ઘરફોડ ચોરી તેમજ વાહનચોરીના મુખ્ય સૂત્રધાર સહિત ત્રણ ઝડપાયા, 41 ગુનાનો ભેદ ઉકેલાયો

અહેવાલ - સાબીર ભાભોર

દાહોદ જિલ્લા LCB ની ટીમ ગતરોજ ગરબાડા વિસ્તારમાં વાહનચેકિંગ દરમિયાન મધ્યપ્રદેશ તરફથી આવતા વાહનોના નંબરની પોકેટ કોપ દ્વારા ચેકિંગ કરી રહ્યા હતા. તે દરમિયાન મધ્યપ્રદેશ તરફથી બે બાઇક ઉપર સવાર ત્રણ ઇસમો પોલીસને જોઈને ભાગવાનો પ્રયાસ કરતાં પોલીસે કોર્ડન કરી ઝડપી પાડી અંગ ઝડતી કરતાં ત્રણેય ઇસમો પાસેથી બે ડીસમિસ અને એક કટર મળી આવ્યા હતા.

જ્યારે ત્રણેયની અટક કરી સઘન પૂછપરછ કરતાં રાજ્ય તથા રાજ્ય બહાર અલગ અલગ જિલ્લામાંથી 37 જેટલી બાઇક ચોરી, અને છ ફોર વ્હીલર ચોરી તેમજ ચાર ઘરફોડ ચોરીની કબૂલાત કરી હતી. પોલીસે ચાર બાઇક રિકવર કરી મૂળ મધ્યપ્રદેશના ધાર જિલ્લાના કરચટ ગામના હીરાસીંગ બામણીયા, આપસિંહ બામણીયા તેમજ સુનિલ બામણીયા નામના ત્રણ યુવકોની ધરપકડ કરી વધુ તપાસ હાથ ધરી છે. ત્રણેય યુવકોએ દાહોદ જિલ્લામાં જ ચાર ઘરફોડ ચોરી કરી હતી. તેમજ 18 જેટળી બાઇક ચોરી કરી હતી. આ સિવાય યુવકો રાજ્યના અલગ અલગ જિલ્લાઓમાંથી પણ સંખ્યાબંધ બાઇક તેમજ ફોર વ્હીલ ગાડીઓની ઉઠાંતરી કરી હોવાનું સામે આવ્યું છે. હાલ પોલીસ ચોપડે નોધાયેલા 41 ગુનાનો ભેદ ખુલવા પામ્યો છે. તપાસમાં વધુ ચોરીઓ પણ બહાર આવે તેવી શક્યતાઓ સેવાઇ રહી છે.

આ પણ વાંચો - પંચમહાલ : તળાવો પાણીથી ભરાતા ખેડૂતોમાં ખુશી

આ પણ વાંચો – ડીસા : આ તે કેવી માતા? પુત્રને 6 મહિના સુધી બંધક બનાવ્યો, જાણો પૂરી વિગત

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ