Monsoon Session: ચોમાસુ સત્ર પહેલા આજે સર્વપક્ષીય બેઠક, PM મોદી પણ આપશે હાજરી

કેન્દ્ર સરકારે 20 જુલાઈથી શરૂ થઈ રહેલા સંસદના ચોમાસુ સત્ર સંબંધિત વિવિધ મુદ્દાઓ પર ચર્ચા કરવા માટે આજે સર્વપક્ષીય બેઠક બોલાવી છે. આ એક ઔપચારિક બેઠક હશે જે સંસદનું સત્ર શરૂ થવાના એક દિવસ પહેલા થશે. આ બેઠકમાં સરકારના વરિષ્ઠ મંત્રીઓ સાથે વડાપ્રધાન મોદી પણ ભાગ લેશે.

આ બેઠક પહેલા મંગળવારે મળવાની હતી

ઉલ્લેખનીય છે કે આ પહેલા મંગળવારે રાજ્યસભાના અધ્યક્ષ જગદીપ ધનખરે આ સર્વપક્ષીય બેઠક બોલાવી હતી, પરંતુ મોટાભાગના પક્ષોના નેતાઓની ગેરહાજરીને કારણે આ બેઠક સ્થગિત કરવામાં આવી હતી. આ વર્ષે અનેક રાજ્યોમાં યોજાનારી વિધાનસભાની ચૂંટણી અને આવતા વર્ષે યોજાનારી લોકસભાની ચૂંટણીને ધ્યાનમાં રાખીને સત્તાધારી પક્ષ અને વિપક્ષ પોતપોતાની રણનીતિ ઘડવામાં વ્યસ્ત છે. મંગળવારે જ્યારે વિપક્ષની બેંગલુરુમાં બેઠક થઈ રહી હતી, તો NDAની બેઠક દિલ્હીમાં થઈ રહી હતી.

ચોમાસુ સત્ર તોફાની રહેશે

ચોમાસુ સત્ર તોફાની રહેવાની ધારણા છે. આગામી વર્ષે યોજાનારી લોકસભાની ચૂંટણીને ધ્યાનમાં રાખીને વિપક્ષ સરકાર સામે આક્રમક વલણ અપનાવશે. આ સાથે વિપક્ષ મોંઘવારી, મણિપુર સંકટ જેવા મુદ્દાઓ પર પણ સરકાર પર નિશાન સાધી શકે છે. ઉલ્લેખનીય છે કે સંસદનું શિયાળુ સત્ર પણ હંગામાથી ધમધમતું રહ્યું હતું.

અહેવાલ : રવિ પટેલ, અમદાવાદ

આ પણ વાંચો : NDA MEETING: NDAની બેઠકમાં 38 પક્ષો ભાગ લેવાના હતા, 39 પક્ષો થયા ભેગા; અનુપ્રિયા એકમાત્ર મહિલા નેતા

ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.