Lucknow : પોલીસ કસ્ટડીમાં મોત, CCTV ફૂટેજ વાયરલ, અખિલેશે ભાજપ પર કર્યા પ્રહાર... Video
- ઉત્તર પ્રદેશ પોલીસની બેદરકારી
- કસ્ટડીમાં એક વ્યક્તિનું મોત
- CCTV ફૂટેજ સામે આવ્યા
ઉત્તર પ્રદેશની રાજધાની લખનૌના ચિનહટ પોલીસ સ્ટેશનમાં કસ્ટડીમાં એક વ્યક્તિનું મોત થયું, જેના CCTV ફૂટેજ સામે આવ્યા છે. રવિવારે આ કેસમાં સંબંધિત પોલીસ ઈન્સ્પેક્ટર સહિત અનેક લોકો વિરુદ્ધ કેસ નોંધવામાં આવ્યો હતો. સમાજવાદી પાર્ટી એટલે કે સપા પ્રમુખ અખિલેશ યાદવે આ ઘટના પર પ્રતિક્રિયા આપતા રાજ્યની ભાજપ સરકાર પર નિશાન સાધતા કહ્યું કે 'પોલીસ કસ્ટડી'નું નામ બદલીને 'ટોર્ચર હાઉસ' કરવું જોઈએ.
અખિલેશ યાદવે 'X' પર એક પોસ્ટમાં જણાવ્યું હતું કે, ઉત્તર પ્રદેશની રાજધાનીમાં છેલ્લા 16 દિવસમાં પોલીસ કસ્ટડીમાં કસ્ટોડિયલ ડેથ (હત્યા વાંચો)ના આ બીજા સમાચાર છે. નામ બદલવામાં માહેર સરકારે હવે 'પોલીસ કસ્ટડી'નું નામ બદલીને 'ટોર્ચર હાઉસ' કરવું જોઈએ. પીડિત પરિવારની દરેક માંગ પૂરી થવી જોઈએ, અમે તેમની સાથે છીએ.
उप्र की राजधानी में पिछले 16 दिनों में पुलिस ‘हिरासत में मौत (हत्या पढ़ा जाए)’ का दूसरा समाचार मिला है।
नाम बदलने में माहिर सरकार को अब ‘पुलिस हिरासत’ का नाम बदलकर ‘अत्याचार गृह’ रख देना चाहिए।
पीड़ित परिवार की हर माँग पूरी की जाए, हम उनके साथ हैं।
— Akhilesh Yadav (@yadavakhilesh) October 27, 2024
જેલમાં સુતો હોય તેવું લાગે છે?
ઘટનાના CCTV ફૂટેજ સામે આવ્યા છે, જેમાં મોહિત લોકઅપમાં પડેલો જોવા મળે છે. જો કે, પરિવારજનોએ આરોપ લગાવ્યો છે કે પોલીસે મોહિતને કસ્ટડીમાં એટલો માર્યો કે તે મૃત્યુ પામ્યો અને તેણે પોતાને બચાવવા માટે જાણીજોઈને વીડિયોનો એક નાનો ભાગ લીક કર્યો. મોહિતના ભાઈ શોભારામે કહ્યું કે તેને પણ પોલીસે અટકાયતમાં લીધો હતો, પરંતુ બાદમાં તેને છોડી દેવામાં આવ્યો હતો. તેણે આરોપ લગાવ્યો કે પોલીસકર્મીઓએ તેની સામે તેના ભાઈને નિર્દયતાથી માર્યો અને તે કંઈ કરી શક્યો નહીં. મોહિતના મોત બાદ પોલીસકર્મીઓ તેને હોસ્પિટલ લઈ ગયા.
આ પણ વાંચો : Central Railway : હવે પ્લેટફોર્મ ટિકિટથી મળ્યો છૂટકારો, રેલ્વેએ લીધો મોટો નિર્ણય
કસ્ટડીમાં તબિયત ખરાબ થઇ...
પોલીસ સૂત્રોએ જણાવ્યું કે, ઝૈનાબાદ ચિનહટના રહેવાસી 30 વર્ષીય મોહિત કુમારને શનિવારે એક કેસમાં પોલીસે કસ્ટડીમાં લીધો હતો. તે જ દિવસે, કસ્ટડીમાં મોહિતની તબિયત બગડી, ત્યારબાદ મોહિતને સામુદાયિક આરોગ્ય કેન્દ્ર (CHC) અને બાદમાં ઉચ્ચ આરોગ્ય કેન્દ્રમાં લઈ જવામાં આવ્યો, જ્યાં તેનું મૃત્યુ થયું. આ ઘટના બાદ પીડિતાના પરિવારજનોએ પોલીસ પર મોહિતની હત્યાનો આરોપ લગાવીને વિરોધ પ્રદર્શન કર્યું હતું.
#लखनऊ के #चिनहट थाने में मोहित पांडेय की लॉकअप में मौत के मामले में CCTV फुटेज सामने आई है। वीडियो में देखा जा सकता है कि मोहित जमीन पर लेटा है, कुछ लोग उसकी पीठ दबा रहे हैं और कुछ लोग लॉकअप के गेट से मदद की गुहार लगा रहे हैं। @lkopolice pic.twitter.com/q6PRfGZbFl
— आदर्श मीडिया एसोसिएशन (रजि०) (OFFICE) (@AdarshShuklaJi) October 27, 2024
આ પણ વાંચો : Punjab માં પોલીસને મળી મોટી સફળતા, પાકિસ્તાનથી લાવવામાં આવતો ડ્રગ્સનો જથ્થો ઝડપાયો...
ચિનહટ પોલીસ સ્ટેશનના ઇન્સ્પેક્ટર વિરુદ્ધ FIR...
વિભૂતિ બ્લોકના આસિસ્ટન્ટ પોલીસ કમિશનર રાધારમણ સિંહે જણાવ્યું કે આ મામલામાં મૃતક મોહિતની માતાની ફરિયાદ પર ચિનહટ પોલીસ સ્ટેશનના ઈન્સ્પેક્ટર અશ્વિની ચતુર્વેદી અને કેટલાક અજાણ્યા લોકો વિરુદ્ધ FIR નોંધવામાં આવી છે. આ મામલે ઝીણવટભરી તપાસ કરવામાં આવી રહી છે. તેમણે કહ્યું કે, મોહિતના મૃત્યુનું કારણ જાણવા માટે ડોક્ટરોની પેનલ દ્વારા પોસ્ટમોર્ટમ કરવામાં આવશે અને તેની વીડિયોગ્રાફી પણ કરવામાં આવશે.
આ પણ વાંચો : Airlines બાદ હવે Hotel નો વારો, બોમ્બથી ઉડાવી દેવાની ધમકી મળી, પોલીસ તપાસમાં લાગી