Kalpana Soren : કોણ છે કલ્પના સોરેન, જે બની શકે છે ઝારખંડની પ્રથમ મહિલા CM ?
ઝારખંડના રાજકારણમાં ઉથલપાથલ થવાની સંભાવના છે. રાજ્યમાં એવી જોરદાર ચર્ચા છે કે મુખ્યમંત્રી હેમંત સોરેનની પત્ની કલ્પના સોરેન (Kalpana Soren) મુખ્યમંત્રી બની શકે છે. જો આમ થશે તો કલ્પના સોરેન રાજ્યની પ્રથમ મહિલા મુખ્યમંત્રી હશે. હેમંત સોરેને 3 જાન્યુઆરીએ વિધાયક દળની બેઠક બોલાવી છે, જેમાં મુખ્યમંત્રી તરીકે કલ્પનાના નામની જાહેરાત કરવામાં આવી શકે છે.
કલ્પના સોરેન કોણ છે ?
ઝારખંડના મુખ્યમંત્રી હેમંત સોરેનની પત્ની કલ્પના સોરેન (Kalpana Soren) કેટલી શિક્ષિત છે. કલ્પનાનો જન્મ વર્ષ 1976 માં રાંચીમાં થયો હતો. તે મૂળ મયુરભંજ, ઓડિશાની છે. તેણે ગ્રેજ્યુએશન સુધીનો અભ્યાસ કર્યો છે. તેણીના લગ્ન 7 ફેબ્રુઆરી, 2006 ના રોજ હેમંત સોરેન સાથે થયા હતા. કલ્પના (Kalpana Soren) એક પ્લે સ્કૂલ ચલાવે છે. તેમને નિખિલ અને અંશ નામના બે બાળકો છે. હાલમાં કલ્પના સોરેન રાજકારણમાં સક્રિય નથી.
આ બેઠક પરથી ચૂંટણી લડી શકે છે
ગાંડે વિસ્તારના જેએમએમના ધારાસભ્ય સરફરાઝ અહેમદે ધારાસભ્ય દળની બેઠકમાં રાજીનામું આપ્યું છે. તેને જેએમએમની સલામત બેઠક માનવામાં આવે છે. એવી અટકળો ચાલી રહી છે. આ દરમિયાન બીજેપી નેતા નિશિકાંત દુબેએ આ ઘટનાને લઈને એક ટ્વિટ કર્યું છે.
मुख्यमंत्री हेमंत सोरेन जी परेशान,उनके सचिव चौबे जी से लेकर महाधिवक्ता मिश्रा जी गांडेय उप चुनाव कराने के लिए परेशान,विधायक दल की बैठक कल ,राज्यपाल के पास अपना इस्तीफ़ा व कल्पना सोरेन जी को विधायक दल का नेता बनाने वाला पत्र राज्यपाल महोदय को एक साथ देने की तैयारी @CPRGuv झारखंड…
— Dr Nishikant Dubey (@nishikant_dubey) January 2, 2024
હેમંત કેમ રાજીનામું આપી રહ્યા છે?
તાજેતરમાં ED એ મુખ્યમંત્રી હેમંત સોરેનને નોટિસ મોકલી હતી. પરંતુ આ અંગે હેમંત હાજર થયો ન હતો. એવું માનવામાં આવે છે કે ED હેમંત સોરેનની ધરપકડ માટે કોર્ટ પાસે વોરંટની માંગ કરી શકે છે. તેથી, હેમંત પહેલેથી જ તેની પત્નીને (Kalpana Soren) સીએમ બનાવી શકે છે, જેથી સત્તા ઘરની બહાર ન જાય.
આ પણ વાંચો : PM Modi Election: તમિલનાડુમાં 3 જાન્યુ. એ PM મોદી ઐતિહાસિક સભાને સંબોધશે