ઠાકરે પછી એકનાથ શિંદેના બેગની થઇ તપાસ, જોતા રહી ગયા CM

• મહારાષ્ટ્રના મુખ્યમંત્રીની બેગ કર્મચારીઓએ તપાસી
• એકનાથ શિંદેની બેગની પણ તપાસ કરવાામાં આવી
• ઉદ્ધવ ઠાકરે, દેવેન્દ્ર ફડણવીસ અને કેન્દ્રીય મંત્રી નીતિન ગડકરી બાદ શિંદેની બેગ તપાસવામાં આવી

મહારાષ્ટ્રમાં વિધાનસભાની ચૂંટણી (Assembly elections in Maharashtra) ને હવે ગણતરીના દિવસો બાકી રહી ગયા છે ત્યારે નેતાઓના અન્ય પાર્ટીઓ પર આરોપ-પ્રત્યારોપ પણ શરૂ થઇ ગયા છે. છેલ્લા બે દિવસથી મહારાષ્ટ્રના પૂર્વ મુખ્યમંત્રી ઉદ્ધવ ઠાકરે (former Maharashtra Chief Minister Uddhav Thackeray) કર્મચારીઓ દ્વારા પોતાની બેગ તપાસ પર વાંધો ઉઠાવતા સવાલો કરી રહ્યા છે. તેમના મતે જે મારી સાથે કરવામાં આવી રહ્યું છે શું તે વડાપ્રધાન મોદી અને ગૃહમંત્રી અમિત શાહ (PM Modi and Home Minister Amit Shah) સહિત અન્ય કોઇ નેતાઓ સાથે કરવામાં આવશે ખરા? હવે આ આરોપ વચ્ચે સમાચાર મળી રહ્યા છે કે, ચૂંટણી પંચના અધિકારીઓએ તાજેતરમાં પાલઘરમાં મુખ્યમંત્રી એકનાથ શિંદે (Chief Minister Eknath Shinde) ની બેગની પણ તપાસ કરવાામાં આવી છે.

કર્મચારીઓએ મુખ્યમંત્રી શિંદેની બેગ તપાસી

મળી રહેલી માહિતી અનુસાર, અધિકારીઓએ પાલઘરના કોલવડે પોલીસ પરેડ ગ્રાઉન્ડ ખાતેના હેલિપેડ પર મુખ્યમંત્રી શિંદેની બેગ તપાસી હતી. તેમના હેલિપેડ પર ઉતરતાની સાથે જ કમિશનના અધિકારીઓ તેમની પાસે પહોંચ્યા અને તેમની બેગ શોધવાનું કહ્યું. આ પહેલા પૂર્વ મુખ્યમંત્રી ઉદ્ધવ ઠાકરે, નાયબ મુખ્યમંત્રી દેવેન્દ્ર ફડણવીસ અને કેન્દ્રીય મંત્રી નીતિન ગડકરીના બેગની પણ તપાસ કરવામાં આવી છે. ચૂંટણી પ્રચાર દરમિયાન શિવસેના (UBT) પ્રમુખ ઉદ્ધવ ઠાકરેની બેગની બે વાર તપાસ કરવામાં આવી છે. સૌથી પહેલા કમિશનના અધિકારીઓએ સોમવારે યવતમાલ જિલ્લામાં અને મંગળવારે લાતુરમાં તેમની બેગની તપાસ કરી હતી. તેમની બેગની તપાસ કરી લીધા બાદ ઉદ્ધવ ઠાકરે ગુસ્સે થયા હતા. તેમણે મંગળવારે દાવો કર્યો હતો કે 20 નવેમ્બરની વિધાનસભાની ચૂંટણીના પ્રચાર માટે જ્યારે તે મહારાષ્ટ્રના લાતુર જિલ્લામાં પહોંચ્યા ત્યારે ચૂંટણી અધિકારીઓએ તેમની બેગ તપાસી હતી. આ સતત બીજો દિવસ હતો જ્યારે પૂર્વ મુખ્યમંત્રીની પાર્ટીએ સોશિયલ મીડિયા પ્લેટફોર્મ પર ચૂંટણી અધિકારીઓ દ્વારા તેમની બેગની તપાસ કરવામાં આવી હોવાનો વીડિયો પોસ્ટ કર્યો હતો.

#WATCH | Maharashtra: CM Eknath Shinde’s bags were checked at Palghar Police ground helipad where he reached for the election campaign.

(Source: Shiv Sena) pic.twitter.com/44CnWiTYzG

— ANI (@ANI) November 13, 2024

બેગ તપાસ પર પૂર્વ મુખ્યમંત્રીએ ઉઠાવ્યા હતા સવાલ

સોમવારે, તેમણે કહ્યું કે યવતમાલ જિલ્લાના વાનીમાં તેમનું હેલિકોપ્ટર ઉતર્યા પછી અધિકારીઓએ તેમની બેગની તપાસ કરી. તેમણે મંગળવારે જણાવ્યું હતું કે ચૂંટણી અધિકારીઓએ સમાન કવાયત હાથ ધરી હતી જ્યારે તેમનું હેલિકોપ્ટર તેમની નિર્ધારિત રેલી પહેલા લાતુરના ઔસા પહોંચ્યું હતું. શિવસેના (UBT) એ ચૂંટણી અધિકારીઓની આ કાર્યવાહીનો વીડિયો તેમના 'X' એકાઉન્ટ પર પોસ્ટ કર્યો છે. વીડિયોમાં ચૂંટણી અધિકારીઓ સાથે વાત કરતી વખતે શિવસેના પ્રમુખ તેમને તેમના નામ પૂછતા સાંભળવામાં આવ્યા હતા. તે પૂછે છે, "તમે અત્યાર સુધી કેટલા લોકોની તપાસ કરી છે?" જ્યારે તેમણે જવાબ આપ્યો કે તેઓ પ્રથમ છે, ત્યારે તેમણે કહ્યું, "તો હું પ્રથમ ગ્રાહક છું." વડા પ્રધાન નરેન્દ્ર મોદીની મહારાષ્ટ્ર મુલાકાતનો ઉલ્લેખ કરતાં તેમણે કહ્યું, “મોદી આજે આવી રહ્યા છે અને હું તમને સોલાપુર એરપોર્ટ મોકલીશ જે (મુલાકાતને ધ્યાનમાં રાખીને) બંધ છે. નરેન્દ્ર મોદીની પણ આવી જ રીતે તપાસ થવી જોઈએ. ઠાકરેએ પાછળથી કહ્યું, "હું તમારાથી નારાજ નથી, પરંતુ નરેન્દ્ર મોદી જ્યારે પ્રચારમાં આવે ત્યારે આ જ કાયદો લાગુ થવો જોઈએ... આપણે મહારાષ્ટ્ર માટે જીવવું અને મરવું જોઈએ, અન્ય રાજ્યો માટે નહીં."

આ પણ વાંચો:  'મારી બેગ તપાસી તો શું આ રીતે જ PM અને ગૃહમંત્રીની તપાસ થશે?' ઉદ્ધવ ઠાકરેનો સવાલ