Home » ઓલપાડના ડભારી દરિયા કિનારેથી ૧૩.૫૬ લાખની કિમતનું ચરસ મળી આવ્યું
ઓલપાડના ડભારી દરિયા કિનારેથી ૧૩.૫૬ લાખની કિમતનું ચરસ મળી આવ્યું
Vishal Dave
My name is Vishal Dave, I have 15 years experience of electronic news media, have worked in various news organizations like tv9 gujarati, ABP asmita, VTV news, GSTV and Mantavya news. Writing fiction stories is my hobby.
152
સુરતના ઓલપાડ ડભારી દરિયા કિનારેથી ચરસનો જથ્થો મળી આવતા ચકચાર મચી જવા પામી હતી, પોલીસે ઘટના સ્થળેથી જઈને બિન વારસી હાલતમાં રહેલો ૯ કિલો અને ૪૦ ગ્રામ ચરસનો જથ્થો જપ્ત કર્યો છે અને આ સમગ્ર મામલે તપાસનો ધમધમાટ શરુ કર્યો છે
સુરત શહેર અને જિલ્લામાંથી અવાર નવાર ડ્રગ્સ અને ચરસના જથ્થા સાથે ઇસમોને ઝડપી પાડી પોલીસ દ્વારા કાયદેસરની કાર્યવાહી કરવામાં આવે છે, ત્યારે સુરતના ઓલપાડ સ્થિત ડભારી દરિયા કિનારેથી ચરસનો જથ્થો મળી આવ્યો છે, ઓલપાડના ડભારી દરિયા કિનારે આવેલા ખોડીયાર માતાના મંદિર નજીક એક મીણીયા કોથળામાં ચરસનો જથ્થો મળી આવ્યો હતો, બનાવની જાણ પોલીસને થતા પોલીસ કાફલો ઘટના સ્થળે પહોચ્યો હતો, પોલીસે એફએસએલની મદદથી તપાસ કરતા આ પ્રતિબંધિત ચરસ હોવાનું બહાર આવ્યું હતું,
પોલીસને એક બ્લ્યુ કલરના પ્લાસ્ટીકના મીણીયા કોથળામાં પેકિંગ હાલતમાં ૯ પ્લાસ્ટીકના પેકેટ મળી આવ્યા હતા, એફએસએલની ટીમને બોલાવી તપાસ કરાવતા આ પ્રતિબંધિત ચરસ હોવાનું બહાર આવ્યું હતું પોલીસે ૧૩.૫૬ લાખની કિમતનું ૯ કિલો અને ૪૦ ગ્રામ ચરસનો જથ્થો કબ્જે કર્યો હતો.. આ સમગ્ર મામલે ઓલપાડ પોલીસ મથકમાં ગુનો નોંધવામાં આવ્યો છે અને આ ચરસનો જથ્થો તણાઈને આવ્યો છે કે પછી અહિયાં કોઈએ સંતાડી રાખ્યો છે તે સમગ્ર બાબતોને લઈને તપાસનો ધમધમાટ શરુ કરવામાં આવ્યો છે.
Vishal Dave
My name is Vishal Dave, I have 15 years experience of electronic news media, have worked in various news organizations like tv9 gujarati, ABP asmita, VTV news, GSTV and Mantavya news. Writing fiction stories is my hobby.