Maitri makwana 
અહેવાલ – પીન્ટુ પટેલ, ડભોઇ
મળતી માહિતી મુજબ ડભોઇ પણસોલી નજીક એક બાઈક અને મારૂતિ ઈકો વચ્ચે ગમખ્વાર અકસ્માત સર્જાયો હતો. જેમાં બાઈક ચાલક અને તેની પાછળ બેસેલ એક ઇશમનું ઘટના સ્થળે કમ કમાટી ભર્યું મોત નિપજ્યું હતું.
ઘટના સ્થળેથી ફરાર થઈ ગયો
જેમાં (૧). વિક્રમસિંહ છત્રસિંહ વાસિયા ઉં.વર્ષ 63 રહે. A-1, કમલા પાર્ક સોસાયટી, વાઘોડિયા રોડ, વડોદરા,(૨). જયશ્રી ગોહેલસિહ ચૌહાણ ઉ.વષૅ -૬૪ રહે. રાવપુરા, મોટી પોસ્ટ ઓફિસ પાછળ નંદભવન, વડોદરા જેઓના કમ કમિટીભયૉ મોત નિપજયાં હતાં. સમગ્ર ઘટના બનતા જ ઇકો ચાલક માણસને નેવે મૂકીને ઘટના સ્થળેથી ફરાર થઈ ગયો હતો.
સમગ્ર ઘટના બનતા સ્થાનિક લોકો ટોળા ઉમટી પડ્યા
સમગ્ર ઘટના બનતા સ્થાનિક લોકો ટોળા ઉમટી પડ્યા હતા. અને સમગ્ર ઘટનાની જાણ ડભોઇ પોલીસને થતાં પોલીસ કાફલો ઘટના સ્થળે દોડી આવ્યો હતો. પોલીસે ઇકો ચાલકને શોધી કાઢવાના ચક્રો ગતિમાન કરે છે અને અકસ્માત નો ગુનો નોંધી આગળની કાનૂની કાર્યવાહી હાથ ધરી છે.
પોલીસે ટ્રાફિકના નિયમોનું ચુસ્તપણે પાલન કરાવવું
પરંતુ મહત્વની વાત એ છે કે દિવસેને દિવસે અકસ્માતના કિસ્સાઓ વધતા જાય છે જેને લઈને પોલીસે ટ્રાફિકના નિયમોનું ચુસ્તપણે પાલન કરાવવું જોઈએ. જે નિયમો તોડવાના કારણે નિર્દોષ લોકોએ જીવ ગુમાવવો પડે છે.
કાયદેસરની કાર્યવાહી કરે તેવી લોક માંગ
એટલું જ નહીં પરંતુ ડભોઇ – વડોદરા , વડોદરા- બોડેલી, વડોદરા – છોટાઉદેપુર વડોદરા – સંખેડા જેવા રૂટ ઉપર ઈકો ચાલકો ઓવરલોડિંગ પેસેન્જર બેસાડીને મુસાફરી કરાવતા હોય છે. જેથી સ્થાનિક પોલીસ અને ટ્રાફિક પોલીસે પણ આવા વાહનચાલકો સામે કાયદેસરની કાર્યવાહી કરે તેવી લોક માંગ ઉઠવા પામી છે.
આ પણ વાંચો – સરકારના મંત્રી જગદીશ વિશ્વકર્માની અનોખી પહેલ
