VIMAL PRAJAPATI 
Delhi: દિલ્હીમાં સદર બજાર વિસ્તારમાં આવેલા એક ઘમાં આગ લાગવાની ઘટના સામે આવી છે. ઘરમાં આગ લાગવાને કારણે શ્વાસ રૂંધાવાથી બે બાળકીઓના મોત થયાના સમાચાર પણ મળ્યા હતા. વિગતો મળી રહીં છે કે, આગને કારણે બિલ્ડીંગમાંથી ધુમાડો નીકળી રહ્યો હતો. ઈમારતમાંથી ધુમાડો અને આગ નીકળતા જોઈને લોકોએ Delhi સદર બજાર પોલીસ સ્ટેશનને જાણ કરી હતી. માહિતી મળતાની સાથે જ પોલીસ ફાયર બ્રિગેડની સાથે ઘટના સ્થળે પહોંચી ગઈ હતી. ત્યાંના લોકોએ જણાવ્યું કે છોકરીઓ હાજર છે.
આગ પર કાબૂ મેળવવા માટે તૈનાત કરાયા હતા
આ બાબતે વિગતો આપતા પોલીસ અધિકારીએ કહ્યું કે, સદર બજાર પોલીસ વિસ્તારમાં આવેલી સદર બસ્તીમાં સ્થિત અમાનત હાઉસમાં આગ લાગી હતી. જે બિલ્ડીંગમાં આગ લાગી હતી. જેમાં બે યુવતીઓ ફસાઈ હોવાની માહિતી મળી હતી. આ પછી તરત જ ફાયર બ્રિગેડના ચાર જવાનોને યુવતીઓને બચાવવા અને આગ પર કાબૂ મેળવવા માટે તૈનાત કરવામાં આવ્યા હતા.
અચાનક ઘરમાં આગ લાગી ગઈ હતી
સૂત્રો દ્વારા મળતી વિગતો પ્રમાણે આગ લાગ્યા બાદ બે બાળકીઓ બાથરૂમમાં બંધ થઈ ગઈ હતી. જે રૂમમાં આગ લાગી તે એક મનોરંજન રૂમ હતો. તેમાં એસી, મિની થિયેટર અને બીજી ઘણી વસ્તુઓ હતી. આગના કારણે તે રૂમ સહિત સમગ્ર માળ ધુમાડાથી ભરાઈ ગયો હતો. જેના કારણે ફાયરના જવાનો કંઈ જોઈ શક્યા ન હતા.
હોસ્પિટલમાં બન્ને બાળકીઓને મૃત જાહેર કરાઈ
આગના કારણે ઘરની અંદર ધુમાડો ફરી વળ્યો હતો. તેના કારણે અધિકારીઓને ઘરની અંદર જવા માટે માસ્ક પહેરવું પડ્યું હતું. માસ્ક પહેરીને ફાયરમેન કોઈક રીતે રૂમની બારીઓના કાચ તોડી અંદર પ્રવેશ્યા હતા. ફાયર બ્રિગેડના સ્ટાફે બાથરૂમમાં બંધ બે યુવતીઓને બહાર કાઢી તાત્કાલિક હોસ્પિટલ લઈ ગયા હતા. હોસ્પિટલમાં ડોક્ટરોએ બંનેને મૃત જાહેર કર્યા હતા.
