Hind First

Hind First (English)

› Gujarat › VADODARA : વિશ્વામિત્રી પ્રોજેક્ટ સહિતના 18 કામોનો અંદાજીત ખર્ચ રૂ. 2,460 કરોડ

VADODARA : વિશ્વામિત્રી પ્રોજેક્ટ સહિતના 18 કામોનો અંદાજીત ખર્ચ રૂ. 2,460 કરોડ

VADODARA : નદીને ઉંડી-પહોળી કરીને તેની વહન ક્ષમતા વધારવી, તળાવો ઉંડા કરવા, તેમની સંગ્રહશક્તિ વધારવી જેવા પ્રયાસો કરવામાં આવી રહ્યા છે

PARTH PANDYA

01:00 PM Mar 28, 2025 IST

vadodara વિશ્વામિત્રી પ્રોજેક્ટ સહિતના 18 કામોનો અંદાજીત ખર્ચ રૂ 2 460 કરોડ

VADODARA : ગત વર્ષે વડોદરામાં આવેલા પૂરના કારણે ભારે નુકશાન થયું હતું. અનેક દિવસો સુધી નાગરિકો પૂરના પાણી સાથે પોતાના ઘરમાં દિવસો વિતાવ્યા હતા. તે ઘટનાનું પુનરાવર્તન ના થાય તે માટે રાજ્ય સરકાર દ્વારા વિશ્વામિત્રી પ્રોજેક્ટ સહિત 18 કામો હાથ ધરવામાં આવનાર છે. જેની પાછળ અંદાજીત કુલ ખર્ચ રૂ. 2,460 કરોડ થવાની શક્યતા છે. આ માહિતી અંગે ધારાસભ્ય યોગેશ પટેલ દ્વારા સવાલ પુછવામાં આવ્યો છે. જેના જવાબમાં સિંચાઇ વિભાગ દ્વારા વિગતો આપવામાં આવી છે. (VISHWAMITRI FLOOD REMOVAL WORK COST AROUND RS. 2,460 CRORE - VADODARA)

ધારાસભ્ય યોગેશ પટેલ દ્વારા માહિતી માંગવામાં આવી

વડોદરા હાલ વિશ્વામિત્રી નદીમાં ફરી પૂર ના આવે તેે માટેના પગલાં પૂર જોશમાં ભરવામાં આવી રહ્યા છે. જે અંતર્ગત નદીને ઉંડી-પહોળી કરીને તેની વહન ક્ષમતા વધારવી, વિવિધ તળાવો ઉંડા કરવા, તેમની સંગ્રહશક્તિ વધારવી જેવા અનેક પ્રયાસો કરવામાં આવી રહ્યા છે. તાજેતરમાં રાજ્યના વિધાનસભામાં માંજલપુર વિધાનસભા બેઠકના સિનિયર ધારાસભ્ય યોગેશ પટેલ દ્વારા આ અંગેની માહિતી માંગવામાં આવી હતી. જેના જવાબમાં કુલ 18 પ્રોજેક્ટ્સ પર 2,460 કરોડનો ખર્ચ થનાર હોવાનું જાણવા મળી રહ્યું છે. જેમાં નદી ઉંડી કરવાથી લઇને નદી પર આવેલા બ્રિજ પ્રોટેક્શનના સુધીના વિવિધા કામોનો સમાવેશ થાય છે.