બાળક પર ક્રૂરતા અંગે હાઇકોર્ટની મહત્વપૂર્ણ ટિપ્પણી, આ દલીલો પર માતાને જામીન મળ્યા

• બોમ્બે હાઈકોર્ટે પુત્રને માર મારવાના આરોપમાં મહિલાને જામીન આપ્યા
• ફરિયાદી પિતા અને માતા વચ્ચેના અણબનાવની અસર બાળક પર પડી
• મહિલા અને તેના લિવ-ઇન પાર્ટનરે બાળકને નિર્દયતાથી માર માર્યો હતો

Important comment of the High Court : બોમ્બે હાઈકોર્ટે 7 વર્ષના પુત્રને માર મારવાના આરોપમાં 28 વર્ષીય મહિલાને જામીન આપતી વખતે એક મહત્વપૂર્ણ અવલોકન કર્યું. તમને જણાવી દઈએ કે, બોમ્બે હાઈકોર્ટે પોક્સો એક્ટ કેસમાં ધરપકડ કરાયેલ આરોપી માતાને જામીન આપી દીધા છે. કોર્ટે કહ્યું કે કોઈ પણ વ્યક્તિ પોતાના બાળક સાથે ખરાબ વર્તન ન કરી શકે અને તેને આટલી નિર્દયતાથી માર ન મારી શકે. કોર્ટે કહ્યું કે આ કેસમાં એવા કોઈ પુરાવા નથી જે આરોપોને સમર્થન આપે. જસ્ટિસ મિલિંદ જાધવે પુરાવાનો હવાલો આપીને જામીન આપવાનો નિર્ણય આપ્યો છે.

ફરિયાદ પક્ષના આરોપો

આ કેસમાં, દહિસર પોલીસ સ્ટેશનમાં IPC, POCSO અને જુવેનાઇલ જસ્ટિસ એક્ટની વિવિધ કલમો હેઠળ નોંધાયેલા કેસમાં આરોપી માતાની ધરપકડ કરવામાં આવી હતી. ફરિયાદ પક્ષે કોર્ટમાં આરોપ લગાવ્યો હતો કે મહિલા અને તેના લિવ-ઇન પાર્ટનરે બાળકને ત્રાસ આપ્યો હતો અને તેને નિર્દયતાથી માર માર્યો હતો, જેના કારણે તેને આંતરિક રક્તસ્રાવ અને ફ્રેક્ચર થયું હતું.

આ પણ વાંચો :  Delhi: કેજરીવાલ દારૂ કૌભાંડના માસ્ટર માઇન્ડ, અનુરાગ ઠાકુરે સાધ્યુ નિશાન

પતિ-પત્ની વચ્ચે ઝઘડો થયો હતો

આ કેસ મહિલાના પતિ દ્વારા મુંબઈના દહિસર પોલીસ સ્ટેશનમાં દાખલ કરવામાં આવ્યો હતો, જે તેનાથી અલગ રહેતો હતો. બંનેના લગ્ન વર્ષ 2017 માં થયા હતા અને મહિલાએ વર્ષ 2018 માં એક બાળકને જન્મ આપ્યો હતો. મહિલાના પતિના જણાવ્યા મુજબ, જ્યારે પણ પતિ-પત્ની વચ્ચે ઝઘડો થતો ત્યારે મહિલા બાળક પર પોતાનો ગુસ્સો ઠાલવતી.

આ કેસમાં આરોપી મહિલાના વકીલ પ્રશાંત પાંડેએ જણાવ્યું હતું કે ફરિયાદ પક્ષે આરોપોને અતિશયોક્તિપૂર્ણ રીતે રજૂ કર્યા છે અને તેમાં કોઈ સત્ય નથી. મહિલા તેના બાળકને સારી સારવાર માટે શ્રેષ્ઠ હોસ્પિટલમાં લઈ ગઈ હતી. આ કેસમાં, કોર્ટે કહ્યું છે કે મહિલાની ધરપકડમાં કાનૂની પ્રક્રિયાનું પાલન કરવામાં આવ્યું ન હતું.

આ પણ વાંચો :  Puneની બસમાં 26 વર્ષીય યુવતી પર દુષ્કર્મ, આરોપી ફરાર, પોલીસે સર્ચ ઓપરેશન શરૂ કર્યુ