Vipul Pandya
108
અમરનાથ યાત્રાને લઈને જમ્મુ-કાશ્મીરમાં શંકાસ્પદ સ્થળોએ દરેક ખૂણે-ખૂણે કડક સુરક્ષા વધારી દેવામાં આવી છે. બીજી તરફ આતંકવાદીઓ પણ પોતાના નાપાક મનસૂબાને અંજામ આપવાનો પ્રયાસ કરી રહ્યા છે. પોલીસે શ્રીનગરમાં એક પરફ્યુમ IED રિકવર કર્યો હતો અને એક મોટા આતંકવાદી ષડયંત્રને નિષ્ફળ બનાવ્યું છે.
પરફ્યુમ આઈઈડી બોમ્બ કબજે
જમ્મુ અને કાશ્મીર પોલીસે શ્રીનગરમાં લશ્કરના આતંકવાદી સહયોગી પાસેથી પરફ્યુમ આઈઈડી બોમ્બ કબજે કરીને એક મોટા આતંકવાદી ષડયંત્રને નિષ્ફળ બનાવ્યું છે. આ ઘટના બાદ અમરનાથ યાત્રાની સુરક્ષા વધારી દેવામાં આવી છે. લશ્કર-એ-તૈયબાના આતંકવાદી સહયોગી યાસિર અહેમદ ઇટુને શ્રીનગરના બટમાલુ બસ સ્ટેન્ડ પર ચાર પરફ્યુમ બોમ્બ સાથે પકડવામાં આવ્યો હતો. કાશ્મીરમાં શ્રીનગરમાંથી આ પ્રકારનો બોમ્બ પ્રથમ વખત મળ્યો છે.
યાત્રા માટે સુરક્ષા વ્યવસ્થા વધુ મજબૂત કરવામાં આવી
પોલીસ અધિકારીઓએ જણાવ્યું કે ગુલશનાબાદ, કૈમોહના રહેવાસી લશ્કરના આતંકવાદી સહયોગી યાસિર અહેમદ ઇતુને બટમાલૂ બસ સ્ટેન્ડમાંથી 4 પરફ્યુમ આઈઈડી સાથે ધરપકડ કરવામાં આવી હતી. આ પહેલીવાર છે જ્યારે કાશ્મીરમાંથી પરફ્યુમ બોમ્બ મળ્યા છે, તેથી આ ઘટનાને હળવાશથી લઈ શકાય નહીં. જો કે યાત્રાને કારણે ઘાટીમાં સુરક્ષા દળો એલર્ટ પર છે. હવે યાત્રા માટે સુરક્ષા વ્યવસ્થા વધુ મજબૂત કરવામાં આવી રહી છે.
પરફ્યુમ બોમ્બની આ બીજી રિકવરી
જમ્મુ-કાશ્મીરમાં પરફ્યુમ બોમ્બની આ બીજી રિકવરી છે. આ પહેલા 2 ફેબ્રુઆરીએ જમ્મુ અને કાશ્મીર પોલીસે જમ્મુની એક સ્કૂલમાંથી પરફ્યુમ બોમ્બ મળ્યો હતો. તે સમયે, પોલીસે જમ્મુના નરવાલ વિસ્તારમાં 21 જાન્યુઆરીએ થયેલા બે વિસ્ફોટોની તપાસ દરમિયાન જમ્મુ અને કાશ્મીરના રિયાસી જિલ્લાના રહેવાસી આરિફની ધરપકડ કરી હતી, જેમાં 9 લોકો ઘાયલ થયા હતા. પોલીસે દાવો કર્યો હતો કે મે 2022માં વૈષ્ણોદેવીના યાત્રિકોને લઈ જતી બસ પર થયેલા હુમલામાં પણ આરિફે ભૂમિકા સ્વીકારી હતી. આ હુમલામાં ચાર લોકોના મોત થયા હતા. સત્તાવાર સૂત્રોએ જણાવ્યું કે શ્રીનગર વિસ્તારમાં જપ્તીની ઉચ્ચ સ્તરીય ટીમ તપાસ કરી રહી છે.
