DURAND CUP ફૂટબોલ ટુર્નામેન્ટમાં 24 ટીમો ભાગ લેશે, પ્રાઇઝ મની ડબલ કરાઇ

• ચાહકોની આતુરતાનો અંત આવ્યો
• ફૂટબોલની ડોમેસ્ટીક પ્રિમિયર લીગ DURAND CUP ની જાહેરાત
• વિજેતા ટીમ સિવાય શ્રેષ્ઠ પ્રદર્શન કરનારને પણ ગિફટ અપાશે

DURAND CUP : દેશમાં (INDIA) જ નહીં પણ એશિયામાં (ASIA) પણ સૌથી જૂની ફૂટબોલ ટુર્નામેન્ટ ડ્યુરાન્ડ કપ આ વર્ષે 23 જુલાઈથી શરૂ થવાની જેની જાહેરાત કરવામાં આવી છે. આ વર્ષની ઈન્ડિયન સુપર લીગ સીઝન રદ થયા બાદ ફૂટબોલ ચાહકો ચોક્કસપણે નિરાશ થયા હતા, પરંતુ ડ્યુરાન્ડ કંપની (DURAND CUP - 2025) જાહેરાત ચોક્કસપણે તેમને ખુશી આપશે. આ વખતે ટુર્નામેન્ટની પહેલી મેચ કોલકાતાના સોલ્ટ લેક સ્ટેડિયમમાં રમાશે. ડ્યુરાન્ડ કપની છેલ્લી સીઝનમાં કુલ 12 ISL ટીમોએ ભાગ લીધો હતો, પરંતુ આ વખતે ફક્ત 6 ટીમો જ રમતી જોવા મળશે. બંગાળની ચાર ટીમો પણ ડ્યુરાન્ડ કપમાં ભાગ લેશે.

આ વખતે ટુર્નામેન્ટમાં 24 ટીમો રમશે

ડ્યુરન્ડ કપ 2025માં કુલ 24 ટીમો ભાગ લેશે, જે બધી છ અલગ અલગ ગ્રુપમાં વહેંચાયેલી છે. ગ્રુપ સ્ટેજ મેચો પૂર્ણ થયા પછી, દરેક ગ્રુપમાંથી ત્રણ ટીમોને નોકઆઉટ રાઉન્ડમાં મેચ રમવાની તક મળશે. પ્રથમ વખત, ડ્યુરન્ડ કપમાં સાઉથ યુનાઇટેડ એફસી, ડાયમંડ હાર્બર એફસી, નામધારી, આઇટીબીપી, વન લદ્દાખ અને એફસી મલેશિયા આર્મીની ટીમો ટુર્નામેન્ટમાં રમશે. આ ટુર્નામેન્ટમાં બે વિદેશી ટીમો, ત્રિભુવન આર્મી એફસી (નેપાળ) અને આર્મ્ડ ફોર્સિસ (મલેશિયા)નો સમાવેશ થાય છે. જો આપણે અન્ય મોટી ટીમોની વાત કરીએ, તો તેમાં મોહન બાગન, ઈસ્ટ બંગાળ, નોર્થઈસ્ટ યુનાઈટેડ, પંજાબ એફસી, જમશેદપુર એફસી અને મોહમ્મદન સ્પોર્ટિંગનો સમાવેશ થાય છે.

ઈનામની રકમમાં જંગી વધારો

આ વખતે ટુર્નામેન્ટની ઇનામી રકમમાં પણ નોંધપાત્ર વધારો કરવામાં આવ્યો છે. ગયા વર્ષ સુધી, વિજેતા ટીમને 1.2 કરોડ રૂપિયાની ઇનામી રકમ મળતી હતી, જેને હવે વધારીને 3 કરોડ રૂપિયા કરવાનો નિર્ણય લેવામાં આવ્યો છે. આ ઉપરાંત, શ્રેષ્ઠ ગોલકીપર, ગોલ્ડન બૂટ અને ગોલ્ડન બોલ જીતનારા ખેલાડીઓને SUV આપવામાં આવશે. ડ્યુરન્ડ કપ 2025 મેચોનું ટીવી પર સોની સ્પોર્ટ્સ નેટવર્ક પર લાઇવ પ્રસારણ કરવામાં આવશે, જ્યારે મેચોનું ઓનલાઈન સ્ટ્રીમિંગ સોની લિવ એપ પર થશે.

આ પણ વાંચો ---- Happy Birthday Smriti Mandhana : ભારતીય મહિલા ક્રિકેટની રનમશીન 29 વર્ષની થઇ