Duster 2026 ની જોરદાર વાપસી, ક્રેટાને ભૂલાવી દેશે આ SUV ના ફીચર્સ!
- Cretaને ટક્કર આપવા Renault Dusterની ભારતમાં ધમાકેદાર વાપસી (Renault Duster 2026 Launch)
- Renault Duster SUV 26 જાન્યુઆરીએ ભારતમાં લૉન્ચ થશે
- નવું મૉડલ 3-સ્ક્રીન સેટઅપ અને પૅનોરૅમિક સનરૂફ સાથે આવશે
- Duster માં હાઇબ્રિડ એન્જિન અને AWD (ઓલ-વ્હીલ ડ્રાઇવ) નો વિકલ્પ મળશે
- આ એસયુવી દમદાર ફ્યુચરિસ્ટિક (Futurestic) લુક ધરાવે છે
Renault Duster 2026 Launch : Renault Duster ની ભારતમાં ફરી એન્ટ્રી થઈ રહી છે. આ એસયુવી છે, જે 2012 માં લૉન્ચ થઈને ખૂબ જ લોકપ્રિય બની હતી, પરંતુ બાદમાં તેને બંધ કરી દેવામાં આવી હતી. હવે આ કાર બ્રાન્ડના 'International Game Plan 2025' હેઠળ ભારતમાં તેમનો સૌથી મહત્ત્વપૂર્ણ લૉન્ચ હશે. આ ગેમ-ચેન્જર એસયુવી વિશે વિગતવાર માહિતી અહીં આપેલી છે:
દમદાર અને ભવિષ્યવાદી લુક
ભારતીય લૉન્ચિંગ પહેલાં, નવી Renault Duster ને વૈશ્વિક સ્તરે પ્રદર્શિત કરવામાં આવી છે અને તેને ભારતની સડકો પર ટેસ્ટ કરતાં પણ જોવામાં આવી છે. તેની નવી ડિઝાઇન વૈશ્વિક મૉડલની સમાન છે, જે તેને બોલ્ડ લુક આપે છે.
આગળનો ભાગ (Front): Duster સામેથી ઘણો ઊંચો અને સીધો (વર્ટિકલ) દેખાય છે, જે તેને દમદાર 'બુલ-બાર' જેવો લુક આપે છે. હેડલેમ્પ્સમાં 'Y' પેટર્નની LED લાઇટિંગ છે, જે તેને આધુનિક લુક આપે છે. બોનેટને પણ મસ્ક્યુલર દેખાવ મળે છે.
પાછળનો ભાગ (Rear): પાછળની લાઇટ્સ 'V' આકારની હશે. વ્હીલ-આર્ચ પર પહોળી પ્લાસ્ટિક ક્લેડિંગ લગાવાઈ છે, જે તેને રફ એન્ડ ટફ અને ઍડવેન્ચર માટે તૈયાર લુક આપે છે.
અન્ય: તેમાં શાર્ક-ફિન ઍન્ટેના, મજબૂત રૂફ રેલ્સ અને સાઇડ મિરર પર ટર્ન-સિગ્નલ ઇન્ડિકેટર જેવા ફીચર્સ છે. સાઇડ પ્રોફાઇલમાં એન્ગ્યુલર વ્હીલ આર્ચ અને ફ્લોટિંગ રૂફનો પ્રભાવ આપવા માટે B-પિલર્સને ડાર્ક કરાયા છે.
rising from the dust. ready to make a splash once again. the icon returns, bold as ever. #RenaultDuster #comingsoon pic.twitter.com/UccVSq6VdK
— Renault India (@RenaultIndia) October 28, 2025
ટેક્નોલોજી અને ફીચર્સ: ક્રેટાથી પણ આગળ!
Renault Duster 2026માં સેફ્ટી અને ટેક્નોલોજી ફીચર્સનું એક પ્રીમિયમ પૅકેજ મળવાની અપેક્ષા છે, જે તેને આ સેગમેન્ટમાં સૌથી આગળ ઊભી કરી શકે છે.
ત્રણ-સ્ક્રીન સેટઅપ (Three-Screen Setup): આ સૌથી મોટું આકર્ષણ બની શકે છે. જેમાં10.1-ઇંચ ટચસ્ક્રીન (ઇન્ફોટેનમેન્ટ), 7-ઇંચ કો-પેસેન્જર ડિસ્પ્લે (મુસાફરો માટે), અને ફુલ ડિજિટલ ઇન્સ્ટ્રુમેન્ટ ક્લસ્ટર (ડ્રાઇવર માટે) સામેલ હશે.
લક્ઝરી ફીચર્સ: તેમાં ડ્યુઅલ-ઝોન ક્લાઇમેટ કંટ્રોલ (ડ્રાઇવર અને મુસાફર માટે અલગ તાપમાન), વાયરલેસ ચાર્જિંગ અને એક મોટું પૅનોરૅમિક સનરૂફ મળવાની સંભાવના છે.
હાઇબ્રિડ અને AWD નો વિકલ્પ
વૈશ્વિક બજારમાં Duster ઘણા દમદાર એન્જિન વિકલ્પો સાથે ઉપલબ્ધ છે, જેમાંથી કેટલાક ભારતમાં પણ આવી શકે છે:
1.2-લિટર ટર્બો-પેટ્રોલ (Mild Hybrid): આ માઇલ્ડ હાઇબ્રિડ એન્જિન128.2 HP પાવર આપશે અને 6-સ્પીડ ટ્રાન્સમિશન સાથે AWD (ઓલ-વ્હીલ ડ્રાઇવ) માં ઉપલબ્ધ થઈ શકે છે.
1.6-લિટર પેટ્રોલ (Strong Hybrid): આ સ્ટ્રૉન્ગ હાઇબ્રિડમાં બે ઇલેક્ટ્રિક મોટર સામેલ છે અને તે 138 HP પાવર સાથે ઑટોમેટિક ટ્રાન્સમિશનમાં આવશે.
1.0-લિટર પેટ્રોલ-LPG (Dual Fuel): આ ડ્યુઅલ ફ્યુઅલ એન્જિન 98.6 HP પાવર સાથે ૬-સ્પીડ ટ્રાન્સમિશનમાં ઉપલબ્ધ હશે.
ઓલ-વ્હીલ ડ્રાઇવ (AWD) ક્ષમતા Duster ને એવા ગ્રાહકો માટે શાનદાર વિકલ્પ બનાવે છે જેઓ ઑફ-રોડ ડ્રાઇવિંગ અથવા મુશ્કેલ રસ્તાઓ પર જવાનું પસંદ કરે છે.
આ પણ વાંચો : Tata Sierra features : ₹11.49 લાખમાં મળનારી ટાટા સિયેરાની વિશેષતા શું છે? જાણો તમામ માહિતી