસંદ કરે છે. અમે રાજકોટ જિલ્લાની તમામ બેઠકો જીતવાની આશા રાખીએ છીએ.

આ પણ વાંચો - પાટીદારોના ગઢમાં PMશ્રીનો દમદાર રોડ-શૉ, આજે રાજનીતિનું એપી સેન્ટર બન્યું છે સુરત