'અંતિમ સંસ્કાર ત્યાં જ કરવામાં આવે, જ્યાં સ્મારક બની શકે...', ખડગેએ કેન્દ્ર સરકારને લખ્યો પત્ર

• કોંગ્રેસ કાર્યકારી સમિતિની બેઠક યોજાઈ
• સ્મારક માટે તેમના કદ પ્રમાણે યોગ્ય જગ્યા આપવી જોઈએ
• 'અંતિમ સંસ્કાર ત્યાં જ કરવામાં આવે, જ્યાં સ્મારક બની શકે...'
• ખડગેએ કેન્દ્ર સરકારને લખ્યો પત્ર
• અંતિમ સંસ્કાર પહેલા પાર્થિવ દેહને ત્રિરંગામાં લપેટવામાં આવશે
• 21 તોપોની સલામી

કોંગ્રેસના મહાસચિવ અવિનાશ પાંડેએ કહ્યું કે, કોંગ્રેસ અધ્યક્ષ મલ્લિકાર્જુન ખડગે અને મનમોહન સિંહના પરિવારજનો અંતિમ સંસ્કાર અને સ્મારકની જગ્યા માટે સરકાર સાથે વાતચીત કરી રહ્યા છે. દેશના પૂર્વ વડાપ્રધાન ડૉ.મનમોહન સિંહનું ગુરુવારે રાત્રે 92 વર્ષની વયે નિધન થયું છે.

કોંગ્રેસ કાર્યકારી સમિતિની બેઠક

દિલ્હીમાં કોંગ્રેસ મુખ્યાલયમાં પાર્ટી અધ્યક્ષ મલ્લિકાર્જુન ખડગે, CPP અધ્યક્ષ સોનિયા ગાંધી, લોકસભાના વિપક્ષના નેતા અને સાંસદ રાહુલ ગાંધી અને અન્ય કોંગ્રેસ નેતાઓની હાજરીમાં કોંગ્રેસ કાર્યકારી સમિતિની એક બેઠક આજે (શુક્રવારે) યોજાઈ હતી. પૂર્વ વડાપ્રધાન ડો.મનમોહન સિંહને શ્રદ્ધાંજલિ આપવા માટે આ બેઠક બોલાવવામાં આવી હતી.

કોંગ્રેસના નેતાઓએ કરી ચર્ચા

કોંગ્રેસ વર્કિંગ કમિટીની બેઠકમાં કોંગ્રેસના નેતાઓએ ચર્ચા કરી કે, દિવંગત પૂર્વ પીએમ ડૉ. મનમોહન સિંહના અંતિમ સંસ્કાર અને સ્મારક માટે તેમના કદ પ્રમાણે યોગ્ય જગ્યા આપવી જોઈએ. પરિવાર આ અંગે સરકાર સાથે વાત કરી રહ્યો છે.

'અંતિમ સંસ્કાર ત્યાં જ કરવામાં આવે, જ્યાં સ્મારક બની શકે...'

કોંગ્રેસ અધ્યક્ષ ખડગેએ કેન્દ્ર સરકારને પત્ર લખીને માંગણી કરી છે. ખડગેએ પીએમને પત્ર લખ્યો તેમજ પીએમ અને ગૃહમંત્રી સાથે પણ વાત કરી અને અંતિમ સંસ્કાર અને અગ્નિદાહ માટે યોગ્ય જગ્યા આપવા અપીલ કરી. પોતાના પત્રમાં ખડગેએ લખ્યું છે કે, અંતિમ સંસ્કાર ત્યાં જ કરવામાં આવે જ્યાં તેમનું સ્મારક બની શકે.

आज कांग्रेस अध्यक्ष श्री @kharge ने प्रधानमंत्री जी और गृह मंत्री से फ़ोन पर बात करके व एक पत्र लिख कर भारतीय राष्ट्रीय कांग्रेस की ओर से पुरज़ोर अनुरोध किया कि भारत के सपूत सरदार मनमोहन सिंह जी का अंतिम संस्कार व स्मारक स्थापित करना ही उनको सच्ची श्रद्धांजलि होगी। pic.twitter.com/pNxh5txf0b

— Congress (@INCIndia) December 27, 2024

અંતિમ સંસ્કાર દિલ્હીમાં શક્તિ સ્થળ પાસે કરવામાં આવશે

પૂર્વ વડાપ્રધાન મનમોહન સિંહના અંતિમ સંસ્કાર આવતીકાલે શનિવારે સવારે 10-11 વાગ્યે દિલ્હીમાં શક્તિ સ્થળ પાસે કરવામાં આવશે. તેમની પુત્રી આજે મોડી રાત્રે અમેરિકાથી દિલ્હી પહોંચશે. ડૉ. મનમોહન સિંહના પાર્થિવ દેહને દિલ્હીના મોતીલાલ નહેરુ માર્ગ પરના તેમના નિવાસસ્થાને રાખવામાં આવ્યો છે. ગઈકાલે રાત્રે એમ્સમાંથી તેમના પાર્થિવ દેહને અહીં લાવવામાં આવ્યો હતો.

21 તોપોની સલામી

ભારતમાં, ભૂતપૂર્વ વડા પ્રધાનના અંતિમ સંસ્કાર દરમિયાન વિશેષ રાજ્ય પ્રોટોકોલનું પાલન કરવામાં આવે છે. તેનો હેતુ દેશ પ્રત્યેના તેમના યોગદાન અને તેમના પદની ગરિમાનું સન્માન કરવાનો છે. અંતિમ સંસ્કાર પહેલા પૂર્વ વડાપ્રધાનના પાર્થિવ દેહને ભારતના રાષ્ટ્રીય ધ્વજ એટલે કે ત્રિરંગામાં લપેટવામાં આવે છે. આ સિવાય અંતિમ સંસ્કાર દરમિયાન તેમને 21 તોપોની સલામી પણ આપવામાં આવે છે. આ સલામી સર્વોચ્ચ રાજકીય સન્માનનું પ્રતીક માનવામાં આવે છે.

આ પણ વાંચો:  ડૉ મનમોહન સિંહને ભારત રત્ન આપવાની AAP સાંસદ સંજય સિંહે કરી માંગ