Rain In Delhi :દિલ્હી NCR માં પવન સાથે ધોધમાર વરસાદ, અને વિસ્તારોમાં ભરાયા પાણી

• દિલ્હીમાં અચાનક પલટો જોવા મળ્યો
• જોરદાર વાવાઝોડા બાદ વરસાદ
• વરસાદથી અનેક જગ્યાએ પાણી ભરાયા

Rain In Delhi : રાજધાની દિલ્હીમાં હવામાનમાં અચાનક પલટો જોવા મળ્યો હતો.અહીં જોરદાર વાવાઝોડા બાદ વરસાદ (Rain In Delhi)વરસ્યો છે.ભારે પવન સાથે વરસાદ વરસતા હવામાન ખુશનુમા બન્યું છે. આ વરસાદથી દિલ્હીવાસીઓને ભીષણ ગરમીથી રાહત મળી છે.રાજધાની દિલ્હી અને નોઈડામાં વરસાદ વરસ્યો છે.

ભારે પવન સાથે વરસાદ

સૂર્યપ્રકાશ બાદ રાષ્ટ્રીય રાજધાની દિલ્હીમાં વાતાવરણ અચાનક વાદળછાયું બની ગયું અને ઘણા ભાગોમાં ભારે પવન સાથે વરસાદ શરૂ થયો હો.સફદર રોડ, મિન્ટો રોડ અને બીજી ઘણી જગ્યાએથી વરસાદની તસવીરો આવી છે. વરસાદને કારણે રસ્તાઓ પર વાહનોની ગતિ ધીમી પડી ગઈ છે. દિલ્હીના કેટલાક વિસ્તારોમાં કરા પણ પડ્યા છે. વાવાઝોડાને કારણે ઘણી જગ્યાએ વૃક્ષો પણ પડી ગયા છે.

આ પણ  વાંચો -Mohan Bhagwat : પાકિસ્તાનને લઈ RSS વડા મોહન ભાગવતનું મોટું નિવેદન

ભારે વરસાદને કારણે અનેક જગ્યાએ પાણી ભરાયા

દેશની રાજધાનીમાં ભારે વરસાદને કારણે લોકોને ગરમીથી રાહત મળી છે પરંતુ ઘણી જગ્યાએ પાણી ભરાઈ ગયા છે. પાણી ભરાવાના કારણે ટ્રાફિક જામની સમસ્યા પણ ઉભી થઈ છે. રસ્તાઓ પર વાહનો ઘૂસતા જોવા મળે છે. ભારતીય હવામાન વિભાગ (IMD) એ 17 અને 18 મેના રોજ આ પ્રદેશમાં વાવાઝોડા અને વીજળી પડવાની આગાહી કરી હતી. ધૂળના તોફાનની ચેતવણી જારી કરવામાં આવી હતી.

આ પણ  વાંચો -Operation Sindoor ને કેન્દ્ર સરકાર ઈન્ટરનેશનલ લેવલ પર લઈ જશે, જાણો આખો પ્લાન

લોકોને સાવધાન રહેવાની સલાહ

વરસાદ વચ્ચે, હવામાન વિભાગે દિલ્હીના લોકોને સતર્ક રહેવા અને જરૂરી સાવચેતી રાખવાની સલાહ આપી છે, ખાસ કરીને જેઓ ખુલ્લામાં કામ કરે છે અથવા મુસાફરી કરે છે.

19 અને 20 મેના રોજ હવામાન કેવું રહેશે ?

હવામાન વિભાગે 17 મે માટે મહત્તમ તાપમાન 42 ડિગ્રી સેલ્સિયસ અને લઘુત્તમ તાપમાન 26 થી 28 ડિગ્રીની આસપાસ રહેવાની આગાહી કરી હતી. IMD મુજબ, 19 અને 20 મેના રોજ દિવસ દરમિયાન સપાટી પરના પવનો સક્રિય રહેશે. જોકે, 21 અને 22 મેના રોજ હવામાન થોડું સામાન્ય રહેવાની ધારણા છે. આ દિવસોમાં આકાશ આંશિક રીતે વાદળછાયું રહેશે અને કોઈ ચેતવણી જારી કરવામાં આવી નથી. આ સમયગાળા દરમિયાન તાપમાન 38 ડિગ્રી સેલ્સિયસ સુધી પહોંચવાની શક્યતા છે, જેના કારણે ગરમીથી રાહત મળવાની આશા ઓછી છે.