આઈસીસી વર્લ્ડ ટેસ્ટ ચેમ્પિયનશિપ (ICC WTC) એ ઈન્ટરનેશનલ ક્રિકેટ કાઉન્સિલ (ICC) દ્વારા ચલાવવામાં આવતી ટેસ્ટ ક્રિકેટ માટેની લીગ સ્પર્ધા છે, જે 1 ઓગસ્ટ 2019ના રોજ શરૂ થઈ હતી. આ ICC ના આંતરરાષ્ટ્રીય ક્રિકેટના ત્રણેય ફોર્મેટમાંની દરેક માટે ટોચની ટુર્નામેન્ટ રાખવાના લક્ષ્યને અનુરૂપ છે. જણાવી દઇએ કે, ICC વર્લ્ડ ટેસ્ટ ચેમ્પિયનશિપ ફાઇનલ 2023 (ICC WTC Final 2023) ઓવલ મેદાન લંડનમાં ભારત અને ઓસ્ટ્રેલિયા વચ્ચે રમાઈ રહી છે. આ બીજી વર્લ્ડ ટેસ્ટ ચેમ્પિયનશિપની ફાઈનલ છે. આમાં, વિશ્વની બે ટોચની ટેસ્ટ ટીમો ICC વર્લ્ડ ટેસ્ટ ચેમ્પિયન બનવા માટે સ્પર્ધા કરી રહી છે.
ભારતીય ટીમ તેના વર્લ્ડ ટેસ્ટ ચેમ્પિયનશિપ અભિયાનની શરૂઆત વેસ્ટ ઈન્ડિઝ સામે કરી હતી. ICC ની આ નવી ટૂર્નામેન્ટમાં બંને ટીમો પોતાની પ્રથમ મેચ એન્ટિગુઆના મેદાન પર રમી. જોકે તેની શરૂઆત ઈંગ્લેન્ડ અને ઓસ્ટ્રેલિયા વચ્ચે એશિઝની શરૂઆતથી થઈ હતી. 1 ઓગસ્ટના રોજ ઈંગ્લેન્ડ અને ઓસ્ટ્રેલિયા વચ્ચે ઐતિહાસિક એશિઝની શરૂઆત સાથે જ ટેસ્ટની વર્લ્ડ કપ સ્પર્ધાનું બ્યુગલ વાગી ગયું હતું. ચાલો જાણીએ શું છે વર્લ્ડ ટેસ્ટ ચેમ્પિયનશિપ અને કયા સમીકરણના આધારે ટીમો ફાઇનલમાં પહોંચશે.
વર્લ્ડ ટેસ્ટ ચેમ્પિયનશિપ (WTC) શું છે?
વર્લ્ડ ટેસ્ટ ચેમ્પિયનશિપ (WTC) એ આંતરરાષ્ટ્રીય ક્રિકેટ કાઉન્સિલ (ICC) દ્વારા આયોજિત ટેસ્ટ ક્રિકેટ લીગ છે. WTCને ટેસ્ટ ક્રિકેટમાં પ્રીમિયર ચેમ્પિયનશિપ ગણવામાં આવે છે. આ ટુર્નામેન્ટ દર બે વર્ષે રમાય છે. WTC ફાઇનલમાં વિજેતાને વર્લ્ડ ટેસ્ટ ચેમ્પિયનનો તાજ પહેરાવવામાં આવે છે. WTC માં, દરેક મેચ જીતી, હારી કે ડ્રો થઈ તેના આધારે અલગ-અલગ પોઈન્ટ ધરાવે છે. સૌથી વધુ પોઈન્ટ ધરાવતી બે ટીમો ફાઈનલ માટે ક્વોલિફાય થશે.
ICC WTC માં કઈ ટીમો રમે છે?
હાલમાં નવ ટીમો ICC WTCમાં રમે છે. આ ટીમો, તેમની નવીનતમ ICC WTC રેન્કિંગ પર આધારિત છે, (1) ઓસ્ટ્રેલિયા, (2) ભારત, (3) દક્ષિણ આફ્રિકા, (4) ઈંગ્લેન્ડ, (5) શ્રીલંકા, (6) ન્યુઝીલેન્ડ, (7) પાકિસ્તાન, (8) વેસ્ટ ઈન્ડિઝ, (9) બાંગ્લાદેશ.
WTC ક્યારે શરૂ થયું?
ICC WTC પ્રથમ 1 ઓગસ્ટ 2019 ના રોજ રમાઈ હતી અને તેની પ્રથમ સિઝનમાં 61 ટેસ્ટ મેચો રમાઈ હતી. તે વર્ષે પ્રથમ સિઝનમાં ન્યુઝીલેન્ડે ફાઇનલમાં ભારતને હરાવીને જીત મેળવી હતી. પ્રથમ ICC WTC ફાઇનલ 18 થી 23 જૂન 2021 દરમિયાન સાઉથેમ્પટન, ઇંગ્લેન્ડમાં રમાઈ હતી. બીજી ICC વર્લ્ડ ટેસ્ટ ચેમ્પિયનશિપ 4 ઑગસ્ટ 2021ના રોજ શરૂ થઈ હતી અને ઑસ્ટ્રેલિયા અને ભારત વચ્ચે 7 થી 11 જૂન 2023 દરમિયાન ધ ઓવલ, લંડન ખાતે ફાઈનલ સાથે ખતમ થવાની છે. નોંધનીય છે કે ભારત ICC WTCની પ્રથમ અને બીજી બંને સિઝનમાં ફાઇનલમાં પહોંચ્યું છે.
ઓવલમાં ભારતીય ટીમનો રેકોર્ડ ખરાબ છે
ભારતીય ટીમે ઓવલ ખાતે અત્યાર સુધી 14 ટેસ્ટ મેચ રમી છે, જેમાં ટીમ માત્ર 2 જીતી શકી છે અને 5 મેચ હારી છે, જ્યારે 7 મેચ ડ્રો રહી છે. ભારતીય ટીમે અહીં છેલ્લી ટેસ્ટ મેચ 2021માં ઈંગ્લેન્ડ સામે રમી હતી, જેમાં ટીમ ઈન્ડિયાએ વિરાટ કોહલીની કેપ્ટન્સીમાં 157 રનથી જીત મેળવી હતી. તે મેચમાં વર્તમાન ભારતીય કેપ્ટન રોહિત શર્માએ 127 રનની ઇનિંગ રમી હતી, જેના માટે તેને પ્લેયર ઓફ ધ મેચ જાહેર કરવામાં આવ્યો હતો.
આ પણ વાંચો – WTC ફાઈનલના પહેલા દિવસે કાંગારુઓએ 327 રન બનાવ્યા, હેડ અને સ્મિથની શાનદાર બેટિંગ
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ