Download Apps
Scan QR Code To Download The Gujarat First Mobile App CLOSE

Budget 2024 : નિર્મલા સિતારમણે આટલી મિનિટમાં જ બજેટ સ્પીચ પૂર્ણ કરી

Budget 2024 : નાણાં પ્રધાન નિર્મલા સીતારમણે (Nirmala Sitharaman) આજે સંસદમાં નાણાકીય વર્ષ 2024-25 માટે વચગાળાનું બજેટ રજૂ કર્યું. નાણામંત્રીએ આ બજેટમાં સામાન્ય લોકો માટે ઘણી મોટી જાહેરાતો કરી છે. નિર્મલા સીતારમણના બજેટ ભાષણમાં ખાસ જાહેરાત કરતા લોકોનું ધ્યાન તેમના...
budget 2024   નિર્મલા સિતારમણે આટલી મિનિટમાં જ બજેટ સ્પીચ પૂર્ણ કરી

Budget 2024 : નાણાં પ્રધાન નિર્મલા સીતારમણે (Nirmala Sitharaman) આજે સંસદમાં નાણાકીય વર્ષ 2024-25 માટે વચગાળાનું બજેટ રજૂ કર્યું. નાણામંત્રીએ આ બજેટમાં સામાન્ય લોકો માટે ઘણી મોટી જાહેરાતો કરી છે. નિર્મલા સીતારમણના બજેટ ભાષણમાં ખાસ જાહેરાત કરતા લોકોનું ધ્યાન તેમના બજેટ ભાષણના સમય પર હતું, કારણ કે નિર્મલા સીતારમણ અત્યાર સુધીનું સૌથી લાંબુ બજેટ ભાષણ વાંચવાનો રેકોર્ડ ધરાવે છે.

Advertisement

વર્ષ 2020માં સૌથી લાંબુ બજેટ ભાષણ

નાણામંત્રી નિર્મલા સીતારમણે વર્ષ 2020માં સૌથી લાંબુ બજેટ ભાષણ આપ્યું હતું. તેમણે લોકસભામાં 2.42 કલાકનું બજેટ ભાષણ આપ્યું હતું. જો કે, ત્યારથી તેમના બજેટ ભાષણનો સમય ઘટતો રહ્યો અને આજે પણ આ રેકોર્ડ તૂટ્યો નથી. નિર્મલા સીતારમણે મોદી સરકારના વચગાળાના બજેટ 2024માં તેમનું ભાષણ 60 મિનિટમાં પૂરું કર્યું હતું.

Advertisement

ગયા વર્ષે આટલા કલાકોનું બજેટ ભાષણ

ગયા વર્ષે નાણામંત્રી નિર્મલા સીતારમણે મોદી સરકારના આ કાર્યકાળનું છેલ્લું પૂર્ણ બજેટ રજૂ કર્યું હતું. આ સામાન્ય બજેટ ભાષણનો સમય 1 કલાક 25 મિનિટનો હતો. નાણાકીય વર્ષ 2022-23નું બજેટ રજૂ કરવામાં તેમને 1 કલાક 31 મિનિટનો સમય લાગ્યો હતો. આ સિવાય વર્ષ 2019માં તેમણે 2 કલાક 17 મિનિટમાં પોતાનું બજેટ સ્પીચ પૂર્ણ કર્યું હતું. નિર્મલા સીતારમણે વર્ષ 2020માં 2 કલાક 42 મિનિટનું સૌથી લાંબુ બજેટ ભાષણ વાંચ્યું હતું, જેણે ભૂતપૂર્વ નાણામંત્રી જસવંત સિંહનો 2003નો રેકોર્ડ તોડ્યો હતો.

જસવંત સિંહે પણ એક રેકોર્ડ બનાવ્યો હતો

નિર્મલા સીતારમણ પહેલા જસવંત સિંહે સૌથી લાંબુ બજેટ ભાષણ આપવાનો રેકોર્ડ બનાવ્યો હતો. વર્ષ 2003માં તત્કાલિન નાણામંત્રી જસવંત સિંહે 2 કલાક 13 મિનિટનું ભાષણ વાંચ્યું હતું. જસવંત સિંહે સામાન્ય બજેટ રજૂ કરતી વખતે આ રેકોર્ડ બનાવ્યો હતો, જેને 2020માં નિર્મલા સીતારમણે તોડ્યો હતો.

Advertisement

કોણે સૌથી વધુ વખત બજેટ રજૂ કર્યું?

સૌથી વધુ વખત બજેટ રજૂ કરવાનો રેકોર્ડ મોરારજી દેસાઈના નામે છે. અત્યાર સુધીમાં, તેમણે નાણામંત્રી તરીકે ભારતનું બજેટ 10 વખત રજૂ કર્યું છે, જે સૌથી વધુ વખત છે. જેમાં આઠ સંપૂર્ણ સામાન્ય બજેટ અને બે વચગાળાના બજેટનો સમાવેશ થાય છે. મોરારજી દેસાઈ પછી સૌથી વધુ બજેટ પી. ચિદમ્બરમના નામે છે, જેઓ યુપીએ સરકારમાં નવ વખત નાણામંત્રી હતા. આ સિવાય પ્રણવ મુખર્જી અને યશવંત સિંહાએ 8-8 વખત બજેટ રજૂ કર્યું હતું. પૂર્વ વડાપ્રધાન મનમોહન સિંહ પણ છ વખત બજેટ રજૂ કરી ચૂક્યા છે.

આ પણ વાંચો---BUDGET 2024 : બજેટ ભાષણ દરમિયાન નિર્મલા સીતારમણે કરી આ મોટી વાતો…

ગુજરાત ફર્સ્ટ તમને સમાચારોથી હંમેશા અવગત રાખશે

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ

Tags :
Advertisement