1999 માં કેવી રીતે પડી ગઈ હતી વાજપેયી સરકાર ? શરદ પવારે કર્યો ખુલાસો
- 1999માં NDA સરકાર ફક્ત એક મતથી પડી ગઈ હતી
- સરકાર લોકસભામાં એક મતથી અવિશ્વાસ પ્રસ્તાવ હારી ગઈ હતી
- NCP વડા શરદ પવારે ખુલાસો કર્યો
Sharad Pawar explained : 1999માં, અટલ બિહારી વાજપેયીના નેતૃત્વ હેઠળની NDA સરકાર ફક્ત એક મતથી પડી ગઈ હતી. આ સરકાર લોકસભામાં એક મતથી અવિશ્વાસ પ્રસ્તાવ હારી ગઈ હતી. આ અંગે, લગભગ બે દાયકા પછી, NCP વડા શરદ પવારે ખુલાસો કર્યો કે તેમને NDAનો તે એક મત મળ્યો હતો.
NCP ચીફ પવારે ગુરુવારે (21 ફેબ્રુઆરી, 2025) દિલ્હીમાં મહારાષ્ટ્ર સદન ખાતે નિલેશ કુમાર કુલકર્ણીના મરાઠી પુસ્તક 'સંસદ ભવન તે ધ સેન્ટ્રલ વિસ્ટા'ના વિમોચન સમયે આ ખુલાસો કર્યો હતો. તેમણે 1999ની ઘટના વિશે વાત કરી, જ્યારે તેઓ વાજપેયી સરકાર દરમિયાન વિપક્ષના નેતા હતા.
શું કહ્યું શરદ પવારે?
ભૂતકાળની ઘટનાઓને યાદ કરતાં તેમણે કહ્યું, "હું તે સમયે સંસદમાં વિપક્ષનો નેતા હતો. જ્યારે અમે વિપક્ષમાં હતા, ત્યારે તેમની સામે અવિશ્વાસ પ્રસ્તાવ લાવવામાં આવ્યો હતો. આ પ્રસ્તાવ એક મતથી પસાર થયો હતો. હવે હું તમને કહી રહ્યો છું કે મને તે મત કેવી રીતે મળ્યો. અવિશ્વાસ પ્રસ્તાવ રજૂ થયા પછી વિરામ થયો. તે સમય દરમિયાન હું બહાર ગયો અને કોઈની સાથે વાત કરી અને પાછો આવ્યો. શાસક પક્ષના એક વ્યક્તિએ કંઈક બીજું નક્કી કર્યું હોવાથી સરકાર એક મતથી પડી ગઈ. પરંતુ હું એ નહીં કહું કે મેં કોની સાથે વાત કરી અને મેં તે કેવી રીતે કર્યું.
આ પણ વાંચો : Uttarakhandમાં ભૂકંપના આંચકા અનુભવાયા, તીવ્રતા 3.5 માપવામાં આવી
જ્યારે એક મતના કારણે NDA સરકાર પડી ગઈ
17 એપ્રિલ 1999ના રોજ તત્કાલિન વડાપ્રધાન અટલ બિહારી વાજપેયીએ લોકસભામાં તેમની સરકારની બહુમતી સાબિત કરવાની હતી, પરંતુ તે દિવસે વાજપેયી સરકારને 269 મત મળ્યા હતા જ્યારે શાસક સરકાર વિરુદ્ધ 270 મત પડ્યા હતા. જેના કારણે તત્કાલિન વડાપ્રધાન વાજપેયીએ રાજીનામું આપવું પડ્યું હતું અને તેમની સરકાર પડી હતી.
આ સિવાય પવારે શિવસેનાના સંસ્થાપક બાલ ઠાકરે સાથે વિતાવેલા જૂના દિવસોને યાદ કર્યા. તેમણે કહ્યું કે બાલ ઠાકરે તેમને શરદ બાબુ કહેતા હતા. પવારે કહ્યું, "બધા ગયા પછી, બાલાસાહેબ ઠાકરે મારી સાથે દિલથી વાત કરતા અને મને શરદ બાબુ કહેતા. ફોન પર તેઓ કહેતા કે શરદ બાબુ, હું તમને મળવા આવું કે તમે આવો છો?
આ પણ વાંચો : Mahakumbh 2025: મહાકુંભ મેળાના યાત્રાળુઓ માટે પશ્ચિમ રેલવેએ ખાસ ટ્રેનો ચલાવી