PM Modi Sri Lanka Visit: PM મોદી ત્રણ દિવસના શ્રીલંકાના પ્રવાસે...સંરક્ષણ અને ઉર્જા સહિતના કરારો પર થશે ચર્ચા

• PM Modi ત્રણ દિવસની શ્રીલંકા મુલાકાતે
• સંરક્ષણ અને ઉર્જા પર થશે ચર્ચા
• નવા ક્ષેત્રોમાં સહયોગ વધારવાની ઇચ્છા વ્યક્ત કરી

PM Modi Sri Lanka Visit :પ્રધાનમંત્રી નરેન્દ્ર મોદી શુક્રવારે ત્રણ દિવસની શ્રીલંકા મુલાકાતે (PM Modi Sri Lanka Visit)પહોંચ્યા. આ મુલાકાત દરમિયાન, ભારત અને શ્રીલંકા વચ્ચે સંરક્ષણ, ઉર્જા, ડિજિટલ ઈન્ફ્રાસ્ટ્રક્ચર, આરોગ્ય અને વેપાર સહિત ઘણા મહત્વપૂર્ણ કરારો પર હસ્તાક્ષર થવાની અપેક્ષા છે. ડાબેરી નેશનલ પીપલ્સ પાવર (NPP) ગઠબંધનના નેતૃત્વ હેઠળ રાષ્ટ્રપતિ અનુરા કુમારા દિસાનાયકે સત્તામાં આવ્યા પછી વડા પ્રધાન મોદીની શ્રીલંકાની આ પહેલી મુલાકાત છે.

PM મોદીએ છેલ્લે 2019 માં શ્રીલંકાની મુલાકાત લીધી હતી અને 2015 પછી આ તેમની ટાપુ રાષ્ટ્રની ચોથી મુલાકાત હશે. ઉલ્લેખનીય છે કે, ગયા સપ્ટેમ્બરમાં પદ સંભાળ્યા પછી, પ્રધાનમંત્રી શ્રીલંકાના રાષ્ટ્રપતિ અનુરા કુમારા દિસાનાયક દ્વારા આતિથ્ય પામનારા પ્રથમ વિદેશી નેતા હશે.

BIMSTEC સમિટ પછી શ્રીલંકા મુલાકાત

પ્રધાનમંત્રી મોદીની આ મુલાકાત થાઇલેન્ડમાં આયોજિત BIMSTEC સમિટમાં ભાગ લીધા પછી થઈ રહી છે.શ્રીલંકામાં સત્તા પરિવર્તન પછી કોઈપણ વિદેશી નેતાની આ પહેલી મુલાકાત પણ છે. ડિસેમ્બર 2024 માં રાષ્ટ્રપતિ દિસાનાયકે તેમની પ્રથમ વિદેશ મુલાકાત તરીકે ભારતની મુલાકાત લીધી,જ્યાં બંને દેશોએ સંયુક્ત નિવેદન બહાર પાડ્યું અને પ્રાથમિકતા ક્ષેત્રોમાં સહયોગ વધારવા સંમત થયા.મુલાકાત પહેલા,પ્રધાનમંત્રી મોદી અને રાષ્ટ્રપતિ દિસાનાયકે બંનેએ સોશિયલ મીડિયા પ્લેટફોર્મ X પરના તેમના સંદેશાઓમાં ભારત-શ્રીલંકા સંબંધોને વધુ મજબૂત બનાવવા અને નવા ક્ષેત્રોમાં સહયોગ વધારવાની ઇચ્છા વ્યક્ત કરી હતી.

આઠ કરારો પર હસ્તાક્ષર શક્ય છે

આ મુલાકાત દરમિયાન બંને દેશો વચ્ચે આઠ કરારો (MoU) પર હસ્તાક્ષર થવાની શક્યતા છે. ભારતીય અધિકારીઓના મતે, આ કરારો ડિજિટલાઇઝેશન, આરોગ્ય, સંરક્ષણ અને ઊર્જા ક્ષેત્રોમાં સહયોગને પ્રોત્સાહન આપશે. ખાસ કરીને, શ્રીલંકાને સસ્તી ઉર્જા પૂરી પાડવા માટે એક નવી વ્યવસ્થા પર હસ્તાક્ષર થવાની અપેક્ષા છે. પ્રધાનમંત્રી મોદી સાથે વિદેશ મંત્રી એસ. જયશંકર પણ રહેશે.જયશંકર,રાષ્ટ્રીય સુરક્ષા સલાહકાર અજિત ડોભાલ અને વિદેશ સચિવ વિક્રમ મિશ્રી પણ શ્રીલંકા પહોંચી ગયા છે.

Colombo, Sri Lanka: After PM Narendra Modi's arrival at the Taj Samudra, a local says, "We still can't believe that we met him. He is such a great leader. We had been waiting to see him, and today, finally that day happened" pic.twitter.com/0tYDiIf8Lk

— IANS (@ians_india) April 4, 2025

આ પણ  વાંચો -Waqf Bill: કોંગ્રેસના નેતા બાદ હવે ઓવૈસીએ પણ કરી સુપ્રીમ કોર્ટમાં અરજી

સ્વતંત્રતા ચોક ખાતે ગાર્ડ ઓફ ઓનર

શનિવારે, પ્રધાનમંત્રી મોદી કોલંબોના ઇન્ડિપેન્ડન્સ સ્ક્વેર ખાતે ગાર્ડ ઓફ ઓનર મેળવશે. આ પછી, રાષ્ટ્રપતિ દિસાનાયકે સાથે ઔપચારિક વાતચીત રાષ્ટ્રપતિ સચિવાલયમાં થશે. આ મુલાકાતના મહત્વ પર ભાર મૂકતા, શ્રીલંકામાં ભારતીય હાઈ કમિશનર સંતોષ ઝાએ સમાચાર એજન્સી પીટીઆઈને જણાવ્યું હતું કે ભારત-શ્રીલંકા સંબંધો અત્યાર સુધીના સૌથી મજબૂત સ્તરે છે. તેમણે કહ્યું કે પ્રધાનમંત્રી મોદીની આ મુલાકાત ડિસેમ્બર 2024 માં જારી કરાયેલા વ્યાપક સંયુક્ત નિવેદનને આગળ વધારશે અને દ્વિપક્ષીય સહયોગના નવા પરિમાણો સ્થાપિત કરશે.ઝાએ સંકેત આપ્યો કે આ મુલાકાત દરમિયાન બંને દેશો વચ્ચે સંરક્ષણ (Defence Cooperation Pact)સહયોગ કરાર પર પણ હસ્તાક્ષર થઈ શકે છે. આ કરાર સંયુક્ત લશ્કરી કવાયતો, તાલીમ કાર્યક્રમો અને લશ્કરી સાધનોના પુરવઠા જેવી હાલની વ્યવસ્થાઓને ઔપચારિક બનાવશે.

PM Modi was warmly welcomed by the Indian community in Colombo, Sri Lanka, amidst enthusiastic chants of "Bharat Mata ki Jai" and "Modi, Modi." pic.twitter.com/VYXKPKZbH3

— Ghanshyam Gautam ( मोदी का परिवार) (@GhanshyamG93443) April 4, 2025

આ પણ  વાંચો -તમિલનાડુમાં BJPના સ્ટાર નેતા Annamalai પ્રદેશ પ્રમુખ પદ છોડશે, કહ્યું- હું રેસમાં નથી

દરિયાઈ સુરક્ષા મુખ્ય પ્રાથમિકતા રહેશે

ભારતીય હાઈ કમિશનરે એમ પણ કહ્યું કે દરિયાઈ સુરક્ષા ભારત-શ્રીલંકા સંરક્ષણ ભાગીદારીનો એક મહત્વપૂર્ણ આધારસ્તંભ રહેશે. તેમણે કહ્યું કે દરિયાઈ સુરક્ષા એક મહત્વપૂર્ણ મુદ્દો છે, અને એ વાત સર્વસ્વીકૃત છે કે આપણે એક જ ક્ષેત્રમાં છીએ અને આપણી સુરક્ષા એકબીજા સાથે જોડાયેલી છે. આ આધારે, અમે અમારા સહયોગને આગળ વધારી રહ્યા છીએ. પ્રધાનમંત્રી મોદીની મુલાકાત રાષ્ટ્રપતિ દિસાનાયકેની ભારત મુલાકાત દરમિયાન થયેલા કરારોને આગળ વધારવામાં મદદ કરશે અને દ્વિપક્ષીય સંબંધોમાં નવા પરિમાણો ઉમેરશે. ભારત અને શ્રીલંકા નજીકના પડોશી છે, ખાસ કરીને દરિયાઈ પડોશીઓ. આપણો સંબંધ ઐતિહાસિક, ભૌગોલિક અને સાંસ્કૃતિક રીતે ખૂબ જ ઊંડો છે. અમારી વચ્ચેના લોકોથી લોકોનાં સંબંધો પણ ખૂબ જ મજબૂત છે. તેમણે વધુમાં કહ્યું, "બંને દેશો વચ્ચે એવી સમજ છે કે આપણું ભવિષ્ય સહિયારું છે.