શું સોનમ વાંગચુક જેલ બહાર આવશે? સુપ્રિમ કોર્ટે કેન્દ્ર અને લદ્દાખ પ્રશાસનને ફટકારી નોટિસ

• સોનમ વાંગચુકની ધરપકડ અંગે સુપ્રિમકોર્ટમાં સુનાવણી (supreme court Sonam Wangchuk)
• સુપ્રિમકોર્ટે કેન્દ્રસરકાર, લદ્દાખ પ્રશાસન અને જોધપુર જેલને પાઠવી નોટિસ
• સોનમ વાંગચુકની પત્નીને ડિટેન્શન ઓર્ડર કેમ ન અપાયો: સુપ્રિમકોર્ટ
• આવતી સુનાવણી 14 ઓક્ટોબરના દિવસે યોજાશે

supreme court Sonam Wangchuk : પર્યાવરણ કાર્યકર્તા અને સામાજિક કાર્યકર સોનમ વાંગચુકની ધરપકડના કેસમાં સુપ્રીમ કોર્ટે મોટું પગલું ભર્યું છે. કોર્ટે કેન્દ્ર સરકાર, લદ્દાખ પ્રશાસન અને જોધપુર જેલ પ્રશાસનને નોટિસ પાઠવી છે.

આ નોટિસ વાંગચુકના પત્ની ગીતાંજલિ અંગમોની અરજી પર જારી કરવામાં આવી છે, જેમાં તેમણે તેમના પતિની રાષ્ટ્રીય સુરક્ષા કાયદા (NSA) હેઠળ થયેલી ધરપકડને પડકારી છે અને તેમની તાત્કાલિક મુક્તિની માગ કરી છે. લદ્દાખમાં 26 સપ્ટેમ્બરના રોજ હિંસા ભડકાવવાના આરોપસર વાંગચુકની ધરપકડ બાદથી આ મામલો સતત ચર્ચામાં છે.

સુપ્રીમ કોર્ટે કસ્ટડીના ઓર્ડર અંગે પૂછ્યો સવાલ (supreme court Sonam Wangchuk)

જસ્ટિસ અરવિંદ કુમારની બેન્ચે આ અરજી પર સુનાવણી હાથ ધરતા કેન્દ્ર સરકારને એક મહત્ત્વનો સવાલ પૂછ્યો. કોર્ટે જાણવા માગ્યું કે, સોનમ વાંગચુકના પત્ની ગીતાંજલિ અંગમોને તેમના ડિટેન્શનનો ઓર્ડર (Detention Order) શા માટે આપવામાં આવી રહ્યો નથી. કોર્ટે સ્પષ્ટતા કરી કે ડિટેન્શન ઓર્ડરની એક નકલ પરિવારને પૂરી પાડવી જોઈએ.

#BREAKING The Supreme Court has issued notices to the Central Government and Ladakh administration on Geetanjali Angmo’s petition regarding Sonam Wangchuk, with the next hearing scheduled for 14th October pic.twitter.com/zpXOpy1C2v

— IANS (@ians_india) October 6, 2025

ડિટેન્શન ઓર્ડર કેમ ન આપ્યો? (supreme court Sonam Wangchuk)

વાંગચુકના પત્ની તરફથી હાજર રહેલા વરિષ્ઠ અધિવક્તા કપિલ સિબ્બલે કોર્ટને જણાવ્યું હતું કે પરિવારને હજી સુધી હિરાસતના આધાર (grounds of detention) મળ્યા નથી. જોકે, સોલિસિટર જનરલ તુષાર મહેતાએ કોર્ટને ખાતરી આપી કે હિરાસતના આધાર વાંગચુકને આપી દેવામાં આવ્યા છે, અને તેઓ તેની એક નકલ તેમના પત્નીને પણ આપવા પર વિચાર કરશે.

NSA હેઠળ ધરપકડ અને આગામી સુનાવણી

સોનમ વાંગચુકને લેહમાં થયેલી હિંસાના સંબંધમાં પકડવામાં આવ્યા હતા અને હાલમાં તેમને જોધપુર સેન્ટ્રલ જેલમાં રાખવામાં આવ્યા છે. તેમની ધરપકડ માટે રાષ્ટ્રીય સુરક્ષા કાયદા (NSA) નો ઉપયોગ કરવામાં આવ્યો છે, જે વ્યક્તિને કોઈપણ આરોપ વિના એક વર્ષ સુધી અટકાયતમાં રાખવાની મંજૂરી આપે છે.

14 ઓક્ટોબરના રોજ વધુ સુનાવણી

સુપ્રીમ કોર્ટે આ મામલાની ગંભીરતાને ધ્યાનમાં લઈને કેન્દ્ર સરકાર, લદ્દાખ પ્રશાસન અને જોધપુર સેન્ટ્રલ જેલના સુપરિન્ટેન્ડેન્ટને નોટિસ જારી કરી છે. કોર્ટે આદેશ આપ્યો કે આ કેસની આગામી સુનાવણી મંગળવાર, 14 ઓક્ટોબરના રોજ કરવામાં આવશે, જેમાં કેન્દ્રને કોર્ટના સવાલોનો જવાબ આપવો પડશે.

આ પણ વાંચો : Rajasthan : જયપુરની SMS હોસ્પિટલમાં લાગી આગ, 6 દર્દીના કરૂણ મોત