અહેવાલ – રાબિયા સાલેહ
સુરત શહેરના કતારગામ વિસ્તારમાં આવેલા આશ્રમ રોડ ખાતે વીઆરપોપાવાલા ચિલ્ડ્રન હોમ ફોર બોઈઝમાંથી 7 વર્ષનો બાળક ભાગી જતાં પોલીસ દોડતી થઇ હતી. સમગ્ર મામલે કતારગામ પોલીસે અપહરણનો ગુનો નોંધી વધુ તપાસ હાથ ધરી છે.
7 વર્ષનો બાળક ભેદી સંજોગોમાં ગુમ થતા કતારગામ વિસ્તારના ચ્પ્પે ચપ્પે પોલીસે શોધખોળ કરી હતી. જોકે, બાળક જે દિવસે ગુમ થયો એ દિવસે આશ્રમમાં આશરે 49 જેટલા બાળકો મેદાનમાં રમી રહ્યાં હતાં, ત્યારબાદ અચાનક બાળક ગુમ થતાં પોલીસે બાળકની શોધખોળ આરંભી હતી. બીજા બાળકોને અહીં ગમતું નથી તેવું આ બાળક કહેતો હોવાનું પોલીસને આશ્રમમાંથી જાણવા મળ્યું હતું. કતારગામમાં વી.આર.પોપાવાલા ચિલ્ડ્રન હોમ આવેલું છે. જેમાંથી બે દિવસ પહેલાં ગાંધીનગરથી 6 મહિના અગાઉ સિફ્ટ કરવામાં આવેલો 7 વર્ષનો બાળક ભેદી સંજોગોમાં ગુમ થયો હતો. બાળક ગુમ થતાં આશ્રમના કેર ટેકર દ્વારા કતારગામ પોલીસ સ્ટેશનમાં ફરિયાદ નોંધાવવામાં આવી છે.
કતારગામ પોલીસ ચોપડે નોંધાયેલી ફરિયાદ પર એક નજર કરીએ તો કતારગામ વિસ્તારના અનાથ આશ્રમ સર્કલ નજીક એજ વી.આર. પોપાવાલા ચિલ્ડ્રન હોમ આવેલું છે. આ હોમમાં અત્યારે 49 જેટલાં બાળકો આશ્રિત છે સાથે જ તેઓ અલગ અલગ સ્કૂલમાં અભ્યાસ કરે છે. આ તમામ બાળકો સાથે 7 વર્ષનો સુરેશ વસાવા પણ હતો. જે ગત 27 જુલાઇ-2022 ના રોજ ગાંધીનગર બાળ સંભાળ ગૃહમાંથી પોપાવાલા ચિલ્ડ્રન હોમ સુરત ખાતે ટ્રાન્સફર કરવામાં આવ્યો હતો. નાનો સુરેશ પોપાવાલા ચિલ્ડ્રન હોમ કેમ્પસમાં જ સર્વ શિક્ષા અભિયાન અંતર્ગત અભ્યાસ અને ટ્યુશન ક્લાસમાં જતો હતો. જોકે, ગયા શનિવારે સવારે 10 વાગે તે હોમના મેદાનમાં રમી રહ્યો હતો. જોકે, અચાનક એ રમતાં રમતાં ગુમ થયો હોવાનું હોમ ના કેર ટેકરઓને માલૂમ પડ્યું હતું. તેઓ દ્વારા સુરેશની આંખા હોમમાં શોધખોળ શરૂ કરાઇ હતી. જોકે, કલાકો બાદ પણ સુરેશ જાતે નહીં આવતા ત્યાં ના સ્ટાફ અને વોચમેને હાર માની સુરેશ ગાયબ અથવા ગુમ થયો હોવાનું માની લીધું હતું.
હોમના કર્મચારીઓ દ્વારા સુરેશના સાથી બાળકોની પણ પૂછપરછ કરી હતી ત્યારે બાળકો એ તેમેં કહ્યું હતું કે, સુરેશને અહીં ગમતું ન હોવાનું તે કહ્યા કરતો હતો અને તે અહીંથી ભાગી જવાનું કહેતો હતો. આ તમામ હકીકત જાણવા પછી હોમનો સ્ટાફ દોડતો થયો હતો. સુરેશને શોધવા સુરત બસ સ્ટેશન, રેલવે સ્ટેશન સહિતના વિસ્તારમાં હોમના અધિકારીઓએ શોધખોળ કરી હતી. પરંતુ તેનો પતો લાગ્યો ન હતો. આખરે તેઓએ કતારગામ પોલીસ સ્ટેશનમાં 7 વર્ષના સુરેશ ગુમ થયો હોવાની ફરિયાદ નોંધાવી હતી.
આ પણ વાંચો – ડ્રાઇવરની બેદરકારીથી સ્કૂલ બસના ટાયર નીચે કચડાઇને મોતને ભેટી ચોથા ધોરણમાં ભણતી માસુમ દિકરી