Operation Sindoor નો ચહેરો બની ગુજરાતની દીકરી, જાણો કોણ છે કર્નલ સોફિયા કુરેશી
- લેફ્ટનન્ટ કર્નલ સોફિયા કુરેશી ઓપરેશન સિંદૂરમાં સામેલ હતા
- સોફિયા કુરેશી 1999 માં ભારતીય સેનામાં જોડાઈ હતી
- સોફિયાએ 2016 માં બહુરાષ્ટ્રીય લશ્કરી કવાયતમાં ભારતીય ટુકડીનું નેતૃત્વ કર્યું હતું
India Army Officer, Who is Lt Col Sophia Qureshi, operation sindoor : ભારતે પાકિસ્તાનમાં 9 આતંકવાદી ઠેકાણાઓ પર હુમલો કર્યો છે. ભારતે પાકિસ્તાન પર હવાઈ હુમલો કર્યો, જેમાં ઘણા આતંકવાદીઓ માર્યા ગયાના અહેવાલો છે. ભારતની આ કાર્યવાહીને ઓપરેશન સિંદૂર નામ આપવામાં આવ્યું છે. ઓપરેશન સિંદૂર અંગે ભારતીય સેના દ્વારા આપવામાં આવેલી પ્રેસ બ્રીફિંગમાં બે મહિલા અધિકારીઓનો પણ સમાવેશ થતો હતો. આમાં એકનું નામ સોફિયા કુરેશી છે, અને બીજાનું નામ વ્યોમિકા સિંહ છે. સોફિયા કુરેશી ભારતીય સેનામાં લેફ્ટનન્ટ કર્નલ છે, જ્યારે વ્યોમિકા સિંહ ભારતીય વાયુસેનામાં વિંગ કમાન્ડર છે. ચાલો તમને સોફિયા કુરેશી વિશે જણાવીએ.
ઓપરેશન સિંદૂર પર સેના અને એરફોર્સે આપી જાણકારી
6 મે અને 7 મેની રાત્રે 1.05 વાગ્યાથી 1.30 વચ્ચે સ્ટ્રાઈક કર્નલ સોફિયા કુરેશી
આતંકીઓના ટ્રેનિંગ કેમ્પ અને લોન્ચ પેડ પર હુમલો કરાયો
આતંકીઓના 9 ઠેકાણાઓ પર હુમલો કરવામાં આવ્યો
નિર્દોષ નાગરિકોને નુકસાન ન પહોંચે તેનુ ધ્યાન રખાયું… pic.twitter.com/LgaGC0rkR1— Gujarat First (@GujaratFirst) May 7, 2025
India Army Officer: સોફિયા કુરેશી મૂળ ગુજરાતની છે
India Army Officer: સોફિયા કુરેશી મૂળ ગુજરાતની છે. તેમનો જન્મ 1981 માં ગુજરાતના વડોદરામાં થયો હતો. તેમણે બાયોકેમિસ્ટ્રીમાં પોસ્ટ ગ્રેજ્યુએશન કર્યું છે. ઘણા અહેવાલોમાં કહેવામાં આવ્યું છે કે સોફિયાના દાદા પણ સેનામાં હતા અને તેના પિતાએ પણ થોડા વર્ષો સુધી સેનામાં ધાર્મિક શિક્ષક તરીકે સેવા આપી હતી. બીજા એક અહેવાલમાં જણાવાયું છે કે સોફિયાના લગ્ન મિકેનાઇઝ્ડ ઇન્ફન્ટ્રીના આર્મી ઓફિસર મેજર તાજુદ્દીન કુરેશી સાથે થયા છે અને તેમને એક પુત્ર સમીર કુરેશી છે.
સોફિયા 1999માં ભારતીય સેનામાં જોડાયા
સોફિયા 1999માં ભારતીય સેનામાં જોડાયા હતા. તેમણે 1999માં ચેન્નાઈમાં ઓફિસર્સ ટ્રેનિંગ એકેડેમીમાંથી તાલીમ મેળવી હતી. ત્યારબાદ સોફિયાને સેનામાં લેફ્ટનન્ટ તરીકે કમિશન મળ્યું. 2006 માં, સોફિયાએ કોંગોમાં સંયુક્ત રાષ્ટ્ર શાંતિ મિશનમાં લશ્કરી નિરીક્ષક તરીકે સેવા આપી હતી. તે 2010 થી શાંતિ રક્ષા કામગીરી સાથે સંકળાયેલી છે. પંજાબ સરહદ પર ઓપરેશન પરાક્રમ દરમિયાન તેમની સેવા બદલ તેમને જનરલ ઓફિસર કમાન્ડિંગ-ઇન-ચીફ (GOC-in-C) તરફથી પ્રશંસા પત્ર પણ મળ્યો છે. ઉત્તર-પૂર્વ ભારતમાં પૂર રાહત કામગીરી દરમિયાન તેમના ઉત્કૃષ્ટ કાર્ય બદલ તેમને સિગ્નલ ઓફિસર ઇન ચીફ (SO-in-C) તરફથી પ્રશંસા પત્ર પણ મળ્યો. તેમને ફોર્સ કમાન્ડર તરફથી પ્રશંસા પણ મળી છે.