BRICS : PM મોદીએ UAE ના રાષ્ટ્રપતિ અલ નાહયાન સાથે મુલાકાત કરી, કહી આ મોટી વાત...
- રશિયાના કઝાન શહેરમાં BRICS સમિટનું આયોજન
- ભારત-UAE સંબંધોને વધુ ગાઢ બનાવવાની પ્રતિબદ્ધતા
- BRICS માં PM મોદીનું આતંકવાદને લઈને મોટું નિવેદન
રશિયામાં ચાલી રહેલી BRICS સમિટ દરમિયાન PM નરેન્દ્ર મોદીએ યુદ્ધો અને સંઘર્ષોથી ઘેરાયેલી દુનિયા અને આતંકવાદ અને તેના ધિરાણના પડકારને લઈને મોટું નિવેદન આપ્યું છે. ભારતીય PM એ કહ્યું કે, આતંકવાદ અને તેના ધિરાણ પર કોઈ પણ દેશ બેવડા માપદંડ ધરાવશે નહીં, બલ્કે તમામ BRICS દેશોએ તેની સામે એક થવું પડશે. આ દરમિયાન PM મોદીએ એમ પણ કહ્યું કે, ભારત BRICS ના નવા સભ્યોનું સ્વાગત કરે છે, પરંતુ તેનો નિર્ણય સ્થાપક સભ્યોની સહમતિથી લેવો જોઈએ.
તમને જણાવી દઈએ કે, PM નરેન્દ્ર મોદીએ કઝાનમાં ચાલી રહેલી 16 મી BRICS સમિટ દરમિયાન સંયુક્ત આરબ અમીરાત (UAE) ના પ્રમુખ શેખ મોહમ્મદ બિન ઝાયેદ અલ નાહયાન સાથે મુલાકાત કરી. આ દરમિયાન હૂંફ અને હાસ્ય વચ્ચે બંને નેતાઓએ એકબીજાના ખબર-અંતર પૂછ્યા. ભારત-UAE સંબંધોને વધુ ગાઢ બનાવવાની પ્રતિબદ્ધતા પણ વ્યક્ત કરી હતી.
બેઠક બાદ PM નરેન્દ્ર મોદીએ સોશિયલ મીડિયા હેન્ડલ પર તસવીરો શેર કરી...
Glad to have met my brother, His Highness Sheikh Mohamed bin Zayed Al Nahyan, President of UAE, on the sidelines of the BRICS Summit in Kazan. @MohamedBinZayed pic.twitter.com/rupjAEUHgV
— Narendra Modi (@narendramodi) October 23, 2024
આ પણ વાંચો : Xi Jinping અને PM Modi વચ્ચે 5 વર્ષ પછી મુલાકાત, શું ભારત-ચીન સંબંધો પાટા પર આવશે?
શી જિનપિંગ સાથે મુલાકાત કરી...
લગભગ 5 વર્ષ પછી PM નરેન્દ્ર મોદી (Narendra Modi) અને ચીનના રાષ્ટ્રપતિ શી જિનપિંગ (Xi Jinping) બુધવારે કઝાનમાં મળ્યા હતા. આ દ્વિપક્ષીય બેઠક BRICS સમિટમાં થઈ હતી. ભારત અને ચીન વચ્ચેના વર્તમાન સંબંધો અને સરહદ પર તણાવ વચ્ચે યોજાયેલી આ બેઠક પર સમગ્ર વિશ્વની નજર છે. આ બેઠક પહેલા, વાસ્તવિક નિયંત્રણ રેખા (LAC) પર તણાવ ઘટાડવા માટે ચીન અને ભારત વચ્ચે સંયુક્ત પેટ્રોલિંગ કરાર પર હસ્તાક્ષર કરવામાં આવ્યા છે. આને બંને દેશોના સંબંધોમાં બરફ પીગળવાના મોટા પ્રયાસ તરીકે જોવામાં આવી રહ્યા છે. જૂન 2020 માં ગલવાનમાં અથડામણ પછી, પૂર્વી લદ્દાખમાં ઘણી જગ્યાઓ અને મોરચા હતા જેના પર મડાગાંઠ હતી. મોદી (Narendra Modi) અને જિનપિંગ (Xi Jinping) લગભગ 5 વર્ષ પછી મળ્યા હતા.
આ પણ વાંચો : BRICS : PM મોદીની આતંકવાદને લઈને ખૂલ્લી ચેતવણી!, કહ્યું- "બેવડી નીતિ નહીં ચાલે"
મોટું પગલું પરંતુ પૂરતું નથી...
વિશ્વાસ પુનઃસ્થાપિત કરવા તરફ આ એક મોટું પગલું છે પરંતુ પૂરતું નથી. વિશ્વાસ એવી વસ્તુ છે જે બે થી ચાર વર્ષમાં અને બે થી ચાર પહેલમાં જીતી શકાતી નથી. વફાદારી, પ્રામાણિકતા અને સત્યતાની કસોટી કર્યા પછી વિશ્વાસ ઉત્પન્ન થાય છે. જો આપણે ચીન પર વિશ્વાસ કરવો હોય તો તે વધુ મુશ્કેલ છે. જે દેશનો સ્વભાવ કપટી હોય છે તેના પર સરળતાથી વિશ્વાસ કેવી રીતે કરી શકાય? PM મોદી અને જિનપિંગ (Xi Jinping)ની આ મુલાકાત વિશ્વાસ પુનઃસ્થાપનના માર્ગ પર આગળ વધવાનો આધાર પૂરો પાડશે.
આ પણ વાંચો : BRICS Summit : PM મોદીએ કહ્યું, UPI ભારતની સૌથી મોટી સફળતા...