Harsh Bhatt 
146
અહેવાલ – રહીમ લખાણી, રાજકોટ
હાઇકોર્ટ કે સરકાર ભલે ધમપછાડા કરે પણ કોન્ટ્રાકટર અને અધિકારીઓ સુધરવાના નથી જ. રાજકોટના રાવકી ગામે નિર્માણાધિન રોડમાં ભ્રષ્ટાચાર સામે આવ્યો, ભ્રષ્ટાચારને લઈને રાવકી ગ્રામજનો દ્વારા કોન્ટ્રાકટર અને અધિકારી સાથે ઉગ્ર બોલાચાલી કરી કામ બંધ કરાવ્યું.
પહેલા જુઓ આ લોધીકા રાવકી પાસે બની રહેલા રોડમાં શું જોવા મળી રહ્યું છે. પ્રથમ કોંક્રિટની લહેર જેમાં કોંક્રિટ જોવા મળે છે પણ ડામર ઉપરથી છંટકાવ કરી ધૂળ નાખી ભ્રષ્ટાચાર છૂપાવવાનો પ્રયાસ કરવામાં આવ્યો છે. ગ્રામજનો દ્વારા હાથેથી કોંક્રિટ કાઢવામાં આવ્યો પણ આહી ડામર જોવા નથી મળતો, ઉપરથી ધૂળ પણ ઉખડી રહી છે.
કહેવાય છે ડામર પાણી અને ધૂળ હોય તો સાફ કરી ત્યાં ડામરનો છંટકાવ કરી બાદમાં ડામર વાળી કોંક્રિટ નાખવાની હોય છે પણ અહી એવું કશું જ જોવા નથી મળી રહ્યું. પ્રથમ લહેર ૭૫ MM ની હોય પણ હાથ આ પ્રથમ લહેરને ગ્રામજનો ઉખેડી રહ્યા છે. સ્પષ્ટ ભ્રષ્ટાચાર અહી જ જોઈ શકાય છે. ડામર જો હાથથી ઉખડી જતો હોય તો વરસાદ વરસે તો સ્પષ્ટ પણે કહી શકાય કે આ રોડમાં ખાડા પડવાના અને પડવાના જ છે. કારણકે અહીંથી ભારે વાહનો પસાર થાય છે પણ રોડનો આ ભ્રષ્ટાચાર જોતા ચોમાસા પહેલા રોડ તૂટી જાય તેવી સંભાવના છે.
જોકે આ ભ્રષ્ટાચારને લઇ ગ્રામજનો દ્વારા જ્યાં રોડનું કામ ચાલુ હતું ત્યાં પહોંચ્યા અને રોડમાં ગેરરીતિને લઇને રજૂઆત કરી હતી. જોકે પહેલા કોન્ટ્રાક્ટ કમેરો બંધ જોઈને કહ્યું કે થાય તે કરી લેજો, પણ જ્યારે કેમેરો શરૂ થયો ત્યારે કોન્ટ્રાકટરની બોલતી બંધ થઈ ગઈ હતી. બાદમાં ગ્રામજનો ઉગ્ર થતા સેમ્પલ લઈ લેવાની વાતો કરવા લાગ્યા હતા.
બાદમાં તેમણે કહ્યું હું સુપરવાઈઝર છુ અને નિયમ મુજબ અહી કામ થાય છે. સરકારી અધિકારી છે પૂછી લો, પણ જ્યારે ગુજરાત ફર્સ્ટની ટીમે તેની પાસે પહોંચ્યું અને સવાલો કર્યા ત્યારે અધિકારી પણ પહેલા આ ભ્રષ્ટાચારને દબાવવાનો પ્રયાસ કર્યો હતો અને કહ્યું હતું કે બધુ જ નિયમ મુજબ થઈ રહ્યું છે.
પરંતુ ત્યાર બાદ ગુજરાત ફર્સ્ટ એ પણ પોતાની જવાબદારી નિભાવી અને કોન્ટ્રાક્ટર અને અધિકારીઓએ જે કબુલાત કરી છે, જે જગ્યા ઉપર ખરાબ રોડ થયો છે તે નવેસરથી બનાવી અને ત્યારબાદ જ વ્યવસ્થિત રોડ બનાવવામાં આવશે. જો રોડ બનાવવામાં નહીં આવે તો કામ સંપૂર્ણ બંધ કરાવવા માટે ગ્રામજનોની ઉગ્ર રજૂઆત હતી જોકે ગુજરાત ફર્સ્ટે અધિકારી અને ગ્રામજનો વચ્ચે મધ્યસ્થી બની અને કામ છે શરૂ કરાવ્યું છે.
આ પણ વાંચો — SOU : PM MODI આવશે બે દિવસના ગુજરાત પ્રવાસે
