PoJKના પૂર્વ PM એ કરી મોટી કબૂલાત,'ભારતમાં લાલ કિલ્લાથી કાશ્મીરના જંગલો સુધી આતંકી હુમલા કર્યા'
- pokના પૂર્વ PM Chaudhry Anwarul Haq કરી કબૂલાત
- ભારતમાં પાકિસ્તાન પ્રેરિત આતંકવાદ
- લાલ કિલ્લાથી લઇને કાશ્મીર સુધી કર્યા હુમલા
ભારત લાંબા સમયથી સરહદ પારના આતંકવાદી હુમલાઓ માટે પાકિસ્તાન પર આરોપ લગાવતું આવ્યું છે, પરંતુ પાકિસ્તાનના અધિકારીઓ હંમેશા આ વાતનો ઇનકાર કરતા હતા. હવે, એક ચોંકાવનારી ઘટનામાં, પાકિસ્તાન કબજા હેઠળના જમ્મુ અને કાશ્મીર (PoJK)ના ભૂતપૂર્વ વડા પ્રધાન ચૌધરી અનવરુલ હકે ખુલ્લેઆમ સ્વીકાર્યું છે કે પાકિસ્તાન સ્થિત આતંકવાદી સંગઠનોએ ભારતમાં "લાલ કિલ્લાથી કાશ્મીરના જંગલો સુધી" હુમલા કર્યા છે. આ કબૂલાત તેમણે સોમવારે PoJK વિધાનસભામાં અવિશ્વાસ પ્રસ્તાવ હારી ગયા બાદ રાજીનામું આપતી વખતે કરી હતી.
ભૂતપૂર્વ PM Chaudhry Anwarul Haq ભારતમાં હુમલાની વાતનો કર્યો સ્વીકાર
નોંધનીય છે કે હકની કબૂલાતમાં લાલ કિલ્લાના હુમલાનો ઉલ્લેખ 10 નવેમ્બરના રોજ દિલ્હીમાં થયેલા કાર બોમ્બ વિસ્ફોટ તરફ સ્પષ્ટ ઇશારો કરે છે, જેમાં 15 લોકો માર્યા ગયા હતા. આ હુમલાનો માસ્ટરમાઇન્ડ, ડૉ. ઉમર ઉન નબી, જૈશ-એ-મોહમ્મદ (JeM) સાથે જોડાયેલો હતો. આ ઉપરાંત, તેમની 'જંગલ ઓફ કાશ્મીર' ટિપ્પણીનો અર્થ 22 એપ્રિલે જમ્મુ અને કાશ્મીરના પહેલગામની બૈસરન ખીણમાં થયેલા આતંકવાદી હુમલાનો છે, જ્યાં 26 પ્રવાસીઓને ગોળી મારી દેવામાં આવી હતી. આ નિવેદનોથી ભારતના એ દાવાને સમર્થન મળે છે કે આ હુમલાઓમાં પાકિસ્તાની આતંકવાદીઓ સામેલ હતા.
ભારતમાં અનેક સ્થળો પર કર્યા હુમલા
સોશિયલ મીડિયા પર વાયરલ થઈ રહેલી તેમના ભાષણની ક્લિપમાં અનવરુલ હક સ્પષ્ટપણે કહેતા સંભળાય છે: "જો તમે (ભારત) બલુચિસ્તાનને લોહીથી તરબોળ કરવાનું ચાલુ રાખશો, તો અમે લાલ કિલ્લાથી કાશ્મીરના જંગલો સુધી ભારત પર હુમલો કરીશું, અને ભગવાનની કૃપાથી, અમારા શાહીન એ કરી ચૂક્યા છે. તેઓ હજુ પણ મૃતદેહો ગણી શકતા નથી." આ કબૂલાત ભારતીય સુરક્ષા દળો માટે એક મહત્વપૂર્ણ પુરાવો છે. પહેલગામ હુમલા બાદ ભારતે ઓપરેશન સિંદૂર હેઠળ પાકિસ્તાન અને PoJKમાં આતંકવાદી ઠેકાણાઓ સામે લશ્કરી કાર્યવાહી શરૂ કરી હતી.
આ પણ વાંચો: બાંગ્લાદેશના પૂર્વ PM સજીબ વાઝેદ જોયનું મોટું નિવેદન 'PM મોદીએ મારી માતા શેખ હસીનાનો જીવ બચાવ્યો'