Salman Khan ની એક્સ ગર્લફ્રેન્ડ પર હુમલો

• બોલિવૂડ સુપરસ્ટાર સલમાન ખાનની પૂર્વ ગર્લફ્રેન્ડનો ખુલાસો
• સોમી અલી પર માનવ તસ્કરી કરતા શખ્સોએ કર્યો હુમલો
• પીડિતને બચાવતી વખતે હાથમાં ઈજા

Salman Khan's Ex-Girlfriend : બોલિવૂડ સુપરસ્ટાર સલમાન ખાનની પૂર્વ ગર્લફ્રેન્ડ (Salman Khan's Ex-Girlfriend ) અને ભૂતપૂર્વ અભિનેત્રી તેના સ્પષ્ટ નિવેદનો અને પ્રોફેશનલ લાઈફને કારણે ચર્ચામાં રહે છે. હવે તાજેતરમાં સોમી અલીએ ખુલાસો કર્યો છે કે માનવ તસ્કરીનો શિકાર બનેલી મહિલાને બચાવતી વખતે તેના હાથમાં ફ્રેક્ચર થયું હતું અને ઘણી ઈજાઓ થઈ હતી.

પીડિતને બચાવતી વખતે હાથને ઈજા

અભિનેત્રી અને સામાજિક કાર્યકર્તા સોમી અલીએ તાજેતરમાં એક મોટો ઘટસ્ફોટ કર્યો હતો કે માનવ તસ્કરીનો ભોગ બનેલી વ્યક્તિને બચાવવાના પ્રયાસમાં હુમલો થતાં તેણીને ઈજા થઈ હતી. તેણે જણાવ્યું કે તસ્કરોએ તેનો હાથ મરોડ્યો, જેના કારણે તેને ફ્રેક્ચર થયું. હું ખૂબ પીડામાં છું તેમ તેણે કહ્યું હતું.

આ પણ વાંચો----Akshara Singh ને મળી જાનથી મારી નાખવાની ધમકી...

આ વખતે મારો અનુભવ તદ્દન અલગ

તેણે વધુમાં કહ્યું કે તેને સાજા થવામાં છથી આઠ અઠવાડિયા લાગશે. ઘટના વિશે જણાવતાં સોમીએ કહ્યું, "હું પોલીસ સાથે મળીને પીડિતોને બચાવવાનો પ્રયાસ કરું છું. જ્યાં સુધી તેઓ પીડિતાને ઘરની બહાર ન લઈ જાય ત્યાં સુધી મને મારી કારમાંથી બહાર નીકળવાની પણ મંજૂરી આપવામાં આવતી નથી પણ આ વખતે મારો અનુભવ તદ્દન અલગ હતો. કારણ કે અમે બધા તસ્કરોની રાહ જોઈ રહ્યા હતા પીડિતાને આ વિશે કોઈ જાણ નહોતી."

હું પીડાથી ચીસો પાડવા લાગી

સોમીએ વધુમાં કહ્યું કે, "હું પીડિતને બચાવવા માટે મારી કારમાં બેઠી હતી, ત્યારે અચાનક તસ્કરો આવ્યા, તેમાંથી એકે મારો ડાબો હાથ પકડીને એવી રીતે વાળ્યો કે હું પીડાથી ચીસો પાડવા લાગી. ભગવાનનો આભાર." તેનાથી મને માત્ર ફ્રેક્ચર થયું હતું, પરંતુ હું ખૂબ પીડામાં છું અને પથારીવશ છું."

આરોગ્ય અપડેટ શેર કર્યું

તેણીના સ્વાસ્થ્ય વિશે અપડેટ આપતાં સોમીએ કહ્યું, "ડોક્ટરોએ કહ્યું છે કે મને સંપૂર્ણ સ્વસ્થ થવામાં છથી આઠ અઠવાડિયાનો સમય લાગશે. ઈજાના કારણે મારા ડાબા કાંડામાં ખૂબ જ સોજો આવી ગયો છે. હું મારા હાથને ખસેડી પણ શકતી નથી. અઠવાડિયા સુધી આ રીતે પ્લાસ્ટર સાથે જીવવું પડશે."

આ પણ વાંચો---Bigg Boss ના ઘરમાં એકલી પડી Shrutika? પતિ અર્જુને ઈમોશનલ પોસ્ટ શેર કરી..