ચારેય બાજુ ગુજરાતના ગામોથી ઘેરાયેલું છે મધ્ય પ્રદેશનું આ 'સાજનપુર' ગામ

ગુજરાત રાજ્યનાં છોટા ઉદેપુર જિલ્લાનીં સરહદમાં આવેલા આ સાજનપુર ગામની વાત કરીએ તો આ ગામ ૧૮૦૦ ની વસ્તી ધરાવે છે, જેમાં મહત્તમ આદિવાસી લોકો ખેતી અને પશુપાલન કરી જીવન નિર્વાહ કરી રહ્યા છે. મઘ્ય પ્રદેશ સરકારનું રેવન્યું ગામ હોવાને કારણે આ ગામથીં ૬ કી. મી દૂર આવેલું કઠીવાંડા તાલુકા મથક છે, તો ૨૫ કિલો મીટર દૂર અલીરાજપુર જિલ્લા મથક છે, જયારે ૮ કી.મી દૂર ચાંદપુર પોલીસ મથકમાં સમાવેશ કરવામાં આવ્યો છે.મઘ્ય પ્રદેશ પ્રશાસન દ્વારા સંચાલિત આ ગામમાં શિક્ષણની વ્યવસ્થા માટે ત્રણ જેટલી ફળિયા દિઠ વર્ગ શાળા આવેલી છે, જયારે ગામમાં ધોરણ ૧ થી ૧૦ સુધીની કસ્તુરબા નિવાસી શાળા આવેલી છે, જેમાં ૨૦૦ જેટલાં વિદ્યાર્થીઓ શાળામાં રહીને અભ્યાસ કરે છે.

આમ તો સાજનપૂર ગામની પૂર્વે ખડકવાડા ગામ આવેલું છે, જ્યારે પશ્ચિમમાં ટીમલા ગામ આવેલું છે, ઉતરે ગુનાટા ગામ આવેલું છે તો દક્ષિણે મોટી રંગપુર મોટીસઢલી ગામ આવેલું છે. આમ આ સાજનપૂર ગામની ચતુર્થસીમા જોતાં આ ગામની ચારે બાજુ ગુજરાત રાજ્યનાં ગામો આવેલા છે. લોક માન્યતા મુજબ રાજા રજવાડાનાં વખતથી છોટા ઉદેપુર જિલ્લાની સરહદમાં આવેલા સાજનપુર ગામ એ ગુજરાત રાજ્યની સરહદમાં આવેલું હોવા છતાં મઘ્ય પ્રદેશનું રેવન્યુ વિલેજ  છે.

આ પણ વાંચો -- મા ઉમિયાનો પ્રસાદ ઘર-ઘર સુધી પહોંચે તે હેતુથી વિશ્વ ઉમિયાધામ દ્વારા ‘ઉમા સ્વાદમ્’ નો શુભારંભ કરાયો