Brisk Walk કરવાથી હૃદય, ફેફસા અને લોહીના રોગથી કાયમી મુક્તિ મળે છે

Brisk walk health benefits : ભારતમાં આ આધુનિક યુગમાં હૃદયરોગના દર્દીઓની સંખ્યા ઝડપથી વધી રહી છે. ભારતમાં નાની વયની ઉંમરે હાર્ટ એટેક આવવાના કેસની સંખ્યા વધી રહી છે. તેની પાછળનું કારણ વ્યસ્ત જીવનશૈલી અને ખાણીપીણીની ખરાબ આદતો સાબિત થઈ રહી છે. ત્યારે લીલા શાકભાજી કે ફળોનું સેવન કરીને અને થોડો સમય શારીરિક પ્રવૃત્તિ કરીને સ્વસ્થ જીવન જીવી શકાય છે. ત્યારે આ પ્રકારના રોગોથી Brisk Walk જેવી કસરતો નિરાકરણ અપાવે છે. Brisk Walk હેઠળ રોજ માત્ર 2 કિલોમીટર ચાલવાથી શરીરના અનેક રોગો દૂર થાય છે. હાર્ટના દર્દીઓને તબીબો આ પ્રકારની વોક કરવાનું અચૂક સૂચવે છે.

Brisk Walk માં આપણે સામાન્ય વોક કરતા થોડું ઝડપથી ચાલવું પડે છે. એક સામાન્ય વ્યક્તિ એક કલાકમાં 3 માઇલ ચાલે છે અથવા આપણે દર મિનિટે 100 પગલાં ભરવા પડે છે. આ સમય દરમિયાન આપણા હૃદયના ધબકારા 110 થી 120 ધબકારા પ્રતિ મિનિટ થઈ જાય છે.

હૃદય અને ફેફસા બંનેના સ્વાસ્થ્ય માટે ફાયદાકારક

જો તમે દરરોજ Brisk Walk કરો છો, તો માત્ર 2 કિલોમીટર ચાલવું એ હૃદય અને ફેફસા બંનેના સ્વાસ્થ્ય માટે ફાયદાકારક છે. આમ કરવાથી આપણો સ્ટેમિના પણ વધે છે. હાર્ટ પેશન્ટે આ પ્રકારનું વોકિંગ રૂટીન હેલ્થ એક્સપર્ટની સલાહ પર જ શરૂ કરવું જોઈએ.

હૃદયની બીમારીઓનું જોખમ ઘટાડી શકીએ છીએ

Brisk Walk કરવાથી આપણું બ્લડપ્રેશર પણ નિયંત્રણમાં રહે છે. Brisk Walk રક્ત પરિભ્રમણમાં મદદ કરે છે અથવા તેને સુધારે છે. ઝડપી ચાલવાની દિનચર્યાથી આપણે હૃદયની બીમારીઓનું જોખમ ઘટાડી શકીએ છીએ.

આ પણ વાંચો: નિયત કલાકો ઉપરાંત ઊંઘવાથી આ રોગોને સિધું આમંત્રણ, જીવલેણ છે બીમારીઓ

દુખાવા જેવી ગંભીર સમસ્યાનો સામનો કરી રહ્યા

આજકાલ લોકો નાની ઉંમરમાં જ સાંધાના દુખાવા જેવી ગંભીર સમસ્યાનો સામનો કરી રહ્યા છે. યુરિક એસિડ વધવાથી અથવા સંધિવા સહિત અન્ય સમસ્યાઓને કારણે આવું થઈ શકે છે. આનાથી રાહત મેળવવા માટે વ્યક્તિએ દરરોજ ઝડપી અથવા સામાન્ય ચાલવું જોઈએ.

ચાલવાથી વધારાની કેલરી બર્ન થાય છે

જો તમે અઠવાડિયામાં 5 વખત 30 મિનિટ ઝડપી વૉકિંગ કરો છો, તો તે વજન નિયંત્રણ અથવા વજન ઘટાડવા જેવા ફાયદા પ્રદાન કરે છે. ચાલવાથી વધારાની કેલરી બર્ન થાય છે. તેથી તમે આ પ્રકારના વૉકિંગથી વજન ઘટાડવા અથવા વજન વ્યવસ્થાપન જેવા ફાયદા મેળવી શકો છો.

આ પણ વાંચો: Diwali 2024 માં બાળકોને આ રીતે સરળતાથી ફટાકડાથી દૂર રાખી શકાય છે