PM મોદી આજે વિશ્વના સૌથી ઊંચા પુલનું ઉદ્ઘાટન કરશે, 2 વંદે ભારતને પણ લીલી ઝંડી બતાવશે

• PM મોદી આજે વિશ્વના સૌથી ઊંચા પુલનું ઉદ્ઘાટન કરશે
• PM બે વંદે ભારત ટ્રેનને પણ લીલી ઝંડી બતાવશે
• PM અહીં રેલવે મ્યુઝિયમનું ઉદ્ઘાટન કરશે
• શ્રીનગર-કટરા વચ્ચે બે વંદે ભારતને લીલી ઝંડી

PM મોદી આજે ચિનાબ નદી પરના વિશ્વના સૌથી ઊંચા બ્રિજનું ઉદ્ઘાટન કરશે અને શ્રીનગર અને કટરા વચ્ચે ચાલતી બે વંદે ભારત ટ્રેનને પણ લીલી ઝંડી બતાવશે. વંદે ભારત ટ્રેનો ખાસ કરીને આ વિભાગ માટે ડિઝાઇન કરવામાં આવી છે. ઉધમપુર-શ્રીનગર-બારામુલ્લા રેલ લિંક (યુએસબીઆરએલ) પ્રોજેક્ટના નિર્માણમાં ઘણી મહેનત અને અદ્ભુત એન્જિનિયરિંગ કૌશલ્ય સામેલ છે. PM અહીં રેલવે મ્યુઝિયમનું પણ ઉદ્ઘાટન કરશે.

272 કિમી લાંબી શ્રીનગર-બારામુલ્લા રેલવે લાઇન (USBRL) નો છેલ્લો ભાગ, કાઝીગુંડ-બારામુલ્લા સેક્શન જે 118 કિમી લાંબો છે, તે ઓક્ટોબર 2009 માં શરૂ કરવામાં આવ્યો હતો. આ પછી, કાઝીગુંડ અને બનિહાલ વચ્ચેનો 18 કિમીનો સેક્શન જૂન 2013 માં, ઉધમપુર-કટરા (25 કિમી) જુલાઈ 2014 માં અને બનિહાલ-સાંગલદાન (48.1 કિમી) સેક્શન ફેબ્રુઆરી 2024 માં શરૂ કરવામાં આવ્યો હતો.  PM આજે એટલે કે 6 જૂને રેલ પ્રોજેક્ટના બાકીના ભાગ, કટરા-સંગાવદન (૬૩ કિમી)નું ઉદ્ઘાટન કરવાના છે.

PM મોદી બ્રિજને રાષ્ટ્રને સમર્પિત કરશે

PM મોદી આ સેક્શન પર ચેનાબ નદી પર બનેલા વિશ્વના સૌથી ઊંચા બ્રિજને રાષ્ટ્રને સમર્પિત કરશે. ચિનાબ નદીના નિર્માણમાં 1,400 કરોડ રૂપિયાનો ખર્ચ થયો છે. તે વિશ્વનો સૌથી ઉંચો કમાન બ્રિજ છે. નદી પરથી આ બ્રિજની ઊંચાઈ 359 મીટર છે અને તે પેરિસના એફિલ ટાવર કરતા લગભગ 35 મીટર ઊંચો છે.

આ પણ વાંચો :  ઓપરેશન સિંદૂર બાદ પ્રથમવાર PM મોદી જમ્મુ કાશ્મીરની મુલાકાતે

7 જૂનથી શરૂ થશે સેવા

જમ્મુ અને કાશ્મીરના કટરા અને શ્રીનગર વચ્ચે વંદે ભારત ટ્રેન સેવા 7 જૂનથી સામાન્ય લોકો માટે શરૂ થશે. ઉત્તર રેલવેએ જણાવ્યું હતું કે ભારતીય રેલવે કેટરિંગ અને પર્યટન નિગમ (IRCTC) એ ગુરુવાર સાંજથી આ માટે એડવાન્સ બુકિંગ શરૂ કર્યું છે. ઉત્તર રેલ્વેના જણાવ્યા અનુસાર, બે વંદે ભારત ટ્રેન કટરા અને શ્રીનગર વચ્ચે દિવસમાં ચાર ટ્રીપ કરશે. ઉત્તર રેલવેના એક અધિકારીએ જણાવ્યું હતું કે, 'આ ટ્રેનમાં ચેર કાર (CC) અને એક્ઝિક્યુટિવ ક્લાસ (EC) બે શ્રેણીઓ છે અને ટિકિટનો દર અનુક્રમે 715 રૂપિયા અને 1,320 રૂપિયા છે.'

પહેલી ટ્રેન કટરાથી સવારે 8:10 વાગ્યે ઉપડશે અને સવારે 11:08 વાગ્યે શ્રીનગર પહોંચશે. આ જ ટ્રેન શ્રીનગરથી બપોરે 2 વાગ્યે પરત ફરશે અને સાંજે 4:58 વાગ્યે કટરા પહોંચશે. મંગળવારે આ ટ્રેન સેવા ઉપલબ્ધ રહેશે નહીં. તેવી જ રીતે, બીજી ટ્રેન કટરાથી બપોરે 2:55 વાગ્યે ઉપડશે અને સાંજે 5:53 વાગ્યે શ્રીનગર પહોંચશે. આ જ ટ્રેન બીજા દિવસે સવારે 8 વાગ્યે શ્રીનગરથી પરત ફરશે. આ સેવા બુધવારે કાર્યરત રહેશે નહીં. એક અધિકારીએ જણાવ્યું હતું કે, 'લગભગ 3 કલાકની મુસાફરી દરમિયાન, ટ્રેનો હાલમાં ફક્ત બનિહાલ પર જ રોકાશે, પરંતુ પછીથી અન્ય સ્ટોપેજ વિશે પણ નિર્ણય લેવામાં આવશે.'

આ પણ વાંચો :  Bengaluru stamped :11 લોકો મોત માટે પોલીસ જવાબદાર? CM સિદ્ધારમૈયાનો મોટો નિર્ણય

ધાર્મિક પર્યટનને પ્રોત્સાહન

"મુસાફરી દરમિયાન, મુસાફરોને શાકાહારી ભોજન પીરસવામાં આવશે જેમાં કેટલીક સ્થાનિક સ્વાદિષ્ટ વાનગીઓનો સમાવેશ થશે," IRCTC ના એક અધિકારીએ જણાવ્યું. "વધતી રેલ કનેક્ટિવિટી મુસાફરોને ખીર ભવાની મંદિર, માર્તંડ સૂર્ય મંદિરની મુલાકાત લેવાની અને અમરનાથ યાત્રામાં ભાગ લેવાની સુવિધા આપશે અને ધાર્મિક પર્યટનને પ્રોત્સાહન આપશે," રેલ્વે મંત્રાલયે જણાવ્યું હતું કે આ રૂટ પર વંદે ભારત ટ્રેનોને ખાસ કરીને 'એન્ટિ-ફ્રીઝિંગ' ટેકનોલોજી સાથે ડિઝાઇન કરવામાં આવી છે જેથી ભારે ઠંડીમાં પાણી અને બાયો-ટોઇલેટ જામી ન જાય.

ઘાટીના લોકો માટે ઐતિહાસિક પ્રસંગ

જમ્મુ અને કાશ્મીરના મુખ્ય પ્રધાન ઓમર અબ્દુલ્લાએ કાશ્મીર રેલ સેવાના ઉદ્ઘાટનને દેર આયે દુરસ્ત આયે જણાવતા કહ્યું કે તેઓ પણ લાંબા સમયથી રાહ જોઈ રહ્યા હતા કારણ કે ઘાટીના લોકો માટે આ એક ઐતિહાસિક પ્રસંગ છે. PM મોદી શુક્રવારે બહુપ્રતિક્ષિત કાશ્મીર રેલ લિંકનું ઉદ્ઘાટન કરશે. તેઓ ચિનાબ બ્રિજ અને ભારતના પ્રથમ કેબલ-સ્ટેડ અંજી બ્રિજનું પણ ઉદ્ઘાટન કરશે.

અબ્દુલ્લાએ કહ્યું કે રેલવે સેવા શરૂ થવાથી લોકો ઓછા ખર્ચે મુસાફરી કરી શકશે અને 5,000 રૂપિયાની ટિકિટો 20,000 રૂપિયામાં વેચીને અમને લૂંટનારા કેટલાક એર સર્વિસ પ્રોવાઈડર્સનો ધંધો બંધ થઈ જશે.

આ પણ વાંચો :  Bengaluru : RCB,ઈવેન્ટ મેનેજમેન્ટ કંપની અને કર્ણાટક ક્રિકેટ બોર્ડ સામે નોંધાઈ FIR