ઈન્ડિયન પ્રીમિયર લીગ (IPL) 2023ની આજની મેચમાં રાજસ્થાન રોયલ્સે કોલકાતા નાઈટ રાઈડર્સને 9 વિકેટથી હરાવ્યું હતું. ઈડન ગાર્ડન્સ ખાતે 11 મે (ગુરુવાર)ના રોજ રમાયેલી મેચમાં કોલકાતા નાઈટ રાઈડર્સે રાજસ્થાન રોયલ્સને જીતવા માટે 150 રનનો ટાર્ગેટ આપ્યો હતો, જે રાજસ્થાને 14મી ઓવરમાં હાંસલ કરી લીધો હતો. રાજસ્થાનની જીતની હીરો યશસ્વી જયસ્વાલે અણનમ 98 રન બનાવ્યા. યશસ્વીએ પોતાની ઇનિંગમાં 47 બોલનો સામનો કર્યો અને 12 ચોગ્ગા ઉપરાંત પાંચ છગ્ગા ફટકાર્યા.
13 બોલમાં અડધી સદી
રાજસ્થાન રોયલ્સના યુવા ઓપનર યશસ્વી જયસ્વાલે કોલકાતા નાઈટ રાઈડર્સ સામે એક મોટો રેકોર્ડ બનાવ્યો હતો. તે IPLના ઈતિહાસમાં સૌથી ઝડપી અર્ધશતક ફટકારનાર ખેલાડી બન્યો હતો. યશસ્વીએ આ મામલે લખનૌ સુપર જાયન્ટ્સના કેપ્ટન કેએલ રાહુલનો રેકોર્ડ તોડ્યો હતો. યશસ્વીએ માત્ર 13 બોલમાં અડધી સદી ફટકારી હતી. જ્યારે રાહુલે આ માટે 14 બોલનો સામનો કર્યો હતો.
ત્રીજી ઓવરમાં અડધી સદી પૂર્ણ
કોલકાતાએ રાજસ્થાનને 150 રનનો ટાર્ગેટ આપ્યો હતો. યશસ્વીએ જોસ બટલર સાથે રાજસ્થાનની ઇનિંગ્સની શરૂઆત કરી હતી. તેણે કોલકાતા નાઈટ રાઈડર્સના કેપ્ટન નીતિશ રાણાની પહેલી જ ઓવરમાં 26 રન બનાવ્યા. આ દરમિયાન યશસ્વીએ ત્રણ ચોગ્ગા અને બે છગ્ગા ફટકાર્યા હતા. તેણે ત્રીજી ઓવરમાં પોતાની અડધી સદી પૂરી કરી હતી. યશસ્વીએ આ સિઝનમાં અડધી સદી પણ ફટકારી છે.
IPL માં સૌથી વધુ વિકેટ લેનાર ખેલીડી બન્યો ચહલ
ટોસ હાર્યા બાદ પ્રથમ બેટિંગ કરવા ઉતરેલી કોલકાતા નાઈટ રાઈડર્સની શરૂઆત સારી રહી ન હતી અને પાવરપ્લેમાં જ ઓપનરોની વિકેટો ગુમાવી દીધી હતી. સૌ પ્રથમ, જેસન રોયને ટ્રેન્ટ બોલ્ટ દ્વારા હેટમાયર દ્વારા આઉટ કરવામાં આવ્યો હતો ત્યારબાદ ટ્રેન્ચ બોલ્ટે ગુરબાઝને સંદીપ શર્માના હાથે કેચ કરાવીને તેને વધુ એક ઝટકો આપ્યો હતો. બે વિકેટ પડ્યા બાદ કેપ્ટન નીતિશ રાણા અને વેંકટેશ અય્યર વચ્ચે 48 રનની ભાગીદારી થઈ હતી. રાણા 22 રન બનાવીને યુઝવેન્દ્ર ચહલે હેટમાયરના હાથે કેચ આઉટ કરાવ્યો હતો. નીતીશ રાણાની વિકેટ સાથે ચહલ IPL ઈતિહાસમાં સૌથી વધુ વિકેટ લેનાર બોલર બની ગયો.
આ પણ વાંચો : IPL માં વ્યસ્ત ટીમ ઈન્ડિયાને લાગ્યો ઝટકો, વર્લ્ડ કપ પહેલા થયું આ નુકસાન