PM Narendra Modi એ ઇટાલીના PM Giorgia Meloni ને કર્યો ફોન, જાણો શું વાત કરી?
Narendra Modi: દેશમાં અત્યારે લોકસભાની ચૂંટણીને લઈને માહોલ જામેલો છે. આ સાથે આજે બીજા તબક્કાનું મતદાન પણ થઈ રહ્યું છે. સવારે સાત વાગ્યાની સાથે જ લોકો મત આપવા માટે જઈ રહ્યા છે. આ દરમિયાન વડાપ્રધાન નરેન્દ્ર મોદી (Narendra Modi)એ ઇટાલીની પીએમ જ્યોર્જિયા મેલોની (Giorgia Meloni)થી ફોનમાં વાત કરી છે. વડાપ્રધાન મોદીએ જ્યોર્જિયા મેલોનીને ઇટાલીને તેના મુક્તિ દિવસ પર શુભેચ્છા પાઠવી હતી. પીએમ મોદીએ ઇટાલીમાં G7 સમિટમાં ભારતને આમંત્રણ આપવા બદલ આભાર પણ માન્યો હતો. બંને નેતાઓએ વ્યૂહાત્મક ભાગીદારીને વધુ મજબુત બનાવવા અંગે તેમના વિચારોનો પુનરોચ્ચાર કર્યો. તેઓએ પરસ્પર હિતના પ્રાદેશિક અને વૈશ્વિક મુદ્દાઓ પર પણ ચર્ચા કરી છે.
જી7 શિખર સંમેલન ઇટાલીમાં યોજાશે
નોંધનીય છે કે, વડાપ્રધાન નરેન્દ્ર મોદીને જ્યોર્જિયા મેલોનીએ આ વર્ષે ઇટાલીમાં યોજાઈ રહેલા જી7 શિખર સંમેલનમાં આઉટરીચ સત્રમાં ભાગ લેવા માટે આમંત્રણ આપ્યું છે. ઉલ્લેખનીય છે કે, આ વર્ષે જી7 શિખર સંમેલન ઇટાલીમાં યોજાવાનું છે. મળતી વિગતો પ્રમાણે આ સંમેલન જૂન મહિલામાં યોજાવાનું છે.
નરેન્દ્ર મોદીએ ઇટાલીને તેના મુક્તિ દિવસ પર શુભેચ્છા પાઠવી
આ સાથે સાથે વડાપ્રધાન નરેન્દ્ર મોદીએ સોશિયલ મીડિયા પોસ્ટમાં કહ્યું કે, તેમણે વડાપ્રધાન જ્યોર્જિયા મેલોની સાથે વાત કરી અને ઇટાલીને તેના મુક્તિ દિવસ પર શુભેચ્છા પાઠવી. જૂનમાં G7 સમિટમાં તેમને આમંત્રણ આપવા બદલ તેમનો આભાર માન્યો. G7 એ ભારતમાં યોજાયેલા G20 ના પરિણામોને આગળ વધારવાની ચર્ચા કરી. અમારી વ્યૂહાત્મક ભાગીદારીને વધુ ગાઢ બનાવવાની પ્રતિબદ્ધતાનો પુનરોચ્ચાર કરવામાં આવ્યો હતો.
Spoke with PM @GiorgiaMeloni and extended greetings as Italy celebrates its Liberation day today. Thanked her for the invite to the G7 Summit in June. Discussed taking forward #G20India outcomes at the G7. Reaffirmed commitment to deepening our Strategic Partnership.
— Narendra Modi (@narendramodi) April 25, 2024
ગ્લોબલ સાઉથને પ્રોત્સાહન આપવા માટે પણ ચર્ચા કરી
તમને જણાવી દઈએ કે, જી7 શિખર સંમેલનમાં આઉટરીચ સત્ર, 13 જૂનથી 15 જૂન સુધી ઇટાલીમાં થવાનું છે. વડાપ્રધાન મોદી અને PM જ્યોર્જિયા મેલોનીએ ઇટાલીની અધ્યક્ષતામાં યોજાયેલી G7 સમિટમાં, ભારતના G20 પ્રમુખપદના મહત્વના પરિણામોને આગળ વધારવાની રીતો માટે અને ખાસ કરીને ગ્લોબલ સાઉથને પ્રોત્સાહન આપવા માટે પણ ચર્ચા કરી હતી.